ସ୍ୱାଧୀନତା ତୁମେ କେଉଁଠି
ନିତ୍ୟାନନ୍ଦ ସିଂହ
~~~~~~~~~~~~~~~~~
ପୁରୁଣା ଦିବସ ହେଲା ଇତିହାସ
ଅମରତ୍ୱେ ଲେଖା ହେଲା ,
ସେ ପୂର୍ବ ପୁରୁଷ ପାଇଁ ଆମ୍ଭ ଦେଶ
ସ୍ୱାଧୀନତା ଲାଭ କଲା ।।
ଲୁହ ରକ୍ତ କାଢ଼ି ଶତ୍ରୁ ସାଙ୍ଗେ ଲଢ଼ି
ଦେଲେ କେତେ ବୀର ପ୍ରାଣ ,
ସେମାନଙ୍କ ପାଇଁ ଏ ଭାରତ ଭୂଇଁ
ହୋଇଲା ଆଜ ସ୍ୱାଧୀନ ।।
କିନ୍ତୁ ବର୍ତ୍ତମାନ ସବୁ ଛିନ୍ନ ଭିନ୍ନ
ଓଲଟାରେ ପରିଣତ ,
ସ୍ୱାଧୀନତା ଦେଶ ଭୋଗେ ଆଜି କ୍ଳେଶ
ହୋଇଲେ ସବୁ ଅଚେତ ।।
ହୁଏ ଅତ୍ୟାଚାର ଲାଞ୍ଛ କାରବାର
କେହି ନୁହଁ ସୁରକ୍ଷିତ ,
ଭୁଲି ଧର୍ମ କର୍ମ ହେଲେ ପଶୁ ସମ
କାନ୍ଦୁଛି ଆଜି ଭାରତ ।।
ଆଜି ହିନ୍ଦୁସ୍ଥାନ ହୋଇବି ସ୍ୱାଧୀନ
ପିଠିରେ ପଡଇ ଲାଠି ,
ପୁଣି ଆଉ ଥରେ ସ୍ୱାଧୀନକୁ ଝୁରେ
ସ୍ୱାଧୀନତା ତୁମେ କେଉଁଠି ? ।।
ନିତ୍ୟାନନ୍ଦ ସିଂହ