ଶ୍ରୀ ଗୁରୁ
ବନଲତା ଜାଲି
ଗୁରୁ ପୂଜ୍ୟଦେବ
ଘନିଷ୍ଠ ବାନ୍ଧବ
ଶ୍ରେଷ୍ଠ ପଥପ୍ରଦର୍ଶକ
ଜ୍ଞାନ ନେତ୍ର ଖୋଲି
ଅଜ୍ଞାନ ଦୁରେଇ
ଦେଖନ୍ତି ଦିବ୍ୟ ଆଲୋକ ll
ଗୁରୁ ବିନା ଶିକ୍ଷା
ହୁଏନି ପୂରଣ
ସେତ ସାଧନାର ଉତ୍ସ
ମନେଭରି ଶକ୍ତି
ଆଗକୁ ବଢାନ୍ତି
ରଖନ୍ତି ଆତ୍ମାକୁ ସ୍ୱଚ୍ଛ ll
ଜ୍ଞାନଗନ୍ତାଘର
ସଂସ୍କାର ଭଣ୍ଡାର
ପ୍ରେରଣାର ସେ ସମ୍ଭାର
ଆଦର୍ଶ ଚେତନା
ପବିତ୍ର ଭାବନା
ଭରନ୍ତି ସେ ନିରନ୍ତର ll
ଅଜ୍ଞତା ମରୂରେ
ଜ୍ଞାନ ନୀର ଛିଞ୍ଚି
ବଢ଼ାନ୍ତି ଆତ୍ମବିଶ୍ୱାସ
ସୃଷ୍ଟି କରି ମନେ
ନବ ଉନ୍ମାଦନା
କରାନ୍ତି ପରିପ୍ରକାଶ ll
ଜ୍ଞାନ ବିତରଣେ
ନୁହଁନ୍ତି କୃପଣ
ବଦାନ୍ୟତାର ଶ୍ରାବଣ
ଆତ୍ମବିଶ୍ୱାସର
ସିଏ ମୁଳଖମ୍ବ
ସମାଜର ସେ ଦର୍ପଣ ll
ଗୁରୁ ଜ୍ଞାନ ସିନ୍ଧୁ
ପୂର୍ଣ୍ଣିମାର ଇନ୍ଦୁ
ଅମୃତର ସୁଧାବାଣୀ
ଲାଗି ତାଙ୍କ ସ୍ପର୍ଶ
ମୂର୍ଖତାର ନାଶ
ସେ ପରା ପରଶମଣି ll
ଚରିତ୍ର ଗଠନ
କୁଶଳୀ ବିନ୍ଧାଣୀ
ଆକାଶ ପରି ଉଦାର
ଶ୍ରଦ୍ଧା ସାଗରର
ଗଭୀରତା ସିଏ
ଆଶୀଷର ଗଙ୍ଗାଧାର ll
ଜ୍ଞାନ ଫଲଗୁର
ନାନା ବର୍ଣ୍ଣ ରଙ୍ଗ
ଦକ୍ଷତା ଭରା ଫଗୁଣ
ଦୟାକରୁଣାର
ଅମାନିଆ ଝଡ଼
ଚରିତ୍ରର ନବପ୍ରାଣ ll
ଗୁରୁ ବ୍ରହ୍ମା, ବିଷ୍ଣୁ
ଗୁରୁ ମହେଶ୍ୱର
ଗୁରୁ ଶ୍ରେଷ୍ଠ ଯାଦୁକର
ଗୁରୁ ସଂସାରରେ
ନମସ୍ୟ, ପୂଜିତ
ମଣିଷ ଗଢ଼ା କୁମ୍ଭାର ll
ସେ ନୁହଁନ୍ତି ନର
ସେ ପରମେଶ୍ୱର
ସହୋଦର ଭଗବାନ
ତାଙ୍କ କୃପା ବଳେ
ଲଂଘିଣ ସାଗର
ପହଞ୍ଚିବ ଲକ୍ଷ୍ୟ ସ୍ଥାନ ll
କୃଷ୍ଣପ୍ରସାଦ, ପୁରୀ
When someone writes an post he/she retains the considered a consumer in his/her intellect that how a person can know it. Therefore that’s why this bit of producing is outstdanding. Thanks!
Greetings! Incredibly beneficial tips in this particular posting! It’s the minimal alterations which will make the greatest alterations. A lot of many thanks for sharing!
i like this fabulous article