**କେମିତି ଅଛ?**

କେମିତି ଅଛ ଗୋ ମନର ମାନସ
ଆକାଶର ଚାନ୍ଦ ମୋର?
ଅଭିମାନେ ଅଛ ମର୍ଯ୍ୟାଦା ପୁରୁଷ
ପ୍ରେମର ସ୍ୱର୍ଗୀୟ ଧାର ।।

ମନ ସାମ୍ରାଜ୍ୟ ରେ କାୟା ବିସ୍ତାରିଛ
ହୃଦୟ ସମ୍ରାଟ ମୋର,
ସଞ୍ଜ ସକାଳ ଗୋ ସର୍ବତ୍ର ଦିଶୁଛ
ପ୍ରୀତି ବିମୁଗ୍ଧ ଶୃଙ୍ଗାର ।।

ଚାନ୍ଦ ବଦଳେ ତା’ ପ୍ରତି ପକ୍ଷେ ରୂପ
ପୂର୍ଣିମା ଅବା ଅନ୍ଧାର,
ତୁମେ କିନ୍ତୁ ନିତି ହୁଅ ବହୁରୂପ
ଦଗ୍ଧ ଜ୍ୱ।ଳା କଳେବର ।।

ଯୌବନର ରଙ୍ଗ ଦେହର ପ୍ଳାବନ
ସ୍ନେହ ତୃପ୍ତି ସୀମା ହୀନ,
ସ୍ବର୍ଣ୍ଣାଭ ରାତିରେ ବାହୁର ବନ୍ଧନ
ବଢ଼େ ଶରୀର କମ୍ପନ ।।

ସ୍ବପ୍ନ ଆକର୍ଷଣ ହୃଦୟ ଗାୟକ
ପ୍ରେମପୂର୍ଣ୍ଣ ପୁଞ୍ଜି ମୋର,
ଭୁଲିବନି କେବେ ମୋ ପ୍ରାଣ ନାୟକ
ଅନ୍ତରଙ୍ଗ ଅଭିସାର ।।

ଆଗମନ କର ହୃଦୟ ଆକାଶେ
ହସି ଉଠୁ ପୂର୍ଣ୍ଣ ଶଶୀ,
ହେ କଳ୍ପିତ ପ୍ରିୟ ତୁମରି ସକାଶେ
ପ୍ରତୀକ୍ଷିତ ମୁଁ ପ୍ରେୟସୀ ।।

ଜାନକୀ ମହାନ୍ତ
ବେଙ୍ଗାଲୁରୁ।

 216 total views,  1 views today

2 thoughts on “କେମିତି ଅଛ?— ଜାନକୀ ମହାନ୍ତ”
  1. Wonderful beat ! I would like to apprentice whilst you amend your web site, how could i subscribe for a blog website?

    The account helped me a applicable deal. I have been tiny
    bit familiar of this your broadcast offered vibrant transparent concept

Leave a Reply

Your email address will not be published. Required fields are marked *