ମନରେ ଆସୁମୋ ଶୁଦ୍ଧ ଭାବନା
ସତ୍ୟ ପ୍ରେମେ ମୋର ପୂରାଅ ଅନ୍ତର
ମନେ ଆସୁ ସାର ଶୁଦ୍ଧ ଭାବନା,
ସାତ୍ତ୍ୱିକ କର୍ମରେ ଶାଶ୍ୱତ ପ୍ରେମରେ
ଉଡ଼ୁ ଶାନ୍ତି ମୈତ୍ରୀ ପ୍ରୀତିର ବାନା!
ସଦ୍ଭାବେ ସୁନ୍ଦର ମର୍ତ୍ତ୍ୟ ମଧୁପୁର
ନର ହୃଦେ ସାର ଭାବନା ଥାଇ,
ଚରାଚର ଜୀବ ଉଦ୍ଭିଦ ମାନବ
ସଜୀବ ସାଧନେ ବିଧାନ ମହୀ,
ସର୍ବ ଜୀବ ସାଥେ ସ୍ୱର୍ଗୀୟ ସ୍ବୀକୃତେ
ଜାଗୁ ମୋ ପରାଣ କରୁ ସାଧନା!
ସତ୍ୟ ପ୍ରେମେ ମୋର ପୂରାଅ ଅନ୍ତର
ମନେ ଆସୁ ମୋର ଶୁଦ୍ଧଭାବନା।
ଶୁଦ୍ଧ ଭାବେ ଶ୍ରଦ୍ଧା ଉଦ୍ଭବେ ସର୍ବଦା
ଘୃଣା ଇର୍ଷା ଭାବ ଯାଉ ଦୂରେଇ,
ସେବା ସାମ୍ୟଭାବ ସହିଷ୍ଣୁ ସଦ୍ଭାବ
ଜାଗି ଉଠୁ ଜୀବେ ମମତା ଦେଇ!
କାନ୍ଦି ଉଠୁ ମୋର ପ୍ରାଣ ନିରନ୍ତର
ଦୁଃଖୀ ଅସହାୟ ଜୀବନ ପାଇଁ,
ତ୍ୟାଗ ସମର୍ପଣେ ସୁରକ୍ଷା କାରଣେ
ସେବକ ସାଜିବି ଶୋଚନା ନାହିଁ,
ଦେବାର ଆନନ୍ଦ ଦିଅ ଆଦିକନ୍ଦ
ଲୋଭକି ଭୋଗରେ ନାହିଁ ଭାବନା,
ସାତ୍ତ୍ୱିକ କର୍ମରେ ଶାଶ୍ୱତ ପ୍ରେମରେ
ଉଡ଼ୁ ଶାନ୍ତି ମୈତ୍ରୀ ପ୍ରୀତିର ବାନା!
ସତ୍ୟ ଶାନ୍ତି ପ୍ରେମେ ସାଧୁତା ସଞ୍ଜମେ
ଭବ ଜୀବେ ଦିବ୍ୟ ଭାବନା ରଖି,
ନର ସାର ପଣେ ଉତ୍କର୍ଷ ପ୍ରମାଣେ
କାଳ ଜିଣେ ଯୁଗ ରହେ ତା’ସାକ୍ଷୀ!
ଶିକ୍ଷକ, ଡେଙ୍ଗାଡି, ଗଞ୍ଜାମ,
୯୫୮୩୪୩୮୧୭୪
79 total views, 1 views today