ସଜ ସକାଳ
ରାତି ପାହିଗଲେ ସଜ ସକାଳ ରେ
କଢ଼ୀ ଟି ପୁଲକି ରହେ
ପ୍ରେମୀ ହୃଦୟରେ ସମର୍ପିତ ଭାବେ
ବିଭୂପାଦେ ସ୍ଥାନ ଚାହେଁ l
ନଭେ ତାରାଗଣ ହୁଅନ୍ତି ନିଷ୍ପ୍ରଭ
ରଜନୀ ନେଲେ ବିଦାୟ
ଚତୁର୍ଦିଗ ଦିଶେ ସୁବର୍ଣ୍ଣମୟ ଯେ
ଅରୁଣ ହେଲେ ଉଦୟ l
କିଚିରି ମିଚିରି କାକଳୀ ଙ୍କ ସ୍ଵରେ
ସ୍ୱର୍ଗ ହୁଏ ପୁଣ୍ୟ ଧରା
କୋଇଲି ର କୁହୁ ଶୁଭୁଥାଏ ଦୂରୁ
ପ୍ରେମ ମାଦକରେ ଭରା l
ଦୂର ଆକାଶ ରେ ମଲାଜହ୍ନ ଟିଏ
ଫିକାଫିକା ଦିଶୁଥାଇ
ସତେକି କୁହଇ ଆଜି ଅଛି ଯିଏ
କାଲି କୁ ଥିବ କି ନାହିଁ l
ମୁଁ ଥାଏ ନ ଥାଏ ଏ ସାରା ଜଗତେ
ଥିବ ଟି ସଜ ସକାଳ
ମୋ ଟିକି କବିତା ଅମର ରହିବ
ରହିଥିବ ଚିରକାଳ l
Gyanaranjan Nayak. Tinimuhani.Kendrapada
161 total views, 1 views today