ବିସ୍କୁଟ…
ଗାୟତ୍ରୀ ମିଶ୍ର
*****************
କ୍ଷୁଦା ମେଣ୍ଟିବାର କ୍ଷୁଦ୍ର ପ୍ରୟାସ ସେ
ସ୍ନେହବୋଳା ଏକ ଉପହାର,
କେବେ ସାଜେ ପୁଣି ପ୍ରାଣରକ୍ଷା ପଥି
ବିସ୍କୁଟ ସେ’ ପ୍ରିୟ ସଭିଙ୍କର l
ଉଦର ବିକଳେ ଭ୍ରମେ ଜନ୍ତୁ ଟିଏ
ଖାଦ୍ୟ ପାଇଁ ସତେ କି ହାହାକାର,
ବିସ୍କୁଟ ର ଦାନ ଦେଇ ଦୟାଵାନ
ସାଜେ ଦେବଦୂତ ସେ’ କ୍ଷଣ ର l
ଅତ୍ୟାଚାର ଅନାଟନ ରେ ପୀଡିତା
ଝରୁଥିଲେ ଅଶ୍ରୁ ଜନନୀ ର,
ବିସ୍କୁଟ ସସ୍ନେହେ ଦେଇ ତାର ମୁଖେ
ପୋଛିଦିଅ ତା’ର ଅଶ୍ରୁ ଧାର l
କ୍ଷୁଦ୍ର ସିନା କାୟା ବୃହତ୍ତର ମାୟା
ବିଶ୍ୱ ଦରବାରେ ଖ୍ୟାତି ତା’ର,
ପ୍ରତି ଗୃହେ ଗୃହେ ଶୋଭା ପାଏ ସିଏ
ଉଷ୍ମ ପାନୀୟ ର ସହୋଦର l
ବୃଦ୍ଧ ବାଳୁତ ଙ୍କ ମୁଖେ ବୋଳେ ହାସ୍ୟ
ଭିନ୍ନ ଦେଶେ ଭିନ୍ନ ଅବତାର,
ସ୍ୱଳ୍ପବ୍ୟୟୀ ମିତବ୍ୟୟୀ ଙ୍କ ସୋହାଗେ
ଯୁଗାନ୍ତରେ ସଦା ତା’ ଆଦର ll
………………
ଗାୟତ୍ରୀ ମିଶ୍ର…
460 total views, 1 views today