*ମୋତେ ତୋ ଶ୍ରୀକ୍ଷେତ୍ରକୁ ନେବୁ–ସୁଭଦ୍ରା ପଟ୍ଟାୟତ*

**ମୋତେ ତୋ ଶ୍ରୀକ୍ଷେତ୍ରକୁ ନେବୁ*

ତୋତେ ମୋ ରାଣ କାଳିଆରେ
ମୋତେ ତୋ ଶ୍ରୀକ୍ଷେତ୍ରକୁ ନେବୁ ।
ଅତି ନିକଟରୁ ତୋ ଦରଶନ ଦେବୁ
ମୋତେ ତୋ ଶ୍ରୀକ୍ଷେତ୍ରକୁ ନେବୁ ।
ତୋତେ ଭଲଲାଗେ ଷାଠିଏ ପଉଟି
ମୋତେ ଭଲଲାଗେ ତୋ ଚକା ଆଖିଟି ।
ତୁ ମୋର ହୀରା ତୁ ମୋର ନୀଳା
ତୁ ମୋର ନୀଳମାଧବ କାଳିଆ ।
ଦୂରେ ଦରଶନ ଏ ମନ ମାନେନା
ଏ ମନର ଦୂର ନୁହେଁ ତୁ ।
ଦୂରେ ଦୂରେ ରହି ବଞ୍ଚି ପାରୁନାହଁ
ତୋ ପାଖକୁ ଚାହେଁ ଯିବି ମୁଁ ଧାଇଁ ।
କେତେ ମୁଁ ଧାଇଁବି କେମିତି ଧାଇଁବି
ଆଉ ସେ ବୟସ କାହିଁ ?
ମିଛ ଏ ସଂସାରେ ମୋ ଆୟୁଷ ନାହିଁ
ମୋ ଜୀବନ ଯାଉ ତୋତେରେ ଚାହିଁ ।
ଏତିକି ଶୁଣିନେ ମୋ ଶେଷ ଗୁହାରୀ
ଆଉ କିଛି ମୁଁ ମାଗିବି ନାହିଁ ।
କାଳିଆ ମୋତେ ତୋ ଶ୍ରୀକ୍ଷେତ୍ରକୁ ନେବୁ
~~~~~~~~~~~~~~~~~
*ସୁଭଦ୍ରା ପଟ୍ଟାୟତ, ବାଲେଶ୍ବର*