କୁହ କେଉଁ ନାମଦେବି ଏଇ ସମ୍ପର୍କର
~~~~~~~~~~~~~~~~~
ବହୁତ ଅଜବ ଥିଲା ସେ । ଅଜବ ଥିଲା ତା’ର ବ୍ୟବହାର ।
କୁହୁ ଠାରୁ ବାସ୍ ୨ – ୩ ବର୍ଷର ବଡ଼ ହେବ । କୁହୁ କୁ ଜଣା ନାହିଁ
ସେ କିଏ, କୋଉଁଠି ତା’ ଘର । ବାସ୍ ଆସିଥିଲା ଜୀବନକୁ ତା’
ସାଥୀ ହେଇ ଚାରି – ପାଞ୍ଚ ଦିନର ।
୧୨ – ୧୩ ବର୍ଷ ପୂରୁଣା କଥା । ପାଖାପାଖି ୪୦ – ୫୦ ଜଣ ମିଶି ଗୋଟେ ବସ୍ ଯୋଗେ ପୁରୀ ଓ ଅନ୍ୟାନ୍ୟ ଦର୍ଶନୀୟ ସ୍ଥାନ ଯାଇଥିଲେ । ସମସ୍ତଙ୍କ ମଧ୍ୟରେ ସେ ମଧ୍ୟ ଥିଲା । ସେମାନଙ୍କର ତ ଦେଖା ସେତେବେଳେ ହେଲା ଯେତେବେଳେ ସେମାନେ ପୁରୀରେ ପହଞ୍ଚି ବିଶ୍ରାମ ପାଇଁ ଭଡ଼ା ଘରେ ରହିଲେ । ଛୋଟ ବଡ଼ ପେତି ମାଙ୍କଡ଼ ମାନଙ୍କ ବଦମାସି, ବ୍ୟାଗ୍ ରୁ ଫଳ ଚୋରି , କେତେ କ’ଣ । ସତରେ ବହୁତ ମନେପଡେ଼ ସେଦିନର ମୁହୂର୍ତ୍ତ ସବୁ ।
ସେତେବେଳେ ପାଚେରୀ ସେପଟେ କିଛି ଲୋକଙ୍କ କ୍ରିକେଟ ଖେଳର ଦୃଶ୍ୟ ସାଙ୍ଗକୁ ମାଙ୍କଡ଼ ମାନଙ୍କ ପାଗଳ ପଣ ବହୁତ ଖୁସି ଦେଉଥିଲା ସମସ୍ତଙ୍କୁ । ହେଲେ କୁହୁ ପାଚେରୀ ସେପଟର ଦୃଶ୍ୟ ଦେଖିବାରୁ ବଞ୍ଚିତ ଥିଲା । ଛୋଟ ଥିଲା ନା କେମିତି ଦେଖିଥାନ୍ତା । ମନ ଦୁଃଖରେ ଚୁପଚାପ ଛିଡ଼ା ହେଇଥାଏ । ଠିକ୍ ସେତିକି ବେଳେ କେଉଁଠି ଥିଲା ସେ ଆସି କୁହୁ କୁ ଦୁଇ ହାତରେ ଧରି ଉପରକୁ ଟେକି ଧରିଲା । କିଛି ସମୟ ପରେ ପୁଣି ତଳକୁ ଓହ୍ଲାଇ ( ଦେଖିଲ) କହି ଚାଲି ଗଲା । ଏଇଟା ଥିଲା ପ୍ରଥମ ସାକ୍ଷାତକାର ।
ପରେ କୁହୁ ଜାଣିଲା ସେ ମଧ୍ୟ ତା’ର ଜେଜେବାପା ଜେଜେମାଙ୍କ ସହ ସେଇ ସମାନ ବସ୍ ରେ ଆସିଛି । ପରେ ବାରମ୍ବାର ଦେଖାହେଲା । କମଳା କୁହୁର ପସନ୍ଦର ଫଳ ସେଥିପାଇଁ କୁହୁ ହାତରେ ସବୁବେଳେ କମଳା ଧରି ବୁଲୁଥାଏ । ତା’ର ହଜମଲା ପସନ୍ଦ ଥିଲା । ପକେଟରେ ହଜମଲା ନେଇ ବୁଲୁଥିଲା । ସେ ହଜମଲା ଖାଇଲେ
କୁହୁ କୁ ଦିଏ କିନ୍ତୁ କୁହୁ କମଳା ଦେଲେ ସେ ଦୌଡ଼ି ପଳାଏ ।
ସେଥିପାଇଁ କୁହୁ ଟିକେ ଅଭିମାନ କରି ଏକା ବସିଯାଏ ।
କୁହୁର ଅଭିମାନ ଦେଖି ସେ କମଳା ମାଗିକରି ଖାଇନେଲା
ବାସ୍ ପରେ ଯିଏ ଯାହା ଘରକୁ ଫେରିଗଲେ ।
ଘରେ ପହଞ୍ଚିବା ପରେ ଦୁଇଜଣଙ୍କ ରାସ୍ତା ଅଲଗା ଓ ସେମାନେ ମଧ୍ୟ । ଏବେ ବି ମନେ ପଡେ ତାର ସେଦିନର କଥା । ଭାବେ କ’ଣ ସେ ମଧ୍ୟ ମନେ ରଖିଥିବ ମୋତେ ??
ଏଇ ପ୍ରଶ୍ନବାଚୀ ଭିତରେ ରହିଯାଏ କୁହୁ …..
– ସୁଭଦ୍ରା ପଟ୍ଟାୟତ , ବାଲେଶ୍ବର –
ଧନ୍ୟବାଦ
Very nice story
ସୁନ୍ଦର ଅନୁଭୂତି ❤
ସୁନ୍ଦର ଉପସ୍ଥାପନା।
ଭଲ ଲାଗିଲା।
ଧନ୍ୟବାଦ ସାର୍
ବହୁତ ଭଲ ହେଇଚି
ଧନ୍ୟବାଦ
It’s very interesting nani
Thank You…
Good
Thank You…
Thank You….