*ଉଡ଼ିଗଲା ପକ୍ଷୀ*
ଉଡ଼ି ଯିବା ପକ୍ଷୀ ଶୂନ୍ୟ ପଞ୍ଜୁରୀ କି
ନ ଆସଇ ଫେରି କେବେ,
କୃତ କର୍ମ ତାର ସାକ୍ଷୀ ପରକାର
ରହି ଯାଏ ଏହି ଭବେ।
ସମୟ ସେପରି ଆସେ ନାହିଁ ଫେରି
ବାର ବାର ଧରା ଧାମେ,
ଚଳିଯାଏ ବେଗେ ନଅଟକେ ଆଗେ
ଫେରେନାହିଁ କେଉଁ କାମେ।
ଆଜି ଅଛି କାଲି ଯିବ ପୁଣି ଚାଲି
ଦୁଇ ହଜାର କୋଡ଼ିଏ,
ଦେଇଗଲାଶିକ୍ଷା କାଟିଦେଲାରେଖା
ଅଲିଭା ସେ ଦାଗଟିଏ।
ଭବ ଆକର୍ଷଣ କରି ଦେଲା ଛିନ୍ନ
ସ୍ରଷ୍ଟାଙ୍କୁ ଦେଲା ଆହ୍ୱାନ,
ବିଧାନ କରତା କିଦେବେ ବାରତା
ଚାହିଁଛି ଜନ ଜୀବନ।
କରିଲା ନିରାଶା ତୁଟାଇ ଭରସା
ଛାଡ଼ି ଯାଏ ତାର କର୍ମ,
ଧରଣୀ ବୁକୁର ଶମଶାନ ତାର
ରଚି ଗଲା ଯୁଗ ଧର୍ମ।
ପକ୍ଷୀ ପରି ଆଜି ଯାଉଅଛି ହଜି
କାଳ ନଭ ଦେଶେ ସେହି,
ଦୁଇହଜାରକୋଡ଼ି ନାଶକଲା କୋଟି
ଜୀବନକୁ ଦେଲା ଦହି।
ସାଧିଲା ସେ ଦାଉ ଫେରିବକିଆଉ
ପକ୍ଷୀ ପରି ଯାଏ ଉଡ଼ି,
ଭଲ ପାଇଁ ତାର ଝୁରନ୍ତା ସଂସାର
ମନରୁ ଦେଲେଣି ତଡ଼ି।
ଦେଇଗଲା ବାଧା ବୁଡ଼ିଲା ଶରଧା
ଧରା ହେଲା ଶମଶାନ,
ବିଶ୍ୱ ବାସୀ ଆଜି ଦେଲେଣି ବରଜି
ନୂତନେ କରି ଆହ୍ୱାନ।
*************************
ଶିକ୍ଷକ, ଡେଙ୍ଗାଡି, ଗଞ୍ଜାମ,
୯୫୮୩୪୩୮୧୭୪।
ସ୍ୱରଚିତ********************
588 total views, 1 views today