#ଲୁହ_ତୁମେ
ଲୁହ ତୁମେ,
ନିଶବ୍ଦ ନିଶିର ନିରବ ଯମୁନା ନଈ,
ବିଧବା ନାରୀର ବୁକୁ ତଳ କଇଁ କଇଁ
ଅନ୍ଧାର ଅନ୍ତରେ ଆଲୋକର ଉପକ୍ରମ
ମୃତ୍ୟୁ ଆରପାରେ ଜୀବନର ଅନ୍ୟନାମ ।
ଲୁହ ତୁମେ,
ଆତ୍ମଗ୍ଲାନି ପରେ ଆଶାର ଉଦ୍ଗିରଣ
କା ‘ ଲାଗି ଗ୍ରହଣ କା ‘ ଲାଗି ରୂପେଲି ଜହ୍ନ
ସାଗର ଗରଭ ଶାମୁକାର ଲୁଣି ଜଳ
ଲୁହତୁମେ କେବେ କରମ ଅରଜା ଫଳ
ଲୁହ ତୁମେ,
କୁନି ଶିଶୁ ନେତ୍ରୁ ଝରାଅ ଅଳି ଅଝଟ
ବିରହ ବୁକୁରେ ବେଦନାର ଚିତ୍ରପଟ
ହୃଦୟ ଗରଭେ ରତ୍ନ ଦୀପଶିଖା ଜାଳି
ନୟନ କାନ୍ଥରେ କୋହ ସାଥେ ଖେଳ ଦୋଳି
ଲୁହ ତୁମେ,
ମାନିନୀ ଆଖିରେ କେବେ ଶ୍ରାବଣର ଧାରା
ସ୍ଵାଭିମାନୀ ଦେହେ କେବେ ଗ୍ରୀଷ୍ମର ଖରା
ଦୁଃଖୀ ଦରିଦ୍ର ର ପସରା ଗଳାର ହାର
ପର ଏ ଦୁନିଆ…
ତୁମେ ତ ଏକା ନିଜର…..।
#ସୁପ୍ରଜିତ୍ ସାହୁ
589 total views, 1 views today