**ଅପରାଧ**
ରବି ଅସ୍ତ ହେଲେ ରଜନୀ ଆଗତେ
ଲିଭେ ଆଲୋକର ଦୀପ
ଘନ ଅନ୍ଧକାରେ ମାତି ଯେ ଉଠନ୍ତି
ନାରୀ ମାଂସଲୋଭୀ ରୂପ….
ନିର୍ଜନ ପଥେ ସେଇ ନିରୀହ ଝିଅଟି
ମନରେ ବାନ୍ଧେ ସାହସ
ପୁଣି ହୃଦୟରେ ତା’ର ଭୟ ଭରି କହେ
ହେଇ ଆସିଲାଣି ରାକ୍ଷସ…..
କାତରିଯାଏ ତା’ କୋମଳ ଶରୀର
ରଣକ୍ଷେତ୍ର ଭେଟିବା ପାଇଁ
ଘାତକ ସଦୃଶ ମଣିଷଟା ସତେ
ଅସ୍ତି ପରେ ବସି ରକ୍ତକୁ ତା’ ଯାଏ ପିଇ….
ଆଦ୍ୟଫୁଟା ସଜ କୋମଳ କଢ଼ିଟି
ନଫୁଟି ମଉଳି ଯାଏ
ଦୁହିତା ଶବ୍ଦଟି ମୂଲ୍ୟହୀନ ସାଜେ
ଧର୍ଷିତା ନାମରେ ଜିଏଁ…
ଜୀବନ ଦୋଛକିରେ ଅଶାର ଆଲୋକ
ଦେଖିବାକୁ ଏଠି ଭୟ
ନାରୀଟିକୁ କାହିଁ କ୍ରୀଡ଼ନକ କରି
ଛାଡିଦିଏ ଏ ସମୟ…..
କଟୁବାକ୍ୟ ଯେତେ ସହିନପାରି ସେ
ଜୀବନ ଦିଏ ହରାଇ
ରୁକ୍ଷ ସମାଜର ନିର୍ଦୟ ଚକ୍ଷୁରେ
ଅପରାଧୀ ଦିଶେନାହିଁ….
କେତେ ରଥି ଆସି ନିଶାବ ବସନ୍ତି
କରିବା ପାଇଁ ବିଚାର
ନ୍ୟାୟ ଦାବି କରି ମୁଣ୍ଡ ପିଟୁଥାନ୍ତି
ନାରୀଟିର ପରିବାର….
କେହି କହେ ନାରୀ ଦେବୀ ଅଳଙ୍କୃତା
କେ କହେ ଘରର ଲଜ୍ୟା
ଅପରାଧୀ ଏଠି ସ୍ୱାଧୀନରେ ବୁଲେ
ନାହିଁ ତା’ର କିଛି ସଜ୍ଜା….
ନାରୀଠୁ ଆରମ୍ଭ ଏ ସାରା ସଂସାର
ନାରୀଠାରେ ସର୍ବଶେଷ
ବୁଝିନପାରି ଯେ ପାପକର୍ମ କରେ
ଭୋଗିବରେ ନିଶ୍ଚେ କ୍ଳେଶ….
ପାପୀ କେବେହେଲେ ବର୍ତ୍ତିପାରେ ନାହିଁ
ଇହପୃଷ୍ଟ ଧରାଧାମରେ
ରାବଣ ବି ଦିନେ ପୋଡି ମରିଥିଲା
ସୀତାଙ୍କ ନୟନ ଅନଳରେ….
ନାରୀ ଜୀବନକୁ ନାରଖାର କରି
ଯେ ରାକ୍ଷସ ଜାଳେ ନିଆଁ
ଆଜି ବଞ୍ଚିଛି ତ କାଲିକୁ ମରିବ
ଜଳିବରେ ଏ ଅପରାଧର ଦୁନିଆ….
••••••• •••••• ••••••
ପୂଜାରାଣୀ ନାୟକ
ବଖାଣପୁର, ଯାଜପୁର
ଚମତ୍କାର ଶବ୍ଦ ସଂଯୋଜନା.. ଆବୃତ୍ତି ହୃଦୟସ୍ପର୍ଶୀ ❤❤❤
ବାଃ…! କବିତା ବିଷୟରେ ତ କହିବାକୁ କିଛି ଶବ୍ଦ ନାହିଁ ମୋର…
.
ମୁଁ କିନ୍ତୁ ଆଜୀବନ ପ୍ରଶଂସକ ତୁମ ଆବୃତ୍ତି ଓ ଉପସ୍ଥାପନାର ❤️
.
ଏମିତି ହିଁ ଆଗକୁ ବଢୁଥାଅ
Puja my sister, so i am very happy
I am proud and excited
Excellent
Excellent
Wow ! Xllent presentation.
ଶବ୍ଦ ଯେବେ ଭାବନାର ଚରମସୀମା ଛୁଇଁଯାଏ |
❤️❤️❤️
ଏ ସୃଷ୍ଟିଆଗରେ ମୁଁ ମାଥାନତ କରୁଛି