ସଜ ସକାଳ-ଶବ୍ଦ ବିନ୍ଧାଣି କୁଞ୍ଜବିହାରୀ ଦଳାଇ ସିଂଲା

ସଜ ସକାଳ

ଲୁଚିଲେଣି ଶଶୀ ପାହିଲାଣି ନିଶି
ଆସିଛି ସଜ ସକାଳ ,
ପ୍ରାଚୀ ଗଗନରେ ମୁରୁକି ହସନ୍ତି
କଶ୍ୟପ ଅଦିତି ବାଳ ।

ସତେକି ନିଦ୍ରିତା ବସୁନ୍ଧରା ରାଣୀ
ରାତିରେ ଯାଇଛି ଶଙ୍କି ,
ସୌମ୍ୟା ମୁଖେ ଦେଲେ ତରୁଣ ତପନ
କନକ ଓଢ଼ଣୀ ଢାଙ୍କି ।

ଦ୍ଵିଜ ଶଂଖ ଧ୍ୱନୀ କରୁଛନ୍ତି ଜାଣି
ଅରୁଣ ଙ୍କୁ ପୂର୍ବେ ଦେଖି ,
ଅର୍ଣ୍ଣବର ଜଳ ଦିଶଇ ସ୍ବର୍ଣ୍ଣାଭ
ଆଖି ରହିଯାଏ ଲାଖି ।

କର୍ମ ଜୀବି ନର କର୍ମେ ଅଗ୍ରସର
ଜୀବନ ଜୀବିକା ପାଇଁ ,
ସଂସାରର ବୋଝ ମୁଣ୍ଡେ ଅଛି ଯା’ର
ଦିବସେ ବିଶ୍ରାମ କାହିଁ ?

ପ୍ରୀତିର ପରଶ ବାଣ୍ଟଇ ହରଷେ
ସକାଳ ଶୀତୁଆ ବାଆ ,
ଉଠିପଡ ଧନ ସକାଳ ହେଲାଣି
କାଉ ରାବିଲେଣି କାଆ ।

ଶବ୍ଦ ବିନ୍ଧାଣି କୁଞ୍ଜବିହାରୀ ଦଳାଇ
ସିଂଲା
ବାଲେଶ୍ଵର ।

 112 total views,  1 views today