ମୋ ଫୋନ୍
************
ସେ ମୋର ସବୁ ସମ୍ପର୍କର ସେତୁବନ୍ଧ
ସ୍ମୃତିର ସମ୍ଭାର…….
ପୁଣି ଅନୁଭୂତିର ଗନ୍ତାଘର,
ମୋର ବର୍ଷ ବର୍ଷର ଅଭିଜ୍ଞତା ତା ମଧ୍ୟେ ସାଇତା ।
ମୁଁ ବାଟବଣା ହେଲେ ସେ ରାସ୍ତା ଦେଖାଏ
ଅଜ୍ଞାତ ତଥ୍ୟ ବି ଯୋଗାଏ,
ସୁମେରୁରୁ କୁମେରୁକୁ ସଂଯୋଗ କରେ ସେ
ପୃଥିବୀକୁ ‘ବିଶ୍ଵଗ୍ରାମ’ ରେ ପରିଣତ କରେ ସେ ।
ସେ କଏଦ୍ କରିପାରେ ଆନନ୍ଦର ପ୍ରତିଟି ମୁହୂର୍ତ୍ତ,
ଖୋଜିପାରେ ପ୍ରତିଟି ପ୍ରଶ୍ନର ଉତ୍ତର,
ସବୁ ପାଠ ବି ପଢେଇ ଦେଇପାରେ ମୋତେ
ହେଉ ସେ ଗଣିତ, ବିଜ୍ଞାନ,
ଇତିହାସ ଅବା ଭୂଗୋଳ ।
ମୋର ସ୍ମୃତିକୁ ତା କୁନି ଦେହରେ ସାଇତି ରଖେ ସେ,
ଭୁଲ୍ ରେ ହଜି ଗଲେ ବି ଖୋଜି ଆଣିପାରେ ସବୁ ତଥ୍ୟ ସେ ମୋର ଏତେ ନିବିଡ଼ ଯେ,
ତାକୁ ନ ଦେଖି ମୁଁ ଯାଇ ପାରେନି ବିଛଣାକୁ
ପୁଣି ନିଦ ଭାଙ୍ଗୁ ଭାଙ୍ଗୁ ପ୍ରଥମେ ତାକୁ ହିଁ ଖୋଜେ ।
ମୁଁ ଚାହେଁ……
ସବୁବେଳେ ତାକୁ ପାଖରେ ରଖିବାକୁ
ଭାରି ଆପଣାର ଲାଗେ ସେ,
ଅଭିମାନ ଅଭିଯୋଗ ନ କରି
ସବୁ କାମ କରିଚାଲେ ସେ ।
ସେଥିପାଇଁ ତ….
ଦିନରୁ ରାତି, ରାତିରୁ ଦିନ
ମୋ ସାଥେ ସାଥେ ଥାଏ ସେ,
ହଁ ସାଥେ ସାଥେ ଥାଏ ସେ ।
ପ୍ରିୟଦର୍ଶିନୀ ମହାପାତ୍ର, ଗଞ୍ଜାମ
Priyadarshani Mahapatra
ବହୁତ ସୁନ୍ଦର
ଧନ୍ୟବାଦ୍ ଦିଦି