🌹କବି 🌹
ଇନ୍ଦୁପ୍ରଭା ବିଶ୍ୱାଳ
—————————————
ସଫେଦ କାଗଜ ପରେ
କଲମ କୁ ଧରି
ଫୁଟାଏ ମନର ଭାଷା
ଭାବ ଅବତରି
ଭାବେ ତାର ଏ ଜନମ
ବିଭୁ ଉପହାର
ସୃଷ୍ଟି ପାଇଁ ରଚିଯିବ
ଅମୃତ ସମ୍ଭାର
ସାଧନା ରେ ଚିରବ୍ରତୀ
ନିରବ ସାଧକ
ଅତିକ୍ରମି ଚାଲେ ଯେତେ
ବାଧା ଓ ବାଧକ
କେବେ ପାଲଟିଯାଏ ସେ
ସ୍ବପ୍ନ ସୌଦାଗର
କେବେ ହୋଇଯାଏ ପୁଣି
ଶବ୍ଦ ଯାଦୁକର
କଳ୍ପନା ରେ ଗଢେ କେତେ
ଅଶାର ସଉଧ
ତା ପାଇଁ ସବୁ ସମାନ
ନିନ୍ଦା ଅପବାଦ
ପାରିଜାତ ଫୁଟେ ପୁଣି
ତା ରଚନା ଧାରେ
ନିତି ମଧୁମାସ ଆସି
ମନ ଛୁଇଁ ଫେରେ
କେତେବେଳେ ହସେ ପୁଣି
କେତେବେଳେ କାନ୍ଦେ
କେତେବେଳେ ନାଚେ ମେଘ
ମହ୍ଲାର ର ଛନ୍ଦେ
ସ୍ୱପ୍ନ ଭରା ମନରେ ତା
ଅସୁମାରୀ ଆଶା
ସେ ଆଶା ରେ ବାନ୍ଧେ
ବାଇ ଚଢେଇ ର ବସା
ସାରା ଦୁନିଆ ଟା ଯେବେ
ପଡିଥାଏ ଶୋଇ
ଭାବନା ର ରାଇଜରେ
ରହିଥାଏ ଚେଇଁ
ଅଶାର ଆଲୋକ ଭରି
ସପନ ମନରେ
କେବେ ସଂଜ ଆସିଯାଏ
ଜୀବନ ଶେଷ ରେ
ଲେଖନୀ ନିରବୀ ଯାଏ
ଅସ୍ତ ହୁଏ ରବି
ଚିର ଅମର ନମସ୍ୟ
ଏ ମାଟିର କବି
ଇନ୍ଦୁପ୍ରଭା ବିଶ୍ୱାଳ