ଉତ୍କଳର ସଂସ୍କୃତି
****************
ସବୁଠୁ ବିରଳ ମୋର
ମାଟି ଉତ୍କଳର,
କେତେ ଯଶ କିର୍ତ୍ତୀ ଏଠି
ସଂସ୍କୃତିର ପୁର।।
ଉତ୍କଳ ଭୂବନେ ଦେଖ
ସଂସ୍କୃତିର ଠାଟ,
ଆକୃଷ୍ଟ କରଇ କେତେ-
ନାନା ପର୍ଯ୳ଟକ।।
ବାରମାସେ ତେର ପର୍ବ
ଯାତ-ର ସମ୍ଭାର,
ଇତିହାସେ ସ୍ଥାନ ଅଛି
ହୋଇ ସ୍ବର୍ଣ୍ଣାକ୍ଷର।।
ନୀଳାମ୍ବୁ ଚିଲିକା ଶୋହେ
ବକ୍ଷରେ ଯାହାର,
ସୌନ୍ଦର୍ଯ୳ ମହିମା ତାର
ନାହିଁ ପଟାନ୍ତର।।
ମନ୍ଦିର ମାଳିନୀ ନାମ
ପୁରାଣେ ବିଦିତ,
ଲିଙ୍ଗରାଜ, ଜଗନ୍ନାଥ
ବିଶ୍ଵରେ ବିଖ୍ୟାତ।।
ଓଡ଼ିଶୀ ସଙ୍ଗୀତ ଛନ୍ଦେ
କିଣିନିଏ ମନ,
କଳାସ୍ଥାପତ୍ୟ ର ଏଠି
ନନ୍ଦନକାନନ।।
ବେଶଭୂଷା କଥା କୁହେ
ଦିଏ ପରିଚୟ,
ଓଡ଼ିଆ ସଂସ୍କୃତି ସତେ
କେତେ ଲୋଭନୀୟ।।
ବିହଙ୍ଗ କୂଜନେ ଶୁଭେ
କୋଣାର୍କର ଦ୍ବାର,
ପ୍ରଭାତେ ଢାଳନ୍ତି ଜ୍ୟୋତି
ପୂଜ୍ୟ ପ୍ରଭାକର।।
କେତେ କବି-କବିୟତ୍ରୀ
ଲେଖନୀ ମୁନରେ,
ପ୍ରଚାରନ୍ତି ସଂସ୍କୃତି ଆମ
ବିଶ୍ବ ଦରବାରେ।।
ଯେତେକ ବର୍ଣିଲେ ତାର
ସଂସ୍କୃତି ବର୍ଣ୍ଣନା,
ମନେ ପ୍ରାୟ ବୋଧ ହୁଏ
ହୋଇଗଲା ଉଣା।।
ପ୍ରଭାକର ଦାଶ
ପାଟଣାଗଡ଼ ବଲାଙ୍ଗୀର
ଦୂରାଭାଷ-୭୩୨୮୦୩୨୩୩୪
