ସଜ ସକାଳ
ଛୋଟ କୁଡିଆ ତା ସାଥେ ମାଟି କାନ୍ଥ ରେ ଲିପା ହୋଇଥାଏ ଭଳିକି ଭଳି ଚିତ୍ର l ଦେଖିଲେ ଜଣାପଡେ ଆଦିବାସୀ ଅଞ୍ଚଳ କିନ୍ତୁ ଦୁନିଆ ର ସବୁ ଶାନ୍ତି ବୋଧେ ପ୍ରକୃତି ସେଇଠି ଢାଳି ଦେଇଥିଲା l ସକାଳ ର ସିନ୍ଦୂର ଫଟା କିରଣ ଯେବେ କୁଡିଆ ର ଚତୁର୍ଦ୍ଦିଗ ରେ ପଡେ କାକର ବୁନ୍ଦା ମାନ ନିଜ ଚେହେରା କୁ ଢଳ ଢଳ ନୟନ ରେ ଚାହୁଁ ଥିବାର ଦେଖାଯାଏ l ନୂଆ ଉନ୍ମାଦନା ସାଥେ କିଛି ଆଗନ୍ତୁକ କର୍ମ ମାନଙ୍କୁ ସ୍ଵାଗତ କରନ୍ତି ରଚନା ଦେବୀ l
ରଚନା ଦେବୀ ଜଣେ ବିଧବା ମହିଳା ପେସା ରେ ଜଣେ ଆୟୁରବେଦି ଡାକ୍ତର ଆଉ ଜୀବନ ରେ ଗୋଟିଏ ନାଁ ରେ ଜୀବନ୍ତ ପରିଚୟ ପାଇଥିଲେ ତାହା ହେଉଛି “ମା ‘ l ତାଙ୍କର ଗୋଟେ ଅଠର ବର୍ଷ ର ଝିଅ l ନା ତାର ନୟନା l ଦେଖିବାକୁ ରାଜକୁମାରୀ ଭଳି l
ପ୍ରତିଦିନ ମୁହଁ ଅନ୍ଧାର ରୁ ଉଠି ସକାଳ ର ସବୁ ସକାରାତ୍ମକ ଶକ୍ତି କୁ ନିଜ ଭିତରେ ସାଉଁଟି ବାକୁ ଚେଷ୍ଟା କରନ୍ତି ରଚନା ଦେବୀ ଓ ନୟନା l ଘାସ ଗାଲିଚା ରେ ଖାଲି ପାଦରେ ଚାଲିବା ଠୁ ଆରମ୍ଭ କରି ବିଭିନ୍ନ ଫୁଲ ର ମହକ ରେ ନିଜ ଚାଞ୍ଚଲ୍ଯ ମନ କୁ ଶାନ୍ତ କରାନ୍ତି l ପୁଣି ସୂର୍ଯ୍ୟ ନମସ୍କାର ଝରଣା ରେ ସ୍ନାନ, ନିତ୍ୟ କର୍ମ ସାରି ନୂତନ ବୃକ୍ଷ ର ପତ୍ର ଓ ଚେର ରୁ ଯଡିବୁଟି ତିଆରି କରନ୍ତି l ସେ ଯଡିବୁଟି କୁ ସେ ଆଦିବାସୀ ଲୋକ ମାନଙ୍କ ର ଜୀବନ ରକ୍ଷା କରିବାରେ ଲଗାନ୍ତି l ନୟନା ର ମଧ୍ୟ ସେ ସବୁ ରେ ଖୁସି ଥାଏ l ସେ ମଧ୍ୟ ଜୀବନ ରେ ତା ମା ଙ୍କ ଭଳି ହେବାର ସ୍ୱପ୍ନ ଦେଖୁଥାଏ l
ହଠାତ୍ ଦିନେ ରଚନା ଦେବୀ ଙ୍କ ଗୋଡ଼ରେ ଗୋଟେ ବାଉଁଶ କଣ୍ଟା ପଶିଗଲା l ସାମାନ୍ୟ କଣ୍ଟା ଟିଏ କଣ କରିବ ଭାବି ନିଜକୁ ଅବହେଳା କରିଦେଲେ l ପରେ ଅଧିକ ହେବାରୁ ଯଡିବୁଟି ଦେଲେ ହେଲେ ସିଏ କମିବାର ନା ନେଉ ନଥାଏ l ଧୀରେ ଧୀରେ ତାହା ଧନୁଷ୍ଟଙ୍କାର ରେ ପରିଣତ ହୋଇଯାଇଥିଲା l କିଛି ଦିନ ଭିତରେ ରଚନା ଦେବୀ ଙ୍କର ମୃତ୍ୟୁ ଘଟିଲା l ଏହାକୁ ନେଇ ପାଖ ଅଞ୍ଚଳରେ ଦୁଃଖ ର ଛାୟା ଖେଳି ଯାଇଥିଲା l ନୟନା ର ମଧ୍ୟ ଆଉ କେହି ନଥିଲେ l ସିଏ ସମ୍ପୂର୍ଣ୍ଣ ଏକା ହୋଇଯାଇଥିଲା l ହେଲେ ସିଏ ଭାଙ୍ଗି ପଡ଼ିନଥିଲା l ତା ମା ଙ୍କ ଅଧା ଚଲା ବାଟ କୁ ପୁରା କରିବାକୁ ଆଗକୁ ପାଦ ବଢାଇ ଥିଲା l ନିତ୍ୟ ସାରଣୀ ରେ ଜୀବନ ତାର ଚାଲିଥାଏ l ତାକୁ ଲାଗେ କି ସକାଳ ର ପହିଲି କିରଣ ରେ ସିଏ ତା ମା ର ଉଷମ୍ କୋଳ ରେ ଶୋଇଛି l ଆଉ ଜନ୍ହ ଆଲୁଅ ରେ ପଣତ କାନି ର ଶୀତଳତା କୁ ଅନୁଭବ କରୁଛି l ଏଇ ମଧ୍ୟରେ ନୟନା ର ଡାକ୍ତରୀ ପରୀକ୍ଷା ରେ ଉତ୍ତୀର୍ଣ୍ଣ ହୋଇ ଆୟୁର୍ବେଦ ରେ ପଢିବା ପାଇଁ ବିଦେଶ ରୁ ଚିଠି ଆସିଥାଏ l ନୟନା ପଢି ନିଜ ମା ଓ ତାର ଇଚ୍ଛା କୁ ପାଦ ବଢାଇ ଥିଲା l କିଛିବର୍ଷ ବିତିଯାଇଛି l ନୟନା ଆୟୁର୍ବେଦିକ ଡାକ୍ତର ଭାବେ ତା ଜନ୍ମ ଅଞ୍ଚଳ ରେ ପୋଷ୍ଟିଂ ପାଇଛି l ନୂତନ ଆଶା ଓ ଡାକ୍ତର ଖାନା ଖୋଲିବା ଉଦ୍ଦେଶ୍ଯ ରେ ସବୁ ପ୍ରସ୍ତୁତ ହୋଇସାରିଥାଏ l ମନରେ ଅନେକ ଉତ୍କଣ୍ଠା l ପ୍ରଥମେ ସିଏ ତା ନିଜ ଘରକୁ ଦେଖିବ l ଆସି ଦେଖେ ତ ଚାଳିଆ ଘର ଟି ଯେମିତି ଥିଲା ସେମିତି ଅଛି ଗାଁ ର ଲୋକେ କିଛି ଆଞ୍ଚ୍ ଆଣିବାକୁ ଦେଇନାହାନ୍ତି l ଧୀରେ ଧୀରେ ପାଦ ଥାପି ଭିତର କୁ ଗଲା ସେଇ ଘର ର ଅଳନ୍ଧୁ କିଛି ତା ମୁଣ୍ଡରେ ପଡିଲା l ନୟନା କୁ ଅନୁଭବ ହେଲା ତା ମାଆଙ୍କ ଆଶୀର୍ବାଦ ର ଫୁଲ ପଡୁଛି l ତାପରେ କୁଡିଆ ର କାନ୍ଥ କୁ କୁଣ୍ଡେଇ କାନ୍ଦିବାକୁ ଲାଗିଲା l ସେଇ କୁଡିଆ କାନ୍ଥ ର ଗୋବର ର ଲିପା ବାସ୍ନା ତା ମା ଙ୍କ ହାତର ବାସ୍ନା କୁ ଅନୁଭବ କରାଉଥିଲା l l ତାପରେ ସେ ତା ମା ଙ୍କ ସମାଧି ପାଖକୁ ଯାଇ ତା ରିସର୍ଚ୍ଚ ଥେସିସ୍ ର ସଫଳ ଔଷଧ କୁ ଦେଖାଇ କହିଲା ମା ଦେଖ l ତୁମେ ଚିହ୍ନେଇ ଥିବା କିଛି ଗଛ ର ଅଂଶ ବିଶେଷ ରୁ ଏଇ ଆୟୁର୍ବେଦ ଔଷଧ ଯାହା କ୍ଷଣିକ ରେ ଧନୁଷ୍ଟଙ୍କାର ରୁ ମୁକ୍ତି ଦିଏ l କହି କାନ୍ଦି ପକାଇଲା l ଲୁହ ଜୁଡ଼ୁବୁଡ଼ୁ ହାତରେ ଔଷଧ କୁ ରଚନା ଦେବୀଙ୍କ ସମାଧି ପାଖେ ଥୋଇ ପ୍ରଣାମ କଲା l ଠିକ୍ ସେତିକି ବେଳେ ଦାଲୁକାଏ ପବନ ଦେଲା ଓ କିଛି ପତ୍ର ଆସି ତା ମୁଣ୍ଡରେ ପଡିଲା l ସେ ଜାଣି ଥିଲା ଯେ ଏ ସବୁ ତା ମା ଙ୍କ ଆଶୀର୍ବାଦ ବୋଲି l
ସେଦିନ ସିଏ ସମାଧି କୁ କୁଣ୍ଢାଇ ଶୋଇଯାଇଛି ସେଠି ତା ଅଜାଣତରେ l ପୁଣି ଗୋଟେ ନୂଆ ସକାଳ ଆସିଛି ନୟନା ପାଇଁ ଯାହା କର୍ମ ର କର୍ତବ୍ୟ , ଇଚ୍ଛା ର ପୂରଣ ଓ ଅଧା ବାଟ ର ପୁରା ରାସ୍ତା ଥିଲା l ସେଇ ସକାଳ ର ମା ର ପଣତ ବାସ୍ନା ରୁ ଆରମ୍ଭ କରିଥିଲା ତା ଜୀବନ ର ରାସ୍ତା l ଯେଉଁ ସକାଳ କୁ ସିଏ କେବେ ହରାଇବାକୁ ଚାହିଁନି l
ନାମ- ସବିତା ପଟ୍ଟନାୟକ
କେଉଁଝର
