ସୀତା ଠାବ
ଅଞ୍ଜନା ନନ୍ଦନ ହନୁ ଚିନ୍ତା ମଗ୍ନ ହୋଇକି
ଶିଂଶପା ବୃକ୍ଷେ ବସିଲେ କପି ରୁପ ଧରିକି
ନିରେଖି ନିରେଖି ଦେଖି ଭାବୁଥିଲେ ବସିକି
ସନ୍ଦେହ ମୋଚନ ହେବ ପ୍ରତୀକ୍ଷାର ଅନ୍ତେକି |
ଏସନେ ତ୍ରିଜଟା ଆସି କହୁଛନ୍ତି ସତୀକି
ଅଶୋକ ଉଷା କରିବ ଚାଲ ନିର୍ଝରିଣୀକି
ତଟିନୀ ତଟକୁ ଚାଲି ସଖି ହାତ ଧରିକି
ପାଲଟା ବସ୍ତ୍ର ଧୋଇବେ ଶୁଚି ହେବା ପାଇଁକି |
ଝରେ ଶ୍ରମ ଝାଳ ଅଙ୍ଗୁ ପଥ ଚାଲି ଚାଲିକି
ପୁଛିଲେ ବିଶ୍ରାମ ନେଇ ଆଉ କେତେ ଦୂରକି
ସ୍ନାହାନ କରି ଫେରିଲେ ବ୍ରତ କାର୍ଯ୍ୟ ଚିନ୍ତିକି
ଅଶୋକ ବ୍ରତ ରଖିଲେ ଶୋକ ଦୂର ପାଇଁକି |
ପ୍ରବେଶି ରାବଣ କହେ ସତୀ ସୀତା ମାତାଙ୍କୁ
ସର୍ବାଙ୍ଗ ସୁନ୍ଦରୀ ତୁମେ ଭୁଲି ଯାଅ ରାମକୁ
ମଳିନ ପିନ୍ଧା ବସନ ଉପବାସ କଷ୍ଟକୁ
ଅସନା ମାଟିରେ ଶୁଅ ନିରନ୍ତର ଚିନ୍ତାକୁ |
ସ୍ବର୍ଣ୍ଣମୟ ଲଙ୍କା ମୋର ହୀରାନୀଳା ଖଚିତ
ସ୍ୱର୍ଗ ମର୍ତ୍ତ୍ୟ ପାତାଳରେ ତ୍ରିଭୁବନ ବିଦିତ
ଶହସ୍ର ଦାସୀ ଖଟିବେ ମନ୍ଦୋଦରୀ ସମେତ
ଲଙ୍କା ପାଟରାଣୀ ହେବ ପ୍ରେମେ ହେବ ଘୋଷିତ |
ତୁହି ମହା ପାପୀ ଚୋର କାପୁରୁଷ ଲମ୍ପଟ
ଛଳେ ହରି ବଳ କଳୁ ଅବଳାର ନିକଟ
ମୁହିଁ ପତିବ୍ରତା ନାରୀ ବହପ ତୋ ବହୁତ
ଛାର ଖାର ହୋଇଯିବ ସ୍ବର୍ଣ୍ଣମୟ ଲଙ୍କାତ |
ତେସନକ ମନ୍ଦୋଦରୀ ଦଶାନନେ ବୁଝାଇ
ସତୀ ସୀତା ନାରୀ କଥା ଦିଅ ମନୁ ହଟାଇ
ଫେରିଲେ କୋପକୁ ବହି ଦାନଵ ଯେ କହି
ନେବି ମୁଁ ବଳପୂର୍ବକ ଅନ୍ତଃପୁରେ ରଖାଇ |
ଅପେକ୍ଷା ଅନ୍ତ ସରିଲା ହନୁମାନ ଚିନ୍ତିଲେ
ରାମ ରାମ ରାମ ରାମ ରାମ ଗାଥା ଗାଇଲେ
ସୂରୁଜ ବଂଶ ନରେଶ ଦଶରଥ ନାମରେ
ଜନ୍ମିଲେ ଚାରି ସନ୍ତାନ ତିନି ରାଣୀ ଗର୍ଭରେ |
ରାମ ଲଇକ୍ଷଣ ଭ୍ରତ ଶତ୍ରୁଘ୍ନ ଯେ ନନ୍ଦନ
ଋଷି ଯାଗ ରକ୍ଷା ପାଇଁ ଆସି ରାମ ଲକ୍ଷ୍ମଣ
ତାଡକା ସୁବାହୁ ମାରି ଅହଲ୍ୟାକୁ ତାରଣ
ଶିବ ଧନୁ ଭାଙ୍ଗି ରାମ ଋଷି କନ୍ୟା ବରଣ |
ପର୍ଶୁରାମ ଦର୍ପଚୂର୍ଣ୍ଣ କରି ରାଜ୍ୟେ ଫେରିଲେ
ବିମାତା କପଟ ପାଇଁ ବନଚାରି ହୋଇଲେ
ବୁଲି ବୁଲି ଘଞ୍ଚ ବନ ଗିରି ଗୁହା କନ୍ଦରେ
ମୁନିମଠ ନଦନଦୀ ଗୋଦାବରୀ ତଟରେ |
କୁଟୀର ଗଢ଼ିଲେ ଘଞ୍ଚ ପଞ୍ଚବଟୀ ବନରେ
ରାମ ରୁପ ଦେଖି ବାଇ ସୂର୍ପଣଖା ଲାଖିରେ
କରିଲା ସେ ପ୍ରେମଭିକ୍ଷା ଶ୍ରୀରାମଙ୍କ ପାଶରେ
ଲକ୍ଷ୍ମଣ ଜାଣି ତା ମନ୍ଦ ନାସା କର୍ଣ୍ଣ ଛେଦିଲେ |
ଦଶାନନ, ମାରୀଚକୁ ମାୟାମୃଗ ସଜାଇ
କପଟ ବେଶେ ରାବଣ ମାତା ସୀତା ଚୋରାଇ
ଆଣିଲା ଲଙ୍କାକୁ ବଳେ ରଖିଛି ସେ ଲୁଚାଇ
ପ୍ରଭୁ ବଚନ ମାନି ମୁଁ ଲଙ୍କା ପୁରେ ଖୋଜଇ |
ଜୟ ରାମ ଜୟ ରାମ ଜୟ ଜୟ ଶ୍ରୀରାମ
ହେ ଶ୍ୟାମଳ ଶାନ୍ତମୂର୍ତ୍ତି ସୀତା ପତି ବନ୍ଦନ
କୌଶଲ୍ୟା ତନୟ ରାମ ଦଶରଥ ନନ୍ଦନ
ହେ ପରମ ବ୍ରହ୍ମରାମ ଘେନ ମୋର ପ୍ରଣାମ |
ପ୍ରଭୁ ନାମ ଶୁଣି ସୀତା ପରିଚୟ ପୁଛିଲେ
ରାମ ଭକ୍ତ ହନୁମାନ ବିଳମ୍ବରେ ବୁଝିଲେ
ହନୁଙ୍କ ହାତୁ ମୁଦ୍ରିକା ମାତା ନେଇ ଦେଖିଲେ
ସ୍ବପ୍ନଫଳ ସତ ହେବ ଆଶ୍ବସ୍ତି ସେ ଲଭିଲେ |
ରୋହିତ ଜେନା
ଏରେଣ୍ଡ୍ର|, ସାନଖେମୁଣ୍ଡି, ଗଞ୍ଜାମ
