ଜୀବନ ସାଥୀ

*********** 

 

ଧରାଧାମେ ଦୁରଲଭ ମାନବ ଜୀବନ

କୋଟି କୋଟି ତପର ପୁଣ୍ୟବଳେ ସାଧନ l

 

ଜନକ ଜନନୀ ସହୋଦର ସୁତା ସୁତ

ଜାୟା ସଖା ପତି ସହୋଦର ସମ୍ବଦ୍ଧିତ l

 

ଶରୀରେ ଆତ୍ମା ଥିଲେ ସକଳ ମଧୁମୟ

ଉଡିଗଲେ ଆତ୍ମ -ପକ୍ଷୀ ଶବ ପରିଚୟ l

 

ମାଟିପିଣ୍ଡ ରହେ ପଡି ଚଉଦିଗେ ହୁରି

ବାସି ହୋଇଯିବ କାଳେ ବିଳମ୍ବ ନ କରି l

 

ଶମଶାନ ପରିଯନ୍ତେ ଚଳିବେ ସ୍ୱଜନେ

କେତେ ବେଳେ ସରିବ ଦାହ ସଂଶୟ ମନେ l

 

ଜୀବନସାଥୀ ଏକା ହିଁ ମାନବର କାୟା

ଭବରଙ୍ଗେ ତା ‘ବିହୁନେ ସବୁ ମିଛ ମାୟା l

 

ଅନ୍ତିମ ସମୟ ଯାଏ ସାଥେ ରହି ଥାଇ

ଜୀବନେ କରମ ଧରମ ସାଧନ କରି l

 

ଶରୀରଧାରୀ ଜୀଵାତ୍ମାର ଯୋଗ ସାଧନ

ସିଦ୍ଧି ଲାଭରେ ପରମାତ୍ମାଙ୍କ ଦରଶନ l

 

ସତ୍ତ୍ୱ ରଜ ତମ ଗୁଣର ରାଜୁତି ସ୍ଥଳ

ନିରୋଗ କାୟା ଯୋଗାଭ୍ୟାସର ଅନ୍ତଃ ସ୍ଥଳ l

ନର୍ମଦା ନାୟକ

ରାଉରକେଲା

 38 total views,  1 views today