ସୁପ୍ରଭାତ
ମୁଁ – ନା ନା ମୁଁ ଆଉ ମଞ୍ଚକୁ ଯିବିନି ଏତେ ସୁନ୍ଦର ଭାବରେ ମୁଁ ମୋ ଡାଇଲଗ ସବୁକୁ ଡେଲିଭରି କରୁଥିଲି ହେଲେ କେହିବି ଜଣେ ହେଲେ ତାଳି ବଜେଇଲେ ନାହିଁ । ତୁମେ ଭାଇନା ଯାଅ ମୁଁ ମୋର ଏଇ ଗ୍ରୀନ ରୁମରେ ବସି ସବୁ ଦେଖିବି ଆଉ ଶୁଣିବି। ମୋ ମନ ଭାଙ୍ଗିଗଲା । ହେସ୍……
ଭାଇନା – ତୁମେ ଜିତୁ ଭାଇ ଏତେ ଶୀଘ୍ର ନିଜକୁ ନିଜେ ହାର ମାନିନେଲ !ଏଇ ଆରମ୍ଭରୁ ଶେଷ ହେବାକଥା ଚିନ୍ତା କଲଣି ! ନା ନା କାହା ତାଳି ମାରିବାରେ ନିଜର ଅଭିନୟ କୁ ସୀମିତ ରଖନାହିଁ।ତୁମେ ଜାଣିଛ ଆମ ଏ ଦୁନିଆଁ ଏ ପ୍ରକୃତି ସଦାସର୍ବଦା ଆମକୁ ପରୀକ୍ଷା କରୁଥାଏ। କିଛି ବର୍ଷପୂର୍ବରୁ ସହାରୁଖ ଖାନ ଜଣେ ଉପସ୍ଥାପକ ଥିଲେ ଦୂରଦର୍ଶନରେ ସେତେବେଳେ ଅନେକ ଲୋକ ତାଙ୍କୁ ଚିଡ଼ାଉଥିଲେ ସେ ଖନେଇ ଖନେଇ କଥା ସବୁକୁ କହୁଥିଲେ ବୋଲି ହେଲେ ସେ ହାରି ନଥିଲେ ସେ ନିଜ ଜିଦ ରେ ଅଟଳ ଥିଲେ କି ସେ ଜଣେ ଦକ୍ଷ କଳାକାର,ଉପସ୍ଥାପକ ହେବେ ବୋଲି ଆଉ ଆଜି ଦେଖ କେବଳ ମାତ୍ର ସେଇ ଜଣେ ହିଁ ସହାରୁଖ ଯିଏ ସାରା ବିଶ୍ୱରେ ଜନତାଙ୍କ ହୃଦୟରେ ଘର କରିନେଇଛନ୍ତି ନିଜ ସେଇ ଖନେଇ ଖନେଇ କହୁଥିବା କଥାସବୁରେ ଅଭିନୟରେ ତେବେ ତୁମେ କିଆଁ ହାରିବ ? ତୁମକୁ ବି ଦିନେ ସଭିଏଁ ଅଜସ୍ର ତାଳି ମାରି ସ୍ୱାଗତ କରିବେ ତୁମର ଏଇ ଅଭିନୟ ପାଇଁ । ଯାଅ ନିଜ ଭିତରେ ଜିତିବାର ଇନ୍ଧନ କୁ ଜଳେଇ କ୍ଷିପ୍ର ଗତିରେ ନିଜ ଗନ୍ତବ୍ୟ ସ୍ଥଳକୁ ଆଗେଇଯାଅ ଦେଖିବ ବିଜୟ ର ଜୟଧ୍ୱନି ଦିନେ ନା ଦିନେ ଗୁଞ୍ଜରିତ ହେବ ତୁମ ଉଦେଶ୍ୟରେ।ଅଗଣିତ ଜନତା ତୁମ ଦିୱାନା ହେଇଯିବେ । ଯାଅ ମଞ୍ଚ ଉପରକୁ ଯାଅ।
ଜିତେନ୍ଦ୍ର ଗିରି
ଶିକ୍ଷଣୀୟ ବାର୍ତ୍ତା… ବହୁତ ସୁନ୍ଦର ❤
ସୁନ୍ଦର ଏବଂ ଶିକ୍ଷଣୀୟ
ବହୁତ ଭଲ ପ୍ରେରଣା
ମଥାନତ ପ୍ରଣାମ ମାମ