Suryodaya_Sambhranta_Saraswat_Samman – 2021

ପ୍ରିୟ
ସତୀର୍ଥ ସାହିତ୍ୟିକ ବନ୍ଧୁ

ଇଂ. ଅନୁପମା ଦାସ, କଟକ, ଓଡିଶା

ସାଦରେ ଅଭିନନ୍ଦନ ଏବଂ ଶୁଭେଚ୍ଛା ଗ୍ରହଣ କରିବା ହେବେ। ଚଳିତ ବର୍ଷ ଆମ ପରିବାରର ଉଚ୍ଚ ମର୍ଯ୍ୟାଦା ସମ୍ପର୍ଣ୍ଣ ଅନ୍ତର୍ଜାତୀୟ ସ୍ୱୀକୃତି ପ୍ରାପ୍ତ ସମ୍ମାନ ସୂର୍ଯ୍ୟୋଦୟ-ସମ୍ଭ୍ରାନ୍ତ-ସାରସ୍ୱତ-ସମ୍ମାନ- ୨୦୨୧ ପାଇଁ ପାର୍ଥିପତ୍ର ଦାଖଲ ନିମିତ୍ତ ଆପଣଙ୍କ ନାମ ଆମ ପରିଚାଳନା କମିଟି , ଆଭ୍ୟନ୍ତରୀଣ କମିଟି ତଥା ଅନ୍ତର୍ଜାତୀୟ କମିଟି ଦ୍ୱାରା  ମନୋନୀତ ହୋଇଛି। ସେଥିପାଇଁ ଆଉଥରେ ଅଭିନନ୍ଦନ।

ତଳେ ପଚାରାଯାଇଥିବା ପ୍ରଶ୍ନ ଗୁଡିକ ର ଉତ୍ତର ନିଜ ମନ ବିବେକ ଏବଂ ଉତ୍ତମ ଚିତ୍ତ ରେ ରଖିବେ।

ନାମ– ଇଂ ଅନୁପମା ଦାସ
ପିତାଙ୍କ ନାମ– ମଦନ ମୋହନ ପଲେଇ
ମାତାଙ୍କ ନାମ-ନିରୁପମା ଦାସ
ସ୍ୱାମୀଙ୍କ ନାମ-ଅସୀମ ଅମିତାଭ ଦାସ
ମହୀସ୍ପର୍ଶ ତାରିଖ/ଜନ୍ମଦିନ09.12.1989
ଶିକ୍ଷା ଗତ ଯୋଗ୍ୟତା-Engineering(E&TC)

୧- ନିଜ ସମ୍ପର୍କରେ ତଥା ଚର୍ଚ୍ଚାଚର୍ଚ୍ଚିତ ନିଜ ଜୀବନ ବିଷୟରେ କିଛି କୁହନ୍ତୁ ..।

-ମୋର ସ୍ୱତନ୍ତ୍ରତା ଅନ୍ୟମାନେ ହିଁ କହିପାରିବେ ଯେଉଁମାନେ ମୋ’ ସଂସ୍ପର୍ଶରେ ଆସିଛନ୍ତି । ନିଜ ବିଷୟରେ ମୋତେ ଲାଗେ ମୁଁ ସାଧାରଣ ମଣିଷଟିଏ ।

୨- ସାହିତ୍ୟ ତଥା ଏହାର ଦୁନିଆ ଯାହାକୁ ସାରସ୍ୱତ ଦୁନିଆ କୁହାଯାଏ, ଆପଣଙ୍କ ବ୍ୟକ୍ତିଗତ ଜୀବନ ଉପରେ କେମିତି ପ୍ରଭାବ ପକାଇଛି ? କିଛି ବିଶେଷ ବ୍ୟକ୍ତିଗତ ଅନୁଭୂତି ବିଷୟରେ ଆମକୁ କହିବେ କି ?

-ମୋତେ ବିଶେଷତଃ ପଢ଼ିବାକୁ ବହୁତ ଭଲଲାଗେ । ସାରସ୍ୱତ ଦୁନିଆରେ ଯେତିକି ବୁଡ଼ିଛି, ସେତିକି ଅଜଣା ହେଇଛି । ବ୍ୟକ୍ତିଗତ ଭାବେ ଅନେକ ଶାନ୍ତି ମିଳିଛି ଏବଂ ନୂଆ ନୂଆ ବହୁତ କିଛି ଜାଣିବାର, ଶିଖିବାର ଆଗ୍ରହ ବଢିଛି ।

୩- ଆପଣ ମୁଖ୍ୟତଃ କବିତା/ଗଳ୍ପ/ପ୍ରବନ୍ଧ/ ରମ୍ୟରଚନା ନା ଅନ୍ୟକିଛି ଲେଖା ଲେଖି କରନ୍ତି ..?

-ମୁଖ୍ୟତଃ ଗଳ୍ପ ଲେଖିବାକୁ ଭଲ ଲାଗେ ।

୪-ଆପଣଙ୍କ ମତରେ ଭଲ କବିତାଟିଏ ବା ଗପଟିଏ ଆମେ କାହାକୁ କହିବା?

ଯେଉଁ ଲେଖା ଗୁଡ଼ିକ ବାସ୍ତବତାର ବାହକ, ସେଇଗୁଡ଼ିକୁ ନିହାତି ଭାବରେ ଭଲ କବିତା କିମ୍ବା ଗଳ୍ପ କହି ପାରିବା ।

୫- ଆପଣ ଆପଣଙ୍କ ଲେଖା ମାଧ୍ୟମରେ ସମାଜକୁ କଣ କହିବାକୁ ଭଲପାଆନ୍ତି?

ମୋ’ ଲେଖା ମାଧ୍ୟମରେ ମୁଁ ସମାଜରେ ସକାରାତ୍ମକ
ଉର୍ଜ୍ଜା ଭରିବାକୁ ପସନ୍ଦ କରେ ।

୬-ସାହିତ୍ୟ ଲେଖି ହୋଇଯାଏ ଅଥବା ଲେଖିବାକୁ ପଡେ ; ଆପଣଙ୍କ ବ୍ୟକ୍ତିଗତ ଅନୁଭୂତି ଏ ନେଇ  ?

– ମୋତେ ଲାଗେ ସାହିତ୍ୟ ଲେଖି ହେଇଯାଏ । ଆଜିକାଲି ବେଳେବେଳେ ଲେଖିବାକୁ ମଧ୍ୟ ପଡୁଛି କିନ୍ତୁ ପ୍ରକୃତ ଭାବନା ସବୁବେଳେ ପ୍ରାଞ୍ଜଳ ଉପସ୍ଥାପିତ ହୋଇ ପାରେନି ଯଦି ବାଧ୍ୟତାମୂଳକ ଭାବେ ଲେଖାଯାଏ।

୭ – ପାଠକୀୟ ଆଦୃତି, ପୁରସ୍କାର ନା ଆତ୍ମସନ୍ତୋଷ, ଆପଣଙ୍କ ସାରସ୍ଵତ ସାଧନା ଓ ସୃଜନଶୀଳତା ଏମାନଙ୍କ ମଧ୍ୟରୁ କଣ ଆକାଂକ୍ଷା କରୁଥାଏ ?

– ପ୍ରଥମେ ତ ଆତ୍ମସନ୍ତୋଷ ହିଁ ପ୍ରାପ୍ତ ହୁଏ । ତାପରେ ପାଠକୀୟ ଆଦୃତି ଦରକାର ପଡିଥାଏ । ପୁରସ୍କାର ତ ଲକ୍ଷ୍ୟ ନୁହେଁ କିନ୍ତୁ ମିଳିଲେ ପ୍ରେରଣା ନିଶ୍ଚିତ ମିଳେ ।

୮-ଓଡ଼ିଆ ଭାଷା, ସାହିତ୍ୟର ବର୍ତ୍ତମାନ ଓ ଭବିଷ୍ୟତ ; ଆପଣ କେମିତି ଦେଖନ୍ତି ?

-ଆପଣମାନଙ୍କ ନଜରରେ ଦେଖେ । ମୁଖତଃ ଯୁବପୀଢ଼ି ହାତରେ ଆମ ଓଡ଼ିଆ ଭାଷା ସାହିତ୍ୟର ବର୍ତ୍ତମାନ ଏବଂ ଭବିଷ୍ୟତ ନିର୍ଭରଶୀଳ । ଅଧ୍ୟୟନ, ତାହାର ଆଲୋଚନା, ପର୍ଯ୍ୟାଲୋଚନା ଏବଂ ସମାଲୋଚନା କ୍ଷେତ୍ରରେ ରହି ଅନେକ କିଛି ଶିଖି ଓଡ଼ିଆ ସାହିତ୍ୟକୁ ଆହୁରି ଉଚ୍ଚକୁ ନେବାର ପ୍ରୟାସ ଜାରୀ ରହିଲେ ଆମ ମାତୃଭାଷା ପାଇଁ ଗର୍ବର ବିଷୟ ହେବ ।

୯-ଯେଉଁମାନେ ନୂଆ ଆସୁଛନ୍ତି କବିତା କ୍ଷେତ୍ରକୁ ସେମାନଙ୍କୁ ଆପଣ କ’ଣ କହିବେ?

– ସ୍ୱାଗତ ହିଁ କରିବି । ଉତ୍ସାହିତ ବି କରିବି ଆଗକୁ ବଢ଼ିବା ପାଇଁ ।

୧୦- ଓଡ଼ିଆ ସାହିତ୍ୟର ଭୂତ ଭବିଷ୍ୟତ ସମ୍ବନ୍ଧରେ କିଛି ନୂତନ ଯୋଜନା କଣ ହେବା ଉଚିତ ?

– ପୁରୁଣା କାଳଜୟୀ ଲେଖା ଗୁଡ଼ିକ ଆମେ ଆମ ଅବୁଝାପଣ ହେତୁରୁ ଛାଡ଼ିଦେଉ, ବେଳେବେଳେ କିନ୍ତୁ ଏ ସବୁକୁ ବୁଝିବା ଆଉ ତର୍ଜମା କରିବା ନିହାତି ଆବଶ୍ୟକ । ଭବିଷ୍ୟତରେ ନୂଆ ଏବଂ ପୁରୁଣାର ମିଶ୍ରଣରେ ନୂତନତା ସୃଷ୍ଟି କରାଯାଇପାରେ ।

୧୧- କେବେଠାରୁ ଆପଣଙ୍କୁ କବି ହେବାର ପରିଚୟ ମିଳିଲା ବୋଲି ଆପଣ ଅନୁଭବ କରୁଛନ୍ତି.?

-ଏପର୍ଯ୍ୟନ୍ତ ସେ ଭାବନା ଆସିନାହିଁ । ତାହା ମୋର ପାଠକ ତଥା ପ୍ରଶଂସକ ମାନେ ଯାହା କହିବେ, ତାକୁ ସମ୍ମାନ ଜଣାଇବି ।

୧୨-ଆଜିକାଲି ସାହିତ୍ୟରେ ଅନଲାଇନର ପ୍ରବେଶକୁ ଆପଣ କେତେଦୂର ଗ୍ରହଣ କରିପାରୁଛନ୍ତି ?

– ବହୁତ ହିଁ ଭଲରେ ଗ୍ରହଣ କରିନେଇଛି । ପୂର୍ବରୁ ଲେଖକର ଲେଖାଟି ସ୍ୱଳ୍ପ ବହି ସମ୍ବାଦପତ୍ରରେ ସୀମିତ ରହିଯାଉଥିଲା । କିଛି ଲେଖା ଏବଂ ଲେଖକ ବଣମଲ୍ଲି ସଦୃଶ ମଧ୍ୟ ରହିଯାଇଛନ୍ତି । କିନ୍ତୁ ଅନଲାଇନ ପ୍ରବେଶ ଲାଗି ସାଙ୍ଗେ ସାଙ୍ଗେ ଆମେ ନିଜ ଲେଖାକୁ ପାଠକ ପାଖକୁ ପହଞ୍ଚାଇ ପାରୁଛେ ।
ଡିଜିଟାଲ ପ୍ଲାଟଫର୍ମ ର ସକାରାତ୍ମକ ଉପଯୋଗ କୁ ନିଶ୍ଚିତ ସ୍ଵାଗତ କରିବି ।

୧୩- ଆମ ସୂର୍ଯ୍ୟୋଦୟ ଭାଷା ପ୍ରତିଷ୍ଠାନ ସମଗ୍ର ବିଶ୍ଵସାହିତ୍ୟ ଜଗତର ଆଜି ଏକ ସୁନାମଧନ୍ୟ ସାହିତ୍ୟ ଅନୁଷ୍ଠାନ ରୂପେ ପରିଗଣିତ ।  ଆପଣଙ୍କ ମତାମତ କଣ..? କିଛି ସୁଚିନ୍ତିତ ବାର୍ତ୍ତା ଦିଅନ୍ତୁ।

-ମୁଁ ଏହି ପରିବାରର ନୂଆ ସଦସ୍ୟ । ତେଣୁ ଅଳ୍ପ ବହୁତେ ସୂଚନା ପାଇଛି । ଅନୁଷ୍ଠାନର ଏବଂ ଆମ ଓଡ଼ିଆ ଭାଷା ସାହିତ୍ୟର ଉନ୍ନତି ହି ମୋର କାମ୍ୟ ।

୧୪- ଆପଣଙ୍କ ଦ୍ଵାରା କିଛି ସଂକଳନ ପ୍ରକାଶିତ ହୋଇଛି କି ଏହା ସମ୍ପର୍କରେ କିଛି କୁହନ୍ତୁ?

– ଲେଖା ପ୍ରକାଶିତ ହେଇଛି । କିନ୍ତୁ ସଙ୍କଳନ କରିବା କଥା ଚିନ୍ତା କରିନାହିଁ ।

ସାହିତ୍ୟ କହିଲେ କଣ ବୁଝନ୍ତି ଏକ କବିତା ମାଧ୍ୟମରେ ପ୍ରକାଶ କରନ୍ତୁ ।

ମୋ ମାଟିର ବାଆ
ଭାରି ମନ ଛୁଆଁ
ପ୍ରକୃତି ଯା’ ଚଳଚଞ୍ଚଳ
ତା ଭାଷା ସାହିତ୍ୟ
ପାଇଁ ଗର୍ବ କରି
ବୋଲେ ମୁଁ ବନ୍ଦେ ଉତ୍କଳ
ବୋଲେ ମୁଁ ବନ୍ଦେ ଉତ୍କଳ ।।

ଇଂ. ଅନୁପମା ଦାସ
କଟକ, ଓଡିଶା

 1,435 total views,  2 views today

Leave a Reply

Your email address will not be published. Required fields are marked *