ଶୀତ ଆମ ମିତ
ଶୀତ ମାଉସୀ ଟା ଧୀରେ ଧୀରେ ଆସି
ପସରା ଦେଲାଣି ମେଲି ,
ହାବୁକା ମାଡ଼ରେ ବୁଢ଼ା ବୁଢ଼ୀ ସବୁ
ଆଉ ନ ପାରନ୍ତି ଚାଲି ।୧।
ନିଆଁ ଉମେଇକୁ ସାଥି କରି ସବୁ
ଜମାନ୍ତି ଗପ ଆସର ,
ଗରମ ମୁଢ଼ିକୁ ପକୁଡ଼ି ବରା ଯେ
ଦେଉଛି ସୁଆଦ ତାର ।୨।
ସାଲ୍ କମ୍ବଳ ବାହାରି ଆସିଣ
ଦେହରେ ପାଆନ୍ତି ଶୋଭା,
ନାଲି ନେଳି କେତେ ରଙ୍ଗ ସୁଅଟର
ଦିଶେ ବଡ଼ ମନ ଲୋଭା ।୩।
ଶଗଡ଼ ରେ ସବୁ ଧାନ ବୁହା ହୋଇ
ଖଳାରେ ଗଦେଇ ହୁଏ ,
ନାଲି ସୁରୁଜ ଟା ଶୀତର ଡର ରେ
ବିଳମ୍ବରେ ଆସୁଥାଏ ।୪।
ଗେଣ୍ଡୁ ଗୋଲାପର ଆସର ଚାଲିଛି
ଭରିଛି ଏ ବସୁନ୍ଧରୀ ,
କୋବି ମୂଳା ସାରୁ କେତେ ପରିବାରେ
ହାଟ ତ ଯାଉଛି ଭରି ।୫।
ଦିନ ସରିଯାଏ ସଅଳ ସଅଳ
ରାତି ହୋଇଯାଏ ବଡ଼,
ମନ ଦେଇ ସବୁ ପିଲା ପାଠ ପଢି
ସୁନାର ରାଇଜ ଗଢ଼ ।୬।
ଶୀତ ଅଟେ ଆମ ମିତ ପରା ସିଏ
ଏହି ବାରତା ଟି ଦିଏ ,
ମାତା ଲକ୍ଷ୍ମୀଙ୍କ ର ପ୍ରିୟ ବ୍ରତ ଏହି
ଶୀତ ଋତୁ ଆଣିଥାଏ ।୭।
ନନ୍ଦିନୀ ରାଉତ,ଶିକ୍ଷୟତ୍ରୀ, ବାଲିପଟ୍ଟା, ଅନୁଗୋଳ
314 total views, 1 views today