ସ୍ୱଚ୍ଛ ଭାରତ
ପ୍ରସନ୍ନ କୁମାର ସାହୁ
******************************
ସ୍ୱଚ୍ଛ ଭାରତ ଅଭିଯାନ ଚାଲିଛି ପଲିଥିନ ପ୍ୟାକ ସବୁ ଜିନିଷ,
ବ୍ୟାଗ୍ ହାତେ କିଏ ଧରୁଛି ଆଜି
ବ୍ୟାଗ୍ ଧରିଲେ ଲାଗେ ବିଷ।
ଗୁଟୁଖା କମ୍ପାନୀ ଟିକସ ଦିଏ
ସେ ସବୁ ବନ୍ଦ୍ ନୋହିଛି,
ସ୍ୱଚ୍ଛ ଅଭିଯାନ କିପରି ସମ୍ଭବ
ଫାଙ୍କା ଆୱାଜ ସୁଭୁଛି।
ଡ୍ରେସ ଛତା ଜୋତା ସବୁ ପରା
ପଲିଥିନ ପ୍ୟାକ ହୋଇଛି,
ଏହି ପଲିଥିନ ଆସୁଛି କେମିତି
ଦେଶ ନେତା କି ନ ଜାଣିଛି?
ନେତା ଙ୍କ ପାଟିକି ପାନ ଖିଲ
ସଦା ବେଳେ ଲୋଡା ହେଉଛି,
ପାନ ପୁଣି ଜରି ଗୁଡ଼ା ହେବ
ସହଜେ ସେ ଶୁଖି ନ ଯାଉଛି।
ହୋଟେଲ ପାର୍ଶଲ୍ ପାଇଁ ଲୋଡା
ପଲିଥିନ ପରା ହେଉଛି,
ବାହା ଘର ପୁଣି ସଭା ସମିତି
ପଲିଥିନ ସଯା ହେଉଛି।
ଲୋକ ମାନେ ପୁରା ଅଭ୍ୟସ୍ତ
ପଲିଥିନ କିଏ ଛଡୁଛି,
ସ୍ୱଚ୍ଛ ଭାରତ ପ୍ରଧାନ ମନ୍ତ୍ରୀଙ୍କ
ଖାଲି ସ୍ଲୋଗାନ ହୋଇଛି।
ମଦ ବୋତଲ କାଳେ ଦିଶିବ
ପଲିଥିନ ଗୁଡ଼ା ହେଉଛି,
ବୋତଲ ସହିତ ପଲିଥିନ ସବୁ
ରାସ୍ତାରେ ଫିଙ୍ଗା ଯାଉଛି।
ତଥାପି ଭାଷଣ ଚାଲିଛି ଆମର
ସ୍ୱଚ୍ଛ ଭାରତ ତିଆରି ହୋଇବ,
କେମିତି କେଜାଣି ସମ୍ଭବ ହେବ
ସମୟ ସେ କଥା କହିବ।
ପ୍ରସନ୍ନ କୁମାର ସାହୁ
262 total views, 1 views today