July 27, 2021
11 11 11 AM
*କୁହୁକ ତାନ – ଜାନକୀ ମହାନ୍ତ*
*ମଣିଷ ଜାତି – ସ୍ରୋତସ୍ବିନୀ ପରିଡା*
*UNSUSPECTING FACE – Dr.Prasana Kumar Dalai*
*HARMLESS ZIGZAG ROAD – Dr. Prasana kumar Dalai*
*Soul Recapituled – Amb Maid Čorbić*
*A PSALM OF THE SOUL – Milka Minkova*
A Psalm Of Life – Faisal Justin
*Psalm of the Soul – Sudipta Mishra*
*Psalm of our Soul – Lyn Ramos V Alfonso*
*Psalm of the Soul – Sugar Zedna*
*Psalm of the soul – Mahanaj parvin*
*ଆତ୍ମା ଯେବେ ଗାଏ ଗୀତ – ଭାରତୀ ପଣ୍ଡା*
*MOON WITH A TUNE–Dr.Prasana Kumar Dalai*
*ଆତ୍ମା ଯେବେ ଗାଏ ଗୀତ – ପ୍ରଶାନ୍ତମୟୀ ରଥ*
*ଆତ୍ମା ଯେବେ ଗାଏ ଗୀତ – ଚୁମ୍କି ଦାଶ*
*ଆତ୍ମା ଯେବେ ଗାଏ ଗୀତ – ଗୌରୀ ବେହେରା*
*ଆତ୍ମା ଯେବେ ଗାଏ ଗୀତ – ନିତ୍ୟାନନ୍ଦ ସିଂହ*
*ଆତ୍ମା ଯେବେ ଗାଏ ଗୀତ – ଅନୀତା ଦାଶ *
*ଆତ୍ମା ଯେବେ ଗାଏ ଗୀତ – ସନ୍ତୋଷ କୁମାର ଅଦାବର*
*”ଜହ୍ନରାତି”–ଝରଣା ନାୟକ*
Latest Post
*କୁହୁକ ତାନ – ଜାନକୀ ମହାନ୍ତ* *ମଣିଷ ଜାତି – ସ୍ରୋତସ୍ବିନୀ ପରିଡା* *UNSUSPECTING FACE – Dr.Prasana Kumar Dalai* *HARMLESS ZIGZAG ROAD – Dr. Prasana kumar Dalai* *Soul Recapituled – Amb Maid Čorbić* *A PSALM OF THE SOUL – Milka Minkova* A Psalm Of Life – Faisal Justin *Psalm of the Soul – Sudipta Mishra* *Psalm of our Soul – Lyn Ramos V Alfonso* *Psalm of the Soul – Sugar Zedna* *Psalm of the soul – Mahanaj parvin* *ଆତ୍ମା ଯେବେ ଗାଏ ଗୀତ – ଭାରତୀ ପଣ୍ଡା* *MOON WITH A TUNE–Dr.Prasana Kumar Dalai* *ଆତ୍ମା ଯେବେ ଗାଏ ଗୀତ – ପ୍ରଶାନ୍ତମୟୀ ରଥ* *ଆତ୍ମା ଯେବେ ଗାଏ ଗୀତ – ଚୁମ୍କି ଦାଶ* *ଆତ୍ମା ଯେବେ ଗାଏ ଗୀତ – ଗୌରୀ ବେହେରା* *ଆତ୍ମା ଯେବେ ଗାଏ ଗୀତ – ନିତ୍ୟାନନ୍ଦ ସିଂହ* *ଆତ୍ମା ଯେବେ ଗାଏ ଗୀତ – ଅନୀତା ଦାଶ * *ଆତ୍ମା ଯେବେ ଗାଏ ଗୀତ – ସନ୍ତୋଷ କୁମାର ଅଦାବର* *”ଜହ୍ନରାତି”–ଝରଣା ନାୟକ*

ସୂର୍ଯ୍ୟୋଦୟ ନବ ସମ୍ଭାବନା-୨୦୨୧ ରେ ଏଥର ଶ୍ରୀସିକ୍ତା ଶୁଭଦର୍ଶିନୀ ନାୟକ

ନାମ- ଶ୍ରୀସିକ୍ତା ଶୁଭଦର୍ଶିନୀ ନାୟକ
ମାତାଙ୍କ ନାମ-:ମମତା ନାୟକ
ପିତାଙ୍କ ନାମ-: ଅକ୍ଷୟ କୁମାର ନାୟକ
ଜନ୍ମମାଟି/ଠିକଣା-: ଗ୍ରାମ :- ବାଇଁଗୋଳ
ପୋଷ୍ଟ :-ତେନ୍ତୁଳିପଦା
ଜିଲ୍ଲା :- ଜଗତସିଂହପୁର
ପିନ୍ :- 754136
ଜନ୍ମ ତାରିଖ :- କୋଡିଏ ସେପ୍ଟେମ୍ବର ଦୁଇ ହଜାର ଦୁଇ (20.09.2002)
ଶିକ୍ଷା ଗତ ଯୋଗ୍ୟତା :- +୩ ପ୍ରଥମ ବର୍ଷ
ସମାଜ ବିଜ୍ଞାନ ସମ୍ମାନ
ରେଭେନ୍ସା ବିଶ୍ୱବିଦ୍ୟାଳୟ, କଟକ,ଓଡିଶା

୦୧- ଆପଣଙ୍କ ମତରେ ସାହିତ୍ୟର ସଂଜ୍ଞା ?

ଉତ୍ତର:- ମୋ ମତ ରେ ଜୀବନ ର ଅନ୍ୟ ନାମ ହିଁ ସାହିତ୍ୟ | ଭାବନା ର ଭାଷାଗତ ରୂପାନ୍ତରଣ ହିଁ ସାହିତ୍ୟ | ଏକ ସୁଦୃଢ ସମାଜ ଗଠନ ରେ ସାହିତ୍ୟ ର ଉଲ୍ଲେଖନୀୟ ଅବଦାନ ରହିଆସିଛି ଯୁଗ ଯୁଗରୁ |

ପ୍ରଶ୍ନ:-୨ କେବେଠୁ ଆପଣଙ୍କର ସାହିତ୍ୟ ପ୍ରତି ରୁଚି ବଢିଲା?କେଉଁଠୁ ପ୍ରେରଣା ପାଇଲେ?

ଉତ୍ତର:-ବିଦ୍ୟାଳୟ ଜୀବନ ରୁ ସାହିତ୍ୟ ସହିତ ମୋର ନିବିଡ଼ ସମ୍ପର୍କ ରହିଆସିଛି | ଶତାଧିକ ପ୍ରତିଯୋଗିତା ରେ ଅଂଶଗ୍ରହଣ କରି ବହୁତ କିଛି ଶିଖିବାର ସୁଯୋଗ ପାଇଛି | ଯାହା ବି ଲେଖେ ପ୍ରଥମେ ବାପା ଙ୍କୁ ପଢି ଶୁଣାଏ | ସାହିତ୍ୟ କ୍ଷେତ୍ର ରେ ପ୍ରବେଶ କରିବାର ପ୍ରଥମ ପ୍ରେରଣା ମୋ ବାପା ଙ୍କ ଠାରୁ ହିଁ ପାଇଛି | ଆଉ ବର୍ତ୍ତମାନ ଗୁରୁଜନ, ଭାଇ ଭଉଣୀ ଓ ବନ୍ଧୁ ମାନଙ୍କ ର ମତାମତ ଆଗକୁ ଲେଖିବାକୁ ପ୍ରେରଣା ଦେଉଛି |

ପ୍ରଶ୍ନ-୩ ଏମିତି କିଛି ଘଟଣା କୁହନ୍ତୁ ଯାହା ଆପଣଙ୍କୁ ସାରସ୍ବତ ସାଧନାରେ ବ୍ରତୀ ହେବା ପାଇଁ ଅଧିକ ଉତ୍ସାହିତ କଲା।

ଉତ୍ତର:- ପୁଲୱମା ବିସ୍ଫୋରଣ ରେ ଅନେକ ଯବାନ ଓ ଆମ ଜିଲ୍ଲା ର ବରପୁତ୍ର ପ୍ରସନ୍ନ କୁମାର ସାହୁ ସହିଦ ହୋଇଥିବା ଘଟଣା ମୋ ମନ ରେ ଗଭୀର ଦୁଃଖ ଦେଇଥିଲା ଓ ମୁଁ ପ୍ରଥମ ଥର ପାଇଁ କବିତା ଲେଖିଥିଲି ଏବଂ ମୋ ବାପା ଙ୍କୁ ପଢି ଶୁଣେଇଥିଲି |

ପ୍ରଶ୍ନ-୪ କେଉଁ କ୍ଷେତ୍ରରେ ଲେଖନୀ ଚାଳନା କରିବା ପାଇଁ ଆପଣ ଅଧିକ ପସନ୍ଦ କରନ୍ତି?ଗଳ୍ପ ନା କବିତା?ଏବଂ କାହିଁକି?

ଉତ୍ତର:- ଉଭୟ ଗଳ୍ପ ଓ କବିତା ଲେଖିବା ରେ ରୁଚି ରଖିଛି | ସମାଜ ର ପ୍ରତି ଟି ଘଟଣା ଲେଖିବାକୁ ବାଧ୍ୟ କରେ | କବିତା କିମ୍ବା ଗଳ୍ପ ଟିଏ ଲେଖିଦେଲେ ମାନସିକତା ରେ ସୃଷ୍ଟି ହୋଇଥିବା ପ୍ରତିକ୍ରିୟା ଓ ଭାବାନ୍ତର କିଛି ପରିମାଣ ରେ ଲାଘବ ହୁଏ |

ପ୍ରଶ୍ନ:-୫ ନିଜ ଜନ୍ମ ମାଟି ବିଷୟରେ କିଛି କହିବେ କି?

ଉତ୍ତର:- ମୋ ଜନ୍ମମାଟି ମା ‘ ଶାରଳା ଙ୍କ ମାଟି, ଆଦିକବି ସାରଳା ଦାସ ଙ୍କ ମାଟି | ଏଠାରେ ଜନ୍ମ ଲଭି ଗର୍ବ ଅନୁଭବ କରେ | ମୋ ଗାଁ ବାଇଁଗୋଳ ତଥା ଜିଲ୍ଲା ଜଗତସିଂହପୁର ର ଉନ୍ନତି ରେ କିଛି ପରିମାଣ ରେ ଭାଗିଦାର ହେବାର ପ୍ରୟାସ କରିବି ନିଶ୍ଚିନ୍ତ |

ପ୍ରଶ୍ନ:-୬ ସୁସ୍ଥ ସମାଜ ଗଠନରେ ସାହିତ୍ୟର ଭୂମିକାକୁ ନେଇ ଆପଣ କ’ଣ ଭାବନ୍ତି?

ଉତ୍ତର:- ଯୁଗଯୁଗାନ୍ତରେ ସାହିତ୍ୟ ଦିଗଭ୍ରଷ୍ଟ ସମାଜ ପାଇଁ ଦିଗବାରେଣୀ ସାଜି ଆସିଛି | ପ୍ରତି ମଣିଷ କୁ ପରିବର୍ତ୍ତିତ କରିବାର ଶକ୍ତି ସାହିତ୍ୟ ରେ ନିହିତ | ଏକ ସୁସଙ୍ଗଠିତ ସମାଜ ଗଠନ ରେ ସାହିତ୍ୟ ର ଭୂମିକା ଅନସ୍ବୀକାର୍ଯ୍ୟ |

ପ୍ରଶ୍ନ:୭ –କେଉଁ ସାହିତ୍ୟିକ ଆପଣଙ୍କୁ ଭଲ ଲାଗନ୍ତି?

ଉତ୍ତର:- ବାସ୍ତବରେ ମୁଁ ଆଜି ଯାଏ ପାଠ କରିଥିବା ସମସ୍ତ ସୃଷ୍ଟି ମୋତେ ଭଲ ଲାଗିଛି | ବିଶେଷ କରି ମାୟାଧର ମାନସିଂହ, ସୁରେନ୍ଦ୍ର ମହାନ୍ତି, ଫକୀର ମୋହନ ସେନାପତି ଭଲ ଲାଗନ୍ତି | ଏହାଛଡା ଅନେକ ଗୁରୁଜନ ଓ ଆମ ପିଢି ର ଅନେକ ଭାଇ ଭଉଣୀ ଙ୍କ ଲେଖା ବେଶ ପ୍ରଭାବଶାଳୀ | ମନୋଜ କୁମାର ପଣ୍ଡା ଙ୍କ ଦ୍ୱାରା ରଚିତ ଅନ୍ୟ ଦେଶ ଗୁଡିକ ର ନୂଆ ଶୈଳୀ ର ଓଡ଼ିଆ କବିତା ବହୁତ ଭଲ ଲାଗେ |

ପ୍ରଶ୍ନ:-୮ ସାମ୍ପ୍ରତିକ ପରିସ୍ଥିତିରେ ଓଡିଆ ସାହିତ୍ୟର ସ୍ଥିତି କିପରି ?

ଉତ୍ତର:- ସାମ୍ପ୍ରତିକ ପରିସ୍ଥିତି ରେ ଅନେକ ଙ୍କ ସାହିତ୍ୟ ପ୍ରତି ଅନାଗ୍ରହ ଦୁଃଖ ଦିଏ | ଅନ୍ୟ ସବୁ ଭାଷା କୁ ଭଲ ପାଇବା ଗ୍ରହଣୀୟ କିନ୍ତୁ ମାତୃଭାଷା କୁ ହେୟ ମଣିବା ଅନୁଚିତ୍ | କେତେକ ଛାତ୍ର, ଛାତ୍ରୀ ମାନଙ୍କ ଠାରେ ମାତୃଭାଷା ପ୍ରୀତି ର ଘୋର ଅଭାବ ପରିଲକ୍ଷିତ, ଏହା ବ୍ୟଥିତ କରେ |

ପ୍ରଶ୍ନ:-୯ ଓଡିଆ ସାହିତ୍ୟକୁ ନେଇ ଆପଣ କ’ଣ ସ୍ବପ୍ନ ଦେଖନ୍ତି ?

ଉତ୍ତର:- ଓଡ଼ିଆ ସାହିତ୍ୟ ବିଶ୍ୱ ଦରବାର ଏକ ସମୃଦ୍ଧ ତଥା ଶ୍ରେଷ୍ଠ ଭାଷା ରୂପେ ବିଶ୍ୱ ଭାଷା ସମୂହ ର ନେତୃତ୍ୱ ନେଉ | ଉଭୟ ପୁରାତନ ଓ ନୂତନ ପିଢି ର କବି ଓ ଲେଖକ ମାନଙ୍କ ସାରସ୍ୱତ ସୃଷ୍ଟି ଓଡ଼ିଆ ସାହିତ୍ୟ ଭଣ୍ଡାର କୁ ରୁଦ୍ଧିମନ୍ତ କରୁ ବୋଲି ସ୍ବପ୍ନ ଦେଖେ | ବିଶ୍ୱ ସମ୍ମୁଖରେ ଓଡ଼ିଆ ଭାଷା ର ପ୍ରସାର ରେ ସୂର୍ଯ୍ୟୋଦୟ ଭାଷା ସାହିତ୍ୟ ପ୍ରତିଷ୍ଠାନ ର ପ୍ରୟାସ ଆତ୍ମସନ୍ତୋଷ
ଦିଏ |

ପ୍ରଶ୍ନ-୧୦ ପାଠକ/ପାଠିକା ମାନଙ୍କୁ ନିଜ ବିଷୟରେ କ’ଣ କହିବେ ?
ପ୍ରଥମତଃ ମୁଁ ଜଣେ ଉତ୍ତମ ପାଠିକା | ଆପଣ ସମସ୍ତଙ୍କ ସାହିତ୍ୟ କୃତି ହିଁ ମୋ ଲେଖନୀ କୁ ପ୍ରେରଣା ଦିଏ | ମୁଁ ସମସ୍ତ ଙ୍କ ଲେଖା ପଢ଼େ ଏବଂ ହୃଦୟଙ୍ଗମ କରେ | ଆପଣ ସମସ୍ତ ଙ୍କର ପଢିବା ଓ ଶିଖିବା ଜାରି ରହୁ ବୋଲି କହିବି |

ସୂର୍ଯ୍ୟୋଦୟ ଭାଷା ସାହିତ୍ୟ ପ୍ରତିଷ୍ଠାନ କୁ ବାର୍ତା -: ଯୁବ ପିଢି ଙ୍କ ପ୍ରତିଭା ର ଉନ୍ମେଷ ନିମନ୍ତେ ଏହି ଅନୁଷ୍ଠାନ ସଦା ସର୍ବଦା ଚେଷ୍ଟିତ | ବାସ୍ତବରେ ଏହା ଏକ ଅଭିନନ୍ଦନୀୟ ପ୍ରୟାସ | ଏହି ଅନୁଷ୍ଠାନ ଅନୁରୂପ ଭାବେ ଭବିଷ୍ୟତ ରେ ଅନେକ ପ୍ରତିଭା ମାନଙ୍କୁ ସାହିତ୍ୟ ଜଗତରେ ଉଜ୍ଜ୍ୱଳ ନକ୍ଷତ୍ର ସଜେଇବାରେ ମାର୍ଗଦର୍ଶନ ଦେଉଥାଉ | ଦିଗହରା ସମାଜ ର ଦିଗବାରେଣୀ ସାଜି ସନ୍ତୁଳିତ ସମାଜ ଗଠନ ରେ ବ୍ରତୀ ହେଉ | ଅନୁଷ୍ଠାନ ର ସମସ୍ତ ସଦସ୍ୟ ମାନଙ୍କ ଚଲାପଥ କୁସୁମିତ ହେଉ ଏହା ହିଁ ବିଶ୍ୱ ନିୟନ୍ତା ଙ୍କ ନିକଟରେ ପ୍ରାର୍ଥନା |

 3,192 total views,  1 views today

92 thoughts on “ସୂର୍ଯ୍ୟୋଦୟ ନବ ସମ୍ଭାବନା-୨୦୨୧ ରେ ଏଥର ଶ୍ରୀସିକ୍ତା ଶୁଭଦର୍ଶିନୀ ନାୟକ

    1. ଲୋରୀ,,ତୁମେ ବର୍ତ୍ତମାନ ତଥା ଭବିଷ୍ୟତ ଯୁବ ପୀଢ଼ି ଙ୍କ ର ପ୍ରେରନା ର ଉତ୍ସ..ପ୍ରଭୁ ଜଗ୍ନାଥଙ୍କ ନିକଟରେ ଏତିକି ପ୍ରାର୍ଥନା ତୁମର ଚଲାପଥ କୁସୁମିତ କରନ୍ତୁ ଏବଂ ଜୀବନରେ ବୋହୁତ ଉନ୍ନତି କର…ଯେମିତି ଭବିଷ୍ୟତ ରେ କୌଣସି ବି ମୁହୂର୍ତ୍ତ ରେ ସେହି ସ୍ଥାନ ରେ ଦେଖି ଅନ୍ୟ ଙ୍କୁ କହିପାରିବି ଯେ ହଁ ମୁଁ ଏହି ଝିଅ ସହ ଗୋଟିଏ ବର୍ଷ ବିତେଇଛି ସେ ବି ମୋ Roommate ଭାବରେ… Love you

  1. ପ୍ରଭୁ ଜଗନ୍ନାଥ ତୁମ ଜୀବନ କୁ ସୁଖମୟ କରନ୍ତୁ, ଭବିଷ୍ୟତ ରେ ଓଡ଼ିଆ ସାହିତ୍ୟ ଜଗତରେ ତୁମେ ଜଣେ ଦୀପ୍ତିମାନ ତାରକା ହୋଇ ଆମ ଜିଲ୍ଲା ଓ ବିଦ୍ୟାଳୟ ର ନାମକୁ ଗୌରାବାନ୍ୱିତ କର.. I

  2. ତୁମ ପରି ଏକ ବନ୍ଧୁ ପାଇ ମୁଁ ନିଜକୁ ଭାଗ୍ୟବାନ ମନେ କରୁଛ, ଏହିପରି ଆଗକୁ ଆଗେଇ ଚାଲ।ଏହିପରି ନିଜର ନିଜ ବାପା ମା ଙ୍କର ଓ ଆମ ସମସ୍ତଙ୍କୁ ଗୌରବାନ୍ଵିତ କରାଅ।ସବୁବେଳେ ତୁମ ସାଥିରେ ଅଛି।ପ୍ରଭୁ ଜଗନ୍ନାଥ ତୁମ ଜୀବନ ସୁଖମୟ କରନ୍ତୁ।।

  3. ମୋର ବିଶ୍ବାସ କି ତୁମେ ଜଣେ ଶ୍ରେଷ୍ଠ ଲେଖିକା ହୋଇ ଆମ ଓଡ଼ିଆ ପ୍ରତିଭା କୁ ଭବିଷ୍ୟତ ରେ ଆହୁରି ଉଜ୍ଜଳ କରିବ। ବହୁତ ବହୁତ ଶୁଭେଚ୍ଛା ଓ ଶୁଭକାମନା ତୁମର ସଫଳତା ପାଇଁ।

  4. She is incredible……..all the good wishes to you……..have a great future ahead ….wish u all the luck

  5. ତୁମର ଏତେ ସୁନ୍ଦର ଓଡ଼ିଆ ଲେଖା ସତରେ ଅଲଗା ପ୍ରକାର ର ଲାଗେ! ମା ରାଣ ଫୁଲ ବୋବାଲ୍।

  6. Mora chota vauni pari haba se jhia ti. Mu taku bahut pakharu dekhichi au ta prativa ku chinhichi. Se agaku nischaya gote nami lekhika hei pariba. Se jaha b kahichi sabu ta mana ra vasa. Pravu jagannath nka pakhare mu tara suva kamana karuchi.

  7. I’m feeling proud to have a friend like you… Keep hustling…. A bright future is awaiting you… You are the real inspiration for many ones ❤

  8. Feeling proud to be your friend Srisikta.Keep it up and all the best for your bright future.

  9. ଓଡ଼ିଆ ସାହତ୍ୟ କୁ ବିଶ୍ଵସ୍ତର ରେ ପରିଚିତ ର ଏକ ସୁନ୍ଦର ପ୍ରୟାସ।
    ♥️ଓଡ଼ିଆ ♥️

  10. ମୁଁ ଆଶା କରୁଛି ତମେ ଏହିପରି ତମ ଜ୍ଞାନର ଭଣ୍ଡାର ଦ୍ଵାରା ତମ ଲେଖନୀ ସାହାଯ୍ୟ ରେ ଓଡ଼ିଆ ସାହିତ୍ୟ କୁ ପରିସ୍ଫୁଟିତ କରୁଥାଅ ଏବଂ ଓଡ଼ିଆ ସାହିତ୍ୟ କୁ ଗୌରବନିତ୍ୟ କରୁଥାଅ।

  11. ଲୋରୀ,
    ତୁମ ନିକଟରେ ଥିବା ସ୍ପର୍ଦ୍ଧିତ ପ୍ରତିଭା ନିଶ୍ଚୟ ତୁମକୁ ଦିନେ ତୁମେ ଚାଁହୁଥିବା ସ୍ଥାନର ଅଧିକାରୀ କରାଇବ ।

  12. ଲୋରୀ ,
    ତୁମର ସ୍ପର୍ଦ୍ଧିତ ପ୍ରତିଭା ନିଶ୍ଚୟ ତୁମକୁ ଦିନେ ତୁମେ ଚାଁହୁଥିବା ଆସନର ଅଧିକାରୀ କରାଇବ ।

  13. You are awesome lorry…..keep it up. I am proud of you….thank for being a part of my life…

  14. ତୁମ କବିତା ପଢ଼ିଲେ ଲାଗେ କଲମଠୁ ସମାଜ ଅଧିକ ଦୂର ନୁହେଁ କିମ୍ବା କଳ୍ପନାରୁ କାଗଜ ର ପଥ ମଧ୍ୟ ଅଗମ୍ୟ ନୁହେଁ , ସାହିତ୍ୟ ଆକାଶରେ ଯେ ତୁମେ ଦିନେ ନିଜର ସ୍ଵକୀୟ ସ୍ଥିତି ଜାହିର କରିବ ସେଥିରେ ତିଳେମାତ୍ର ସନ୍ଦେହ ନାହିଁ , ଜଗନ୍ନାଥ ତୁମର ପଥ ପ୍ରଦର୍ଶକ ହୁଅନ୍ତୁ

  15. You are awesome lorry…..keep it up. I am proud of you….thanks for being a part of my life……U are really a inspiring girl….

  16. Congratulations Srisikta, my dear friend …I’m so proud of u . Hats off to u. U r blessed with ur god gifted talent . Go ahead and keep it up . May god bless you with a successful and properous life…

  17. Hope u keep writing in this way and we get to enjoy the magic of your pen .Keep it up Lori ✌️

  18. Really you are a God gifted child of your parents & also a excellent example of a good friend❤ I always love your writing skill.. God bless uhh keep continue it
    Wish you a bright future ahead

  19. Very Impressive and amazing Carry on this passion and success is waiting for you in future for sure

  20. ଶ୍ରୀସିକ୍ତା ତୁମ କଲମ ରେ କବିତା କହି ଉଠେ ସଂସାର ର ବାସ୍ତବତା, ମନୁଷ୍ୟ ର ଭିନ୍ନ ଶିଳ୍ପ ,କୌଶଳ ରୁ ଆରମ୍ଭ କରି ବିଭିନ୍ନ ଜାତି, ଲିଙ୍ଗ ବର୍ଗ ର ବ୍ୟକ୍ତି ଙ୍କର ଅଙ୍ଗେଲିଭା ଆନନ୍ଦ ଏବଂ ବିଷାଦ ର ଅନୁଭୂତି , ଆଶ୍ଚର୍ଯ୍ୟ ଜନକ ତୁମ ପ୍ରତିଭା, ଅବିସ୍ମରଣୀୟ ତୁମ କଲମ ର କଳା, ଅଭୂଲା ତୁମ କବିତା ର ସଞ୍ଜମତା ଏବଂ ତୁମ ଭାବନା ର ଗଭୀରତା , ତୁମେ ହେଉଛ ଏକ ଉତ୍ତମ ଲେଖିକା ଏବଂ କବିୟତ୍ରି।। ତୁମ ପାଇଁ ଅଶେଷ ଆଶୀର୍ବାଦ ଏବଂ ସଫଳ କାମନା।

  21. Tuma hrudayara lekhatiku padhile manare ananda bhari ja a ,mana ta khusire utfulla hei uthe……..chira dina pain ama matrubhasa sahitya prati adara rahu ……..prabhu sree jagannatha tumara patha pradasaka huantu

  22. ବୟସରେ ଛୋଟ ହେଲେ ବି ସାହିତ୍ୟ ଜଗତରେ ତୁମର ଅବଦାନ ଖୁବ୍ ସୁନ୍ଦର,ତୁମର ପ୍ରତ୍ୟକଟି ଲେଖା ହୃଦୟକୁ ଛୁଇଁ ଯାଏ ଆଉ ହଜେଇ ଦିଏ କଉ ଗୋଟେ ଅଲଗା ଦୁନିଆରେ । ଭଗବାନ କରନ୍ତୁ ତୁମ କଲମ ଏମିତି ଲେଖୁଥାଉ ଆଉ ତୁମେ ଏମିତି ଆଗକୁ ବଢ଼ିଚାଲ ଏବଂ ଆମ ଜିଲ୍ଲା ତଥା ଆମ ଦେଶରେ ସୁନାମ ଅର୍ଜନ କର

    1. ବସନ୍ ମଂଜରୀ ଦାସ ାସଂପାଦିକା ସୁଶ୍ରୀ ଶୁଭଶ୍ରୀ says:

      ତୁମକୁ ଦେଖିଛି.ଶୁଣିଛି ବି .ସତରେ ବହୁ ପ୍ରତିଭାର ଅଧିକାରିଣୀ ତୁମେ.ବିଭୁ ତୁମ ଚଲାପଥ କୁସୁମିତ କରନ୍ତୁ.ସାହିତ୍ୟ ଜଗତକୁ ତୁମର ସାରସ୍ବତ ଅବଦାନ ଋଦ୍ଧିମନ୍ତ କରୁ ା

  23. ତୁମ ଲେଖନୀ ର ମାଧୁର୍ଯ୍ୟ , ତୁମ ଭାବନା ର ଗାମ୍ଭିର୍ଯ୍ୟ ଭାବବିହ୍ୱଳିତ କରେ ଏ ମନକୁ । ପ୍ରଭୁ ଜଗନ୍ନାଥ ଙ୍କ ପାଖରେ ଏତିକି ଗୁହାରି ତୁମର ଉତ୍ତରତର ଉନ୍ନତି ରେ ସେ ପଥପ୍ରଦର୍ଶକ ହୁଅନ୍ତୁ ।

  24. ଉତ୍କଳ ସାହିତ୍ୟ ଆକାଶ କୁ ଯେଉଁ କେତେ ଜଣ ମହାନ ତାରକା ନିଜ ର କାଳଜୟୀ ଲେଖା ଦ୍ୱାରା ସୁନ୍ଦର କରି ଚାଲିଛନ୍ତି ,ସେମାନଙ୍କ ମଧ୍ୟରୁ ଶ୍ରୀସିକ୍ତା ସୁଭଦର୍ଶିନୀ ଅନ୍ୟତମ । ମୁଁ ଦୃଢ ନିଶ୍ଚିତ ଯେ ମୋ ନାତି ନାତୁଣୀ ମାନେ ତାଙ୍କ ସରଳାର୍ଥ ରେ ଏହା ଲେଖିବେ । ❤️

  25. Srisikta ସାହିତ୍ୟ ସାଧନା ରେ ତମେ ଜଣେ ସିଦ୍ଧ ସାଧିକା.ତମ ଲେଖା ଅତି ଉଚ୍ଚକୋଟୀର… ତମ ଲେଖା ପଢ଼ିଲେ ସାହିତ୍ୟ ପ୍ରତି ଥିବା ଆଗ୍ରହ ମନରେ ଆହୁରି ଉଙ୍କି ମାରେ .. ବାସ୍ତବତା ସହ ସାହିତ୍ୟ କୁ ଅତି ନିବିଡ଼ ଭାବରେ ଯୋଡ଼ି ପରି ବାସ୍ତବତା କୁ ସହଜରେ ବୁଝେଇ ପାର ତୁମେ, ତୁମ ଲେଖା ଅନନ୍ୟ.. ଜୀବନରେ ସାହିତ୍ୟ ମାଧ୍ୟମ ରେ ତମେ ବହୁତ୍ ଉପରକୁ ଯାଅ . ତୁମ ଚଲା ପଥ କୁସୁମିତ ହୋଉ ମା ବିରଜା ଙ୍କ ପାଖରେ ମୋର ପ୍ରାର୍ଥନା…

  26. ଲୋରୀ !! ଓଡିଆ ସାହିତ୍ୟର ନଵଅଵକାଶେ ଵିରଳ ତାରକା ଅଟ ତୁମ୍େଭ। ଅପୂର୍ବ ଏବଂ ମନମୋହିନୀ ତୁମ ଶଦ୍ଦ ସଂଯୋଗ। ଉଚ୍ଚକୋଟୀର ତୁମ ଯାଦୁଇ କଵିତା ର ଭାବନା। ସତେକି ତୁମ ଲେଖନୀ ର କାଉଂରୀ ଛୁଆଁରେ କଵିତାଟି ଜୀବିତ ହୋଇଉଠେ। ନୁହେଁ ମୁଁ ନାୟିକା, ନୁହେଁ ମୁଁ ଗାୟିକା, ତୁମ କବିତା ର ମୁଁ ଏକ ପାଗଳି ପାଠିକା। ତୁମେ ଓଡ଼ିଆ ସାହିତ୍ୟର ଜଗତ ରେ ଏକ ଗୌରଵମୟ ନାମ କମାଅ ଏହା ହିଁ ମୋର ଭଗବାନଙ୍କ ନିକଟରେ କାମନା।

  27. I and all our staffs feeling proud for you.you are such an inspirational person for all.really happy to have you as our student.keep going like this and make all of us to proud for you always.may god bless you all the very best for your future.

  28. Very very ❤Proud of u….dear…!! Samaste nk vala paiba to saha a6i….!!!Ahuri aga ku jaaa “tirtol” ra naa ahuri aga ku ne….❤!!

  29. ସତରେ ଲୋରି ତୁମ ଉତର ରେ ଆମେ ବହୁତ ଖୁସି। ଖାଲି ମୁଁ ନୁହେଁ ସାରା ଓଡ଼ିଶା ତୁମ ପାଇଁ ଗର୍ବିତ।ଜଣେ ବନ୍ଧୁ ହିସାବରେ ମୁଁ ସବୁ ସମୟରେ ସବୁ କ୍ଷେତ୍ରରେ ତୁମ ସହ ରହିବାକୁ ଚାହେଁ। ଭଗବାନ ମଙ୍ଗଳ କରନ୍ତୁ ଓ ସବୁ କ୍ଷେତ୍ରରେ ଶକ୍ତି ଦିଅନ୍ତୁ।

  30. Mast proud of u dear… ❤️
    ସତରେ ତମ ଭଳି ସାଙ୍ଗ ପାଇ ଥିବାରୁ ମୁଁ ନିଜକୁ ବହୁତ୍ ବହୁତ୍ ଗର୍ବ ମନେ କରୁଛି ଏମିତି ଆଗକୁ ବଢ଼ୁଥାଅ

  31. ଅନେକ୍ ଥର ପ୍ରଚ୍ଛଦରେ ଭେଟ ହୋଇଥିଲେ ସୁଦ୍ଧା ଭଲ ସେ ଏଯାଏଁ ଦେଖା ସାକ୍ଷାତ ହୋଇନାହିଁ କେବେ,

    ମୁଁ କିନ୍ତୁ ଶୁଣିଛି ଶ୍ରୀସିକ୍ତାର ବକ୍ତୃତା, ଅନୁଭବ କରିଛି ତାର ବାଗ୍ମିତା, ଦେଖିଛି ତାର ଅଦ୍ୱିତୀୟ ପ୍ରତିଭା….

    ସୁନ୍ଦର୍ ବକ୍ତୃତା ଦେଉଥିବା ଟିକି ଝିଅଟି ଯେ ୟା ମଧ୍ୟରେ ଏତେ ସୁନ୍ଦର୍ କବିତା ସବୁ ଲେଖିବାକୁ ଆରମ୍ଭ କରିଛି, ପଢି ବହୁତ୍ ଖୁସି ହେଲି….

    ଶ୍ରୀସିକ୍ତା ଭିତରେ ସେ ସମ୍ଭାବନା ଅଛି ନିଶ୍ଚୟ, ସେ ଓଡ଼ିଆ ସାହିତ୍ୟରେ ଏକ ଶ୍ରେଷ୍ଠ ହସ୍ତାକ୍ଷର ହୋଇ ପାରିବ….

    ଶୁଭେଚ୍ଛା,

    ମାଆ ଶାରଳା ତୋର ସାରସ୍ଵତ ପ୍ରତିଭାକୁ ଆଶୀର୍ବାଦ କରନ୍ତୁ

  32. ମାଶାରଳା ତତେ ଆଶିର୍ବାଦ କରନ୍ତୁ । ତୁ ବହୁତ ଆଗକୁ ଯା। ଏହାହିଁ ମୋର ଭଗବାନ କ ପାଖରେ ମୋର ନିବେଦନ। ଧନ୍ୟବାଦ।

  33. ଲୋରୀ ତୁ ଭଲ ଲେଖୁଛୁ ।ପ୍ରଭୁ ଜଗନ୍ନାଥ ଙ୍କ କମଳ ଚରଣ ରେ ପ୍ରାର୍ଥନା କରୁଛି କି ତୋ ଚଲା ପଥ କୁସୁମିତ ହେଉ।

  34. ଲୋରୀ ତୁମ ମାର୍ଜିତ କଥା ଆବୃତ୍ତି ସାହିତ୍ୟ ପ୍ରତି ମୁଁ ସର୍ବଦା ଆକର୍ଷିତ।ମୋ ମନ କହୁଛି ତୁମେ ନିଶ୍ଚୟ ଦିନେ ସାହିତ୍ୟ ଜଗତ କୁ କିଛି ଗୋଟେ ବଡ ଉପହାର ଦେବ।ଏତେ କମ୍ ବଯସରେ ଏତେ ଦୂର ଆଗେଇବା କିଛି କମ୍ କଥା ନୁହେଁ।ତୁମ କବିତା “ମୋ ଗାଁ”ମୋତେ ବହୁତ ପ୍ରଭାବିତ କରିଛି।ଗୋଟେ ଜିନିଷ ପ୍ରତି ସେତେ ଉନ୍ମୁକ୍ତ ନ ହେଲେ ଏତେ ସୁନ୍ଦର କବିତା ଲେଖିହେବନି।ସେ ଯାହାହେଉ ଜଗନ୍ନାଥ ସଦାସର୍ବଦା ତୁମକୁ କୃପା କରନ୍ତୁ। ବହୁତ ଆଗେଇ ଚାଲ।

Leave a Reply

Your email address will not be published. Required fields are marked *