ତୁମେ ଭାରି ମନେପଡ
ତୁମେ ନ ଆସିଲେ ବି
ମୋତେ ଦିଶିଯାଅ ଚହଲା ପାଣିରେ
ସ୍ନେହ ଶ୍ରଦ୍ଧାର ବଳୟ ଭିତରେ
କୃଷ୍ଣଚୂଡ଼ା ଗଛର ଚାନ୍ଦିନୀରେ
ଦୁଃଖ ସୁଖର ଛକାପଞ୍ଝା ଖେଳରେ
ତୁମେ ନ ଥିଲେ ବି ଆସିଯାଅ
ମୋ ଭାବନାର ଅଳନ୍ଧୁ ଭିତରକୁ
ଜାଡୁଆ ଶୀତର ଅନାବନା ଜାଳେଣୀ ପାଖକୁ
ସେଇ ଜହ୍ନମାମୁଁର ରୂପାଜହ୍ନ ପାଖକୁ
ରାଜନୀତିର ପଶାପାଲି ଖେଳ ଭିତରକୁ
ତୁମେ ନ ଥିଲେ ବି ଭାରି ମନେପଡ
ଗରମ କୁକୁଡ଼ା ଝୋଳ ହାମ୍ପୁଡିଲା
ଵେଳେ
ସ୍କୁଲ ଛାତ୍ରଛାତ୍ରୀ ଭଳି କିଏ କଳି ଲାଗିଲେ
ସୁନ୍ଦର ଭଜନଟିଏ କିଏ ଗାଇଦେଲେ
କିଏ ଜ୍ଞାନ ପେଡ଼ି ଖୋଲି ବସିଗଲେ
କଳ୍ପନା ରାୟ
ଲଇଡା, ସମ୍ବଲପୁର