ତୁମେ
ମହା ଭାରତର ମହାଯୁଦ୍ଧ ପାଇଁ
ପ୍ରସ୍ତୁତି ପ୍ରଶସ୍ତି ସ୍ଥାନେ
ସଖାସହ ତୁମ କଥୋପକଥନ
ମୁକ୍ତିରଚେ ପ୍ରତିପ୍ରାଣେ ।
ମୋହମଗ୍ନ ହୋଇ ଯୁଦ୍ଧକରିବିନି
ମନାକଲେ ଅରଜୁନ
ମୋହଭଗ୍ନ ପାଇଁ କହିଥିଲ ଯାହା
ନେଲାତାହା ଗୀତାନାମ ।
କିଏବା ତୁମର ଜ୍ଞାତି ପରିଜନ
ମାୟାରେ ହୋଇଛ ବାୟା
ଧର୍ମ ସଂସ୍ଥାପନେ ଅସ୍ତ୍ରଧର ସଖା
ଏସବୁତ ମୋର ମାୟା ।
କର୍ମରେ ଅଧର୍ମ , ଅନ୍ୟାୟ କରିଲେ
କୌରବ ବଂଶ ଯେଣୁ
ଧର୍ମ ଯୁଦ୍ଧ ରଚି ବିନାଶିବା ଅର୍ଥେ
ମନସ୍ଥ କରିଲି ତେଣୁ ।
ଯାହା ଦେଖୁଅଛ ସବୁମୋର ଖେଳ
କରିବି କରାଏ ମୁହିଁ
ମାେବିନୁ ପ୍ରାଣୀର କେଉଁ ସମୟରେ
ଅନ୍ୟଗତି କେବେନାହିଁ ।
କର୍ମରେ ରହିଛି ପ୍ରାଣୀ ଅଧିକାର
ଫଳ ମୋ ରହିଛି ହାତେ
ଭାଗ୍ୟ ଦଉଡ଼ିକୁ ଧରି ମୁଁ ଟାଣୁଛି
ମୁଁ ମୋଇଚ୍ଛା ମତେ ।
ପୁଣ୍ୟ ପୃଥିବୀ ରେ ପାପ କର୍ମ ପାଇଁ ନାହିଁ କେଉଁ କାଳେ ସ୍ଥାନ
ଗର୍ବ ଅଂହକାର ସହି ମୁଁ ପାରେନି
ଜ୍ଞାନୀରଖେ ସଦାଧ୍ୟାନ ।
ଆଜ୍ଞ ପ୍ରାଣୀ କରେ ମନ୍ଦ କର୍ମ ଯେତେ
ମତେ ସେ ପାରେନା ଚିହ୍ନି
ମିଥ୍ୟା ,ମୋହ ପଥେ ଧାବମାନ ହୁଏ
ନିଜଦୋଷେ ମରେପ୍ରାଣୀ ।
ମୁଁ ହିଁ ପ୍ରକୃତି ମୁଁ ହିଁ ପୁରୁଷ
ମୁଁ ସୂର୍ଯ୍ୟ,ଚନ୍ଦ୍ର,ତାରା
ଗ୍ରହ ଓ ନକ୍ଷତ୍ର ମାେ ଠାରୁ ଜନମ
ମୁଁ ଆଉ ମୁଁ ପରା ।
ଚେତନା ବିହୀନ ପ୍ରାଣୀ କର୍ତ୍ତାଭାବ
ବହେ ଅଂହକାର ବହି
ମୋ ବିନା କାହାର କେଉଁ ସମୟରେ
ଅନ୍ୟଗତି କିଛିନାହିଁ ।
ସବୁ ମାର୍ଗ ଠାରୁ ଭକ୍ତି ମାର୍ଗ ଶ୍ରେଷ୍ଠ
ସେଥିରେ ହୁଏମୁଁ ଖୁସି
ମତେହୃଦୟରେ ଆରାଧନା କଲେ
ତାକୁ ଭଲପାଏ ବେଶୀ ।
ଯେ ଯେମିତି ଭାବେ ପ୍ରାପ୍ତ ହୁଏ ତାକୁ
ତାର ଆଢୁଆଳେ ରହି
ମୁଁ ଯାହାକୁ ରଖେ କେହିବି ତାହାର
କ୍ଷତିକରି ପାରେନାହିଁ ।
ମୁଁ ଯାହାକୁ ମାରେ ତାହାକୁ ରଖିବା
ଶକ୍ତି ବା କାହାର କାହିଁ
ମାୟାରେ ରଚିଛି ଏ ମାୟା ସଂସାରେ
ଦିବ୍ୟଜ୍ଞାନ ଟିକେଦେଇ ।
ସେହିଜ୍ଞାନ ବଳେ ବିଚାର ବନ୍ତର
ପ୍ରାପ୍ତଯେ ପରମଗତି
କର୍ମପାଇଁ ପ୍ରାଣୀ ପାଏ ମୁକ୍ତି ,ଶାସ୍ତି
ପରମାର୍ଥ ହୁଏ ପ୍ରାପ୍ତି ।
ଆତ୍ମରକ୍ଷା ପାଇଁ ହିଂସା ଅବା କ୍ରୋଧ
ପାପର ହୁଏନି ଗଣା
ବିନା କାରଣରେ ହିଂସା ଆଉ କ୍ରୋଧ
ପାପ ରଚିଥାଏ ସିନା ।
ଧର୍ମଯୁଦ୍ଧ କ୍ଷେତ୍ରୁ ପଳାୟନ କଲେ
ପାପୀରେ ହୋଇବ ଲେଖା
ଜଗତେ ବୋଲିବେ କାପୁରୁଷ ବୋଲି
ସହିକି ପାରିବ ସଖା ?
ତୁମରି ମୁଖରୁ ବାଣୀ ପ୍ରଭୁଆଜି
ପବିତ୍ର ଗୀତାଯେ ନାମେ
ଆତ୍ମଜ୍ଞାନୀ ଜନ ଦିବ୍ୟଶାନ୍ତି ଲଭେ
ବାନ୍ଧିହୋଇ ତୁମ ପ୍ରେମେ ।।
🌻🌻🌻🌻🌻🌻🌻🌻
ସୁଜାତା ରାଉତ , ଓରାସାହି , ଚାନ୍ଦବାଲି , ଭଦ୍ରକ
Nature abhors a vacuum.
This is decently detailed and helpful, kudos. I appreciate how you touch on points succinctly. It’s great information and I deem you worth sharing.
It’s rare to see a post like this, that shows the writer is commited to providing value! You honestly made me think! TY-I wouldn’t have considered things this way otherwise. Gonna share this…