#ପ୍ରଭାତ ଗୀତି_
ସନେଟ୍_୭
************************************
ନବୋଦିତ ରବି ଚାରୁଚିତ୍ର ଛବି ପ୍ରାଚୀମୁଳୁ ମୁଦେ ହସି
ସ୍ନିଗ୍ଧ କନକ କିରଣ ବିସ୍ତାରି ଚଉଦିଗେ ଉଠେ ଭାସି l
ନବ ପଲ୍ଲବେ ତୃଣତଳପରେ ସୁରମ୍ୟ ଅବନୀ ଆହା
ଶୈଳ ଶିଖରେ ପ୍ରଜ୍ବଳ ମିହିର ନିତ୍ୟ ପ୍ରକାଶୀ ଯାହା l
ଉତ୍ତାଙ୍ଗ ଉଚ୍ଚାଟ ବିହଗ ପ୍ରଫୁଲ୍ଲେ ଅତଳେ ଧୂସର ମାଟି
ସରସେ ସରସୀ ଅଚିରେ ପ୍ରଫୁଟି କୁମୁଦ ଲୋଚନ ଗୋଟି l
ସମୀର ଗୁଞ୍ଜରେ ଶୁଭ ସାହାନାୟୀ କୋକିଳର ସୁରତାନେ
ମହମହ ବାସେ କୁସୁମ ସୁବାସ ପ୍ରୀତିର କଦମ୍ବ ବନେ l
ଭୁବନେ,ଭବନେ ସର୍ବ ତନୁମନ ଶିହରିତ ସୁର ତେଜେ
ମୁକ୍ତ ପ୍ରାନ୍ତରେ ମୁକ୍ତା ଯେସନ ପହିଲି ଶିଶିର ଭିଜେ l
ଆଞ୍ଜୁଳେ ଆଶାରେ ସାତସପନର ସୁନେଲି ମୁରୁଜ ବୁଣି
ଆଦରି ନିଅନ୍ତି ପ୍ରିୟଜନ ଯେତେ ତପନ ପରଶମଣି l
ପ୍ରୀତି ଅନୁରାଗୀ ବିଶ୍ୱହିତ ଲାଗି ବିତରି ଆଲୋକ ସୁଧା
ଭବ୍ୟ ଭବରଙ୍ଗେ ତିମିର ଵିଧ୍ଵଂଶୀ କାଳଜୟୀ ତୁମ୍ଭେ ସଦା l
****************************************
ରାକେଶ ସାହୁ, ବର୍ତ୍ତିନୀ, ପୋଲସରା, ଗଞ୍ଜାମ