ଶିଶୁ
କେଉଁ ଏକ ଅଜଣା ସହରୁ
ଆଖି ମଳି ମଳି ଆସିଲୁ ତୁ ଏଥି
ଟିକି ଟିକି ପାଦ ଦୁଇ ତୋର
କେତେ ଛନ୍ଦେ ଛନ୍ଦାୟିତ।
ପଡିଶା ଘର ଓ ବନ୍ଧୁବାନ୍ଧବ
ହସି ହସି ମାଗନ୍ତି ମିଠା
ଆମ ଘରେ
ଅସରନ୍ତି ଆନନ୍ଦର ଜୁଆର
ଧାଁ ଧପଡ
ଗୋଡ ତଳେ ପଡୁନି ।
ଜୀବନରେ ଏଇ ଗୋଟିଏ ଦିନ
ତୁ କାନ୍ଦିଲେ
ମା ତୋର ହସେ
ହସେ ସାରା ପରିବାର
ସତେ କି
ଆକାଶର ଜହ୍ନଟା
ଆମ ଘରକୁ ଆସିଛି ।
ତୁ କାନ୍ଦୁଛୁ କିଆଁ
ନୂତନ ସୂର୍ଯ୍ୟାଲୋକର ସ୍ପର୍ଶରେ
ଅନେକ ବିଳମ୍ବ ଏଠି
ତୋତେ ଚିହ୍ନିବାରେ ।
ଏ ଦୁନିଆଁ ଛଳନା ରେ ପୂର୍ଣ୍ଣ
ଅତ୍ୟାଚାର, ଶୋଷଣ, ସ୍ବାର୍ଥରେ
ଆଜିର ଆଲୋକ କଳଙ୍କିତ
ତୁ ଆସିବା ପୂର୍ବରୁ
ତୋର
ଅବଚେତନ, ଅଚେତନ, ଚେତନ
ମନକୁ ପଚାରି ତୁ ଆ
କାରଣ
ଏନ୍ତୁଡ଼ିଶାଳ ର ନିଆଁ ରୁ
ମଶାଣି ର ନିଆଁ
ବ୍ୟବଧାନର ଭିତରେ ।
ପ୍ରେରଣ ତାରିଖ = ୩୦.୧୨.୨୦୨୦
ଶୁଭଙ୍କର ନିବାସ
ମାଁ ମାଣିକେଶ୍ଵରୀ ସାହି
ମୋହନା, ଗଜପତି-୭୬୧୦୧୫
ବାର୍ତ୍ତାଳାପ = ୮୨୪୯୫୦୩୬୫୮
