*ହଁ ! ମୁଁ ଯୋଦ୍ଧା*
ହଁ ମୁଁ ଯୋଦ୍ଧା । ନୂଆ ନୂଆ ରଣ ଭୂମିରେ ପାଦ ଥାପିଛି ।
ଏ ଯୁଦ୍ଧରେ ଶତୃ କ୍ଷକ୍ତାକ୍ତ ହେବ ସିନା ରକ୍ତାକ୍ତ ହେବନାହିଁ ।
ଏ ଯୁଦ୍ଧ ଖଡ୍ଗର ନୁହେଁ ଏ ଯୁଦ୍ଧ କଲମର ।
ଏ ଯୁଦ୍ଧର ଉଦ୍ଦେଶ୍ୟ କୋଉଁ ରାଜ୍ୟ ଜୟ କରିବା ନୁହେଁ କି କୌଣସି ସିଂହାସନ ଜୟ କରିବା ନୁହେଁ । ଏ ଯୁଦ୍ଧର ମୂଳ ଉଦ୍ଦେଶ୍ୟ ମାତୃଭାଷା ମାତୃଭୂମିକୁ ବଞ୍ଚାଇ ରଖିବା ।
ଯୋଉଁ ଭାଷାକୁ ବଞ୍ଚାଇରଖିବା ପାଇଁ ଆମ ପୂର୍ବପୁରୁଷ ଉତ୍କଳଗୌରବ ମଧୁସୂଦନ ଦାସ, ଉତ୍କଳମଣି ଗୋପବନ୍ଧୁ ଦାସ, ମହାରାଜା ଶ୍ରୀରାମଚନ୍ଦ୍ର ଭଞ୍ଜଦେଓ , ବ୍ୟାସକବି ଫକୀରମୋହନ ସେନାପତି, ପଣ୍ଡିତ ନୀଳକଣ୍ଠ ଦାଶ, କବିବର ରାଧାନାଥ ରାୟ, ମହାରାଜା କୃଷ୍ଣଚନ୍ଦ୍ର ଗଜପତି ଦେବ, ସ୍ବଭାବ କବି ଗଙ୍ଗାଧର ମେହେର, ବିଚିତ୍ରାନନ୍ଦ ଦାସ, କର୍ମବୀର ଗୌରୀଶଙ୍କର ରାୟ
ଓ ହରିହର ମର୍ଦରାଜ ଦେବ ଆଦି ପ୍ରତିବାଦର ସ୍ବରତୋଳନ କରି ଆମ ଭାଷାକୁ ବଞ୍ଚାଇଥିଲେ ସେଇ ମାତୃଭାଷାକୁ କଣ ଏମିତି ବିଲୋପ ହେବାର ଦେଖୁଥିବେ ? ସ୍ବରତୋଳନ କରିବେ ନାହିଁ ?
ପ୍ରକୃତି କବି ଗଙ୍ଗାଧର ମେହେର କହିଥିଲେ –
” ମାତୃଭୂମି ମାତୃଭାଷାରେ ମମତା
ଯା ହୃଦେ ଜନମି ନାହିଁ,
ତାକୁ ଯଦି ଜ୍ଞାନୀ ଗଣରେ ଗଣିବା
ଅଜ୍ଞାନ ରହିବେ କାହିଁ ? ”
କଣ ପାଶୋରି ଗଲେ ସବୁକିଛି ? ହଁ ମାନୁଛି ଆମ ଗହଣରେ ନାହାଁନ୍ତି ଆମର ଉତ୍କଳଗୌରବ, ଉତ୍କଳମଣି, କର୍ମବୀର, ବ୍ୟାସକବି । ହେଲେ ତାଙ୍କରି ରକ୍ତ ଏବେ ମଧ୍ୟ ଆମ ଦେହରେ ବହୁଛି । ଏହି କଥା ଭାବି ମନରେ ସାହାସ ବାନ୍ଧି ସମାଜରେ ଚାଲିଥିବା ଦୂର୍ନିତୀ, ଅତ୍ୟାଚାର ବିରୋଧରେ ପ୍ରତିବାଦର ସ୍ବର ଉଠାଇ ତ ଦେଖନ୍ତୁ ! ଦେଖିବେ ଆପଣଙ୍କୁ ଦେଖି ଅନ୍ୟମାନେ ମଧ୍ୟ ଆପଣଙ୍କ ସ୍ବରରେ ସ୍ବର ମିଳାଇବେ ।
ଆରେ ! ପ୍ରଭୁ ଶ୍ରୀରାମଙ୍କ ଅନୁପସ୍ଥିତିରେ ବି ତ ପୁଣି ଭରତ ତାଙ୍କର କୋଠଉ କୁ ସିଂହାସନ ଉପରେ ରଖି ରାଜ୍ୟର ଦାୟିତ୍ୱ ଗ୍ରହଣ କରିଥିଲେ । ତାହେଲେ ଆପଣ କାହିଁକି ଆମ ପୂର୍ବପୁରୁଷଙ୍କ ବଳୀଦାନକୁ ମନେ ପକାଇ ମାତୃଭୂମିର ସୁଯୋଗ୍ୟ ସନ୍ତାନ ହେଇ ମାତୃଭୂମି ମାତୃଭାଷା ପ୍ରତି ନିଜର ଦାୟିତ୍ୱ ତୁଲାଇ ପାରିବେ ନାହିଁ ?
ବ୍ୟାସକବି ଫକୀରମୋହନ ସେନାପତି କହିଥିଲେ-
” ଉତ୍କଳ ଜନନୀ ଅଛନ୍ତି ଚାହିଁ
କର କିଛି କାର୍ଯ୍ୟ ଲୋକଙ୍କ ପାଇଁ
ପଛଘୁଞ୍ଚା ଦେଲେ କାର୍ଯ୍ୟ ସାଧନେ
କିବା ପ୍ରୟୋଜନ ସେହି ଜୀବନେ ”
ମୁଁ ତ ସାଜିଛି କଲମଧାରୀ ଯୋଦ୍ଧା । ପାଦ ଥାପିଛି ଦୂର୍ନିତୀ ଅତ୍ୟାଚାରର ରଣ ଭୂମିରେ । କଣ ଆପଣମାନେ ଆସିବେ ନାହିଁ ମୋତେ ସାଥ୍ ଦେବାପାଇଁ ? କଣ ଆପଣ ଆସିବେ ନାହିଁ ମାତୃଭୂମି ମାତୃଭାଷାର ସମ୍ମାନ ରକ୍ଷା ପାଇଁ ?
ଆସନ୍ତୁ ନା ଆଉଥରେ କଲମ ମୁନରେ ବିପ୍ଳବର ଛବି ଆଙ୍କିଦେବା..
ଆପଣଙ୍କ ଅପେକ୍ଷାରେ କଲମଧାରୀ ମୁଁ ……….✍️
*ସୁଭଦ୍ରା ପଟ୍ଟାୟତ, ବାଲେଶ୍ବର*
congratulations for writing such nice lines on mother toung. Keep up writing,
Always with you .
Thank You Very Much Sir
Very nice story
Thank You So Much.
As usual, Subhadra Pattayat has once again proved her very good ability as a young pen-girl. Heartiest congratulations for writing such nice lines on mother tounge. Keep up writing, beti❤
Thank you from the bottom of my heart May your blessings be upon me.
a very nice stoty, keep it up mam
Thank You So Much Sir.