ଶୀର୍ଷକ:-ସ୍ମୃତି ମୋର ମରୁଭୂମି
ଅତୀତର କିଛି ଅନ୍ତରଙ୍ଗ ଛବି
ଆଜି ବି ରହିଛି ବାକି :
ଆଜି ବି ଚିରିନି ତୁମ ଲେଖା ଚିଠି
ଲୁଚି ଲୁଚି ପଢୁଅଛି |୧|
ଯେଉଁ ଚିଠିଟିର ଇତି ନାମ ଥିଲା
ତୁମରି ମନ ମଇନା ;
ମୁଁ କି ଜାଣିଥିଲି ସେହି ଶେଷ ଚିଠି
ହେବ ମୋ ଶେଷ ପାଉଣା |୨|
ଜାଣିଛି ମୁଁ ପ୍ରିୟେ ପରିସ୍ଥିତି ତୁମ
ସେଦିନ ଥିଲା ସେମିତି ;
ପ୍ରେମ ଆଉ ପରିବାର ମଧ୍ୟେ ତୁମେ
ସମ୍ପର୍କକୁ କଲ ଇତି|୩|
ଅସଜଡା ମୋର ଜୀବନକୁ ତୁମେ
ପ୍ରିତିରେ ସଜାଡି ଦେଇ ;
ବିରହ ଯାତନା ଦେଇ ଚାଲିଗଲ
ଏକାକି ବଞ୍ଚିବା ପାଇଁ |୪|
ଆଜି ବି ମୋହର ମନେ ଅଛି ସାଥୀ
ତୁମରି ପହିଲି ସ୍ପର୍ଶ ;
ଯେତେ ମୁଁ ଚାହିଁଲେ ଅଫେରା ବାଟକୁ
ବିତିଯାଏ ବର୍ଷ ବର୍ଷ |୫|
ତୁମେ ସିନା ନାହଁ ଆଜି ମୋ ପାଖରେ
ହେଲେ ଅଛି ତୁମ ସ୍ମୃତି ;
ମରୁଭୂମି ଧାରେ ତୃଷା ମେଣ୍ଟାଉଛି
ଆଖି ଲୁହ ଓଠେ ଚାଖି|୬|
ଆଜି ମୁଁ ଜାଣେନା କୋଉଠି କେମିତି
ତମେ ରହିଅଛ ସାଥି ;
ଏତିକି ଜାଣିଛି ପ୍ରତିଟି କ୍ଷଣରେ
ମୋ, ସ୍ମୃତି ରହିଥିବ ବାକି|୭|
ଜାଣି ମୁଁ ସାରିଛି ମୋ ଭଲ ପାଇବା
ଥିଲା ଏକ ମରୁଭୂମି ;
ତଥାପି ପାଉଛି ପାଉଥିବି ଭଲ
ଜୀବନରେ ହାରିବିନି …..
ଜୀବନରେ ହାରିବିନି|୮|
ଏଇ ଜନମରେ କପାଳରେ ମୋର
ତୁମେ ବୋଧେ ନାହଁ ଲେଖା ;
କଥା ରହିଲା ଗୋ ଆର ଜନମରେ
ପୁଣି ହେବା ଦୁହେଁ ଦେଖା …..
ପୁଣି ହେବା ଦୁହେଁ ଦେଖା |୯|
ପ୍ରେମର ଅର୍ଥ କେବଳ ପାଇବା ନୁହେଁ, ପ୍ରେମ କେବେ ଆଶାର ଅସରନ୍ତି ଧାରା ତ କେବେ ବିରହର ବୈଶାଖି ଖରା ।
ପ୍ରେମ କେବେ ଇଶ୍ବରୀୟ ଶକ୍ତି ତ ପୁଣି କେବେ ରାଗ ,କ୍ରୋଧ ଏବଂ ଇର୍ଷାର ମୁକ୍ତି ।
ପ୍ରେମ ପବିତ୍ର ଗଙ୍ଗାର ଅନବରତ ଧାରା ତ କେବେ ପୁଣି ବିରହ ବନ୍ୟାର ଅସରନ୍ତି ଜ୍ବଳା ।
❤🙏ରାଧେ ରାଧେ🙏❤
🙏❤ଜୟ ଜଗନ୍ନାଥ❤🙏
🎸🦜ସର୍ବେଶ୍ବର ସାହୁ🦜🎸
🇮🇳ଧାମନଗର-ଭଦ୍ରକ-ଓଡିଶା🇮🇳
107 total views, 1 views today