ବଖରରାଏ ଘର ର ଇତିହାସ
ଗଛ କରତି କରତି ଜୀବନ ପଛେ କରତି ହେଇଯାଏ , ହେଲେ ଏ ବଢ଼େଇ କାମ ରେ ୟାଠୁ ଅଧିକ କିଛି ହେଇ ପାରେନା ?? ନିଜ ଭିଟା ମାଟିର ଏ ଗୋଟିଏ ବଖରାଏ ଚାଳ ଘର କୁ ଯାହା ସିମେଣ୍ଟ କରି ପାରିଛନ୍ତି ନିଜର ଜୀବନ କାଳରେ l କିଛି ଜଣ ବଡ଼ ବଡ଼ ଅଫିସର ଙ୍କ ଘର ଓ ଅଫିସ ତିଆରି ବେଳେ କୋଠା ଗୁଡିକର ସମଗ୍ର କାଠ କାମ କରିବାର ସୁଯୋଗ ମିଳିଥିଲା ବୋଲି ପୁଅ କୁ କିଛି ଦୂର ପଢ଼େଇ ପାରିଲେ ଚତୁର୍ଭୁଜ l ପୁଅ କେତବ ଭଲ ପଢୁଥିଲା ବୋଲି ସରକାରଙ୍କ ଠୁ ସ୍କୋଲାର ପାଇଁ ଆଗକୁ ଖୁବ ପାଠ ପଢି ପାରିଲା ସିନା, ନହେଲେ ବାପା ସହ କାଠ କରତିବା ହିଁ ସାର ହୋଇ ଥାନ୍ତା l ଏବେ ସେ ଭିଲେଇରେ ବଡ଼ ପଦବୀରେ କାମ କରେ l
ଚତୁର୍ଭୁଜ ମରିବାର 7 ଦିନ ହେଲାଣି କେଶବ ଏଯାଏଁ ଆସିନି l ଚତୁର୍ଭୁଜ ଙ୍କ ଭାଇ -ପୁତୁରା ସବୁ କଥା ବାର୍ତ୍ତା ହଉଥିଲେ ଆଜି ସପ୍ତମ ଦିନ ବି ସରିଲା କେଶବ କିନ୍ତୁ ଆସିଲାଣି l ସେ ଆସିବନି ସମସ୍ତେ ଜାଣିଛନ୍ତି କେବଳ ଯାହା ଦଶାହ, କାର୍ଯ୍ୟ ଯାଏଁ ଅପେକ୍ଷା କରିବା କଥା l ହୁଏତ ସେ ଆସିଯିବ କି ୟା ଭିତରେ ବୋଲି ସମସ୍ତଙ୍କ ମନରେ ସଂଙ୍କା l ସେ ନ ଆସିଲେ ସେଇ ଏକ ବଖୁରା ଘର ଟା ତାଙ୍କୁ ମିଳିଯିବ ସେଇ ଲୋଭରେ ସମସ୍ତେ l ସବୁଦିନ ସନ୍ଧ୍ୟା ବେଳେ ସବୁ ଭାଇ ନିଜ ନିଜ ସ୍ତ୍ରୀ ମାନଙ୍କ ସହ ସେଇ ଉପରେ କଥା ବାର୍ତ୍ତା ହୁଅନ୍ତି l କେଶବ ବଡ଼ ହାକିମ ହେଇଛି ସେ କାହିଁକି ଆଉ ତୁଚ୍ଛା ବଖରାଏ ଘର ପାଇଁ ଆସିବ? ସେଠି କାଳେ ସିଏ ଏପାରମେଣ୍ଟ କିଣିଲାନି ଏ ତୁଚ୍ଛା ବଖରାଏ ଘର ତାର କଣ ହେବ?? ଯିଏ ବାପା ର ଅନ୍ତିମ ଦର୍ଶନ ପାଇଁ ଆସିଲାଣି ସିଏ ଆଉ ତୁଚ୍ଛାକୁ କାଇଁ ଆସିବ!!! ଘର ଟା କିନ୍ତୁ ତୁମେ ପାଇବା ଦରକାର l ଅମୁକ ଭାଇ ଔଷଧ କିଣି ଆଣୁଥିଲେ ଯେ କଣ ହେବ ଡାକ୍ତରଖାନା ତ ତମେ ନେଉଥିଲ l
ପୁଣି ଜଣକ ସ୍ତ୍ରୀ କହିବ ସେ ଡାକ୍ତରଖାନା ନେଲେ କଣ ହେବ ଶେଷ ସମୟରେ ତ ତୁମେ ସେବା ଯତ୍ନ କରିଛ l ତୁମେ ପାଇବାକୁ ହକଦାର l
ସୁଦ୍ଧି କ୍ରିୟା ବି ସରିଗଲା, ତେର ଦିନ ବି କେଶବ କିନ୍ତୁ ଆସିନାନି l ଆସିଲେ ଚତୁର୍ଭୁଜ ଙ୍କ ଓକିଲ କହିଗଲେ -ମରିବା ଆଗରୁ ମଉସା ତାଙ୍କ ବଖରାଏ ଘର ର ଦଲିଲ କରିଦେଇ ଯାଇଛନ୍ତି l ଯଦି ତାଙ୍କ ଶୁଦ୍ଧି କ୍ରିୟା ରେ କେଶବ ନ ଉପସ୍ଥିତ ରହେ ତାହେଲେ ତାଙ୍କ ବଖୁରେ ଘର ଗାଁ ମନ୍ଦିର ଟ୍ରଷ୍ଟ କୁ ଚାଲିଯିବ l
ସବୁ ଭାଇ-ପୁତୁରା ଏକ ଧକ୍କା ଖାଇ ନିରବ ରେ ଆଶା ଧୂଳିସାତ ହେବାର ଦୁଃଖ ପାଳିଲେ l
ଜିନାତମାମ୍ ଦର୍ଜୀ, ବରଗଡ