ପ୍ରେମରେ ଜୀଇଁବା ଶିଖ
ବିନୋଦିନୀ ଦାଶ
ସଂସାର ବୁକୁରେ ଘର କରିଅଛ
ପ୍ରେମରେ ଜୀଇଁବା ଶିଖ
ଲଭିବାକୁ ହେଲେ ଜୀବନେ ସନ୍ତୋଷ
ସତ୍ୟ ପଥେ ପାଦ ରଖ
ନଥିବ ବିପଦ ଦୁଃଖ
ଯେତେ ଅସୁବିଧା ପଛେ ଧାଇଁଲେ ବି
ନମାଡିବ କେବେ ପାଖ ।
ପ୍ରେମ ପରିଭାଷା ଅତି ମିଠା ମିଶା
ମାନବ ସଙ୍ଗେ ଜଡିତ
ତା’କୁ ଛାଡ଼ି କେହି ଜୀଇଁ କି ପାରିଛି
ତାହା ଜୀବନ ଅମୃତ
ପାନେ ପରାଣ ତୃପତ
ମନ ପୁଲକିତ ହୃଦ ଆହ୍ଲାଦିତ
ଝରଇ ମଧୁ ସଙ୍ଗୀତ ।
ପ୍ରେମର ନିଶାରେ ହେଲେ ମତୁଆଲା
ସମ୍ପର୍କର ସୂତ୍ର ଦୃଢ଼
ବାନ୍ଧି ରଖିଥାଏ ପ୍ରତିଟି ପ୍ରାଣକୁ
ତା’ ଆଲିଙ୍ଗନ ନିବିଡ଼
ବଦଳିଥାଏ ବି ମୁଢ଼
ତେବେ କିଆଁ ପ୍ରେମରେ ଜୀଇଁ ନ ଶିଖି
ଅହଂକାର କୁଢ଼କୁଢ଼ ?
କୁରୁଆଁ, ମୁଗପାଳ, ଯାଜପୁର
286 total views, 1 views today