ନୂଆ ଯୁଗର ଛୁଆ
ବ୍ୟଙ୍ଗ ରଚନା
ନୂଆ ଯୁଗର ,ଛୁଆରେ ମୁହିଁ
ନୂଆ ଯୁଗର ଛୁଆ,
ନାଆଁକୁ ମାତ୍ର,ଇସ୍କୁଲ୍ ଯାଏ
ଟିଉସନ୍ ମୋ ଥୁଆ।1
ପାଠ ପଢାଟା, ହଉନି ସିନା
ଯେତେ ଘୋଷିଲେ ଘରେ,
ଅନ୍ୟ ସବୁଠି, ଧୁରନ୍ଧର ମୁଁ
ବାପାଙ୍କୁ ଟିକେ ଡରେ।2
ସକାଳୁ ଉଠି, ମ୍ୟାଗି ଖାଏ ମୁଁ
ଖାଏନା ଏଣୁ ତେଣୁ,
ରୁଟି ପରଟା,ଚୁଡାରେ ଵାନ୍ତି
ନାଆଁ ଟା ଶୁଣୁ ଶୁଣୁ।3
ମୋବାଇଲ ଟା, ପାଖରେ ଥିଲେ
ସର୍ବଦା ହୁଏ ଖୁସି,
ଟିଭି ରେଡ଼ିଓ,କିଏ ଶୁଣିବ
ଏତେ ସମୟ ବସି।4
ମୋବାଇଲ ଧରି,ଯାଏ ଵାହାରି
ନିରୋଳା ସ୍ଥାନ ଦେଖି,
ସମୟ ମୋଟେ,ଜଣା ପଡେନା
ଆଖି ମୋ ଥାଏ ଲାଖି।5
ମୋ ଜେଜେ ଆସି,ବୁଢ଼ା ହେଲେଣି
ମୋବାଇଲ ଜ୍ଞାନ ନାହିଁ,
କଲ୍ ଆସିଲେ, ମୋତେ ଡାକନ୍ତି
ଥିଲେ ମୁଁ ଯାଏ ଧାଇଁ।6
ଆଖିକୁ ମୋର,ଭଲ ଦିଶୁନି
ବୋଲି କହିଲି ଯେବେ,
ମୋ ବୋଉ ଯାଇ, ବାପାଙ୍କୁ କହି
ଚଷମା ଦେଲେ ସେଵେ।7
ଗାଆଁରେ ଆଉ, କାଟେନା ଚୁଟି
ସହରେ କାଟେ ଯାଇ,
କାନ ଉପରୁ,ଚୁଟିକୁ ପୋଛେ
ମଥାରେ ଅଳ୍ପ ଥାଇ।8
ଛିଣ୍ଡା ପେଏଣ୍ଟ୍,ଆଜିକା ଦିନେ
ଫେସନେ ହୁଏ ଗଣା,
ସେଇ ପେଏଣ୍ଟ୍, ପିନ୍ଧି ମୁଁ ଵୁଲେ
ଯେତେ ବି କଲେ ମନା।9
ରାତିରେ ପାଠ,ପଢି ବସିଲେ
କୁକୁଡ଼ା ରୋଗ ଧରେ,
ମୋବାଇଲ ଧରି,ଖେଳିଲେ ଖେଳ
ଜାଣେନା ରାତି ସରେ।10
ଅଶୋକ କୁମାର ପତି,
ଦହିଗାଁ
174 total views, 1 views today