#ବାଳିକା ବଧୂ
ସନେଟ୍_୬
**************************************
ବାଲ୍ୟପ୍ରେମର ବୋହୂଚୋରୀ ଖେଳ ବାଲିଘର ମୁକସାଖି
ମିଛି ମିଛିକା ସେ ବରକନିଆର ହାତ ସଙ୍ଗେ ହାତ ରଖି l
ଶୂନ୍ୟ ଜବାଧାରେ ଶ୍ରଦ୍ଧା ସୁମନରେ ରକ୍ତିମ ସିନ୍ଦୂର ବିନ୍ଦୁ
ହୃଦୟ ବଦଳେ ହୃଦୟ ଦେଇ ତୁ ସାଜିଲୁ ବାଳିକା ବଧୂ l
କୋମଳ ଅଳସ ପାଦରେ ଅଳତା ମୁଖେ ଚନ୍ଦନର ଟୋପା
ସୁଗନ୍ଧରେ ଭରା ଗଭାର ଗଜରା ଅଲିଅଳି ଅପରୂପା l
କୁହୁକିନୀ ରାଣୀ ମୋ ବାଲ୍ୟ ସଙ୍ଗିନୀ ସୁମାଧୁରୀ ପୁଷ୍ପମଧୁ
ହୃଦୟ ବଦଳେ ହୃଦୟ ଦେଇ ତୁ ସାଜିଲୁ ବାଳିକା ବଧୂ l
ଚାରିଆଖି ସିନା ଗୋଟିଏ ସପନ ଦୁଇ ଦେହ ଏକ ପ୍ରାଣ
ଅଢ଼େଇ ଦିନିଆ ଗଳପ ଆମର ରାଗ,ରୁଷା,ଅଭିମାନ l
ଗ୍ରୀଷମ ନିଦାଘେ ଶୀତଳ ପରଶ ତୋ ହାତ କାକର ବିନ୍ଦୁ
ହୃଦୟ ବଦଳେ ହୃଦୟ ଦେଇ ତୁ ସାଜିଲୁ ବାଳିକା ବଧୂ l
ବାଲ୍ୟରୁ କୈଶୋର ଏଵେ ବି ତୁ ମୋର,ସେଇ ପୂର୍ଣ୍ଣମୀ ବିଧୁ
ହୃଦୟ ବଦଳେ ହୃଦୟ ଦେଇ ତୁ ସାଜିଲୁ ବାଳିକା ବଧୂ l
**************************************
ରାକେଶ ସାହୁ, ବର୍ତ୍ତିନୀ, ପୋଲସରା, ଗଞ୍ଜାମ