କଲମ

ଫାଙ୍କା ଡାଏରୀର ନିରବ ଫର୍ଦକୁ
ପୂ୍ର୍ଣତା ରେ ଭରିଦିଅ ।
ମନର ଭାବକୁ ଫଳକ ଉପରେ
ତୋଳି ଧରି ଆଙ୍କି ଦିଅ ।।

ନୁହେଁ ଯେ କେବଳ ଲେଖନୀ ଯନ୍ତ୍ର
ଚାଲଇ ଶାଣିତ ଧାରେ ।
ଅସମ୍ଭବ କୁ ସମ୍ଭବ କରାଅ
ଅସୀମ ବୁଦ୍ଧି ବଳରେ ।।

ଧରା ରାଇଜେ ସବୁଠି ବଳୀୟାନ
ଅଶୀ ଠାରୁ ବେସି ମସି ।
ଅତ୍ୟାଚାର ନିବୁଜ ତିମିର ଦୂରେଇ
ସାଜିଛ ସରଗ ଶଶୀ ।।

ସୁପ୍ତ ଲୁପ୍ତପ୍ରାୟ ଜାତିକୁ ଜାଗ୍ରତ-
କରି ବିପ୍ଳବ ର ସୂତ୍ରଧାର ।
ଅନ୍ୟାୟ ର ଅଜଣା ବାରି ପଥରେ
ସେଇ ବାଟଦେଖା ବତିଘର ।।

ଯାହା ଯାହା ତମେ କରି ପକାଇଲ
ନିଜର ଶାଣିତ ମୁନେ ।
ବିଶ୍ଵ ବିଜୟୀ ସ୍କନ୍ଦର ଭାବି ନଥିବେ
ତାଙ୍କର ଦିବା ସପନେ ।।

ତୁମେ ହିଁ ମୋ ପ୍ରିୟ ବନ୍ଧୁ
ସୃଜନୀ ସବୁର ସାକ୍ଷୀ ।
ତମ ମାୟାରେ ସୃଜଇ ସମସ୍ତ
ଥାଅ ମୋର ପାଖାପାଖି ।।

ରାକେଶ ରତନ ପ୍ରଧାନ
କେନ୍ଦୁଝର, ଓଡିଶା

 691 total views,  1 views today