ଷଢରିପୁ ଘେରି କଲେଣି ମେଳି
ଜୀବ ଛାଡିବାର ଆସିଲା ପାଳି।
ବେଳୁ ବେଳ ଘାରେ କଫ ପିତ୍ତ ବାତ
ଛାଡି ବାକୁ ଏଠି ଆୟୁଷ ହାତ।

ଆଖି ଥାଇ ପୁଣି ଅଂନ୍ଧ ହୋଇଯାଏ
ଦିବସ ଆଲୋକେ ପାରେନା ଦେଖି
କାନ ଥାଇ କାନ ମେଲି ସେ ପଚାରେ
ଜିଭ ଥାଇ ସ୍ୱାଦ ନପାରେ ଚାଖି।

ଜନମ କାଳରୁ ଲେଖି ଆସିଅଛି
ଗଲାବେଳେ ଯିବ ସବୁ ସେ ଛାଡି
ତଥାପି ମାୟାର ଜାଲେ ଛନ୍ଦି ହୋଇ
ବିପଦେ ଆପଦେ ଛାଡଇ ରଢି।

ମୋର ମୋର କହି ଆବୋରି ବସିଛି
ସତେକି ନେବସେ ମରିବା ପରେ
ବୁଝି ପାରେନା ନାହିଁ ନିଜର ଭାବଇ
ସେ ଛଡାଇ ରଖନ୍ତି ନିଜ ହାତରେ ।

ଦାନ ଧ୍ୟାନ ଧରମ ଯାଇଛୁ ଭୁଲି
ପରୋପକାର ଖାଇଛି ଚୁଲି
ଯେତେ ଅରଜିଛୁ ଅନ୍ୟ ତଣ୍ଟିଚିପି
ତୋର କଷ୍ଟରେ ସେ ହସିବେ ଖାଲି।

ସୁଧୁରି ଯା ତୁ ସମୟ ଅଛି
ଧନ ପଥ ଛାଡି ଧର୍ମ ଆଦରି
ସତ୍ ସଙ୍ଗେ ଧନ ଧର୍ମ ଅରଜି
ଏ ଭବ ସାଗରୁ ହୋଇବୁ ପାରି।

ରେଣୁକା ସାମଲ
ପଞ୍ଚାୟତ ସମିତି କଲେଜ
ରାଇଘର, ନବରଙ୍ଗପୁର।

 45 total views,  1 views today

Leave a Reply

Your email address will not be published. Required fields are marked *