ସପ୍ତସ୍ୱରରେ ଜୀବନ
ଶୋକର ସାଗରେ ଉବୁଟୁବୁ ବେଳେ
କେହି ନ ହୋଇଲେ ସାହା
ସେହି ସମୟରେ ସଙ୍ଗୀତ କେବଳ
ଥାଏ ଏକମାତ୍ର ରାହା ।
ବେଳେବେଳେ ଆତ୍ମା ହୃଦୟ ପାଇଁକି
ହୁଅଇ ଲୋଡା ସଙ୍ଗୀତ
ସୁପ୍ତ ସପ୍ତପ୍ରାଣେ ଶକ୍ତିକୁ ସଞ୍ଚାରୀ
କରଇ ସେ ଜାଗ୍ରତ ।
ରଣକ୍ଷେତ୍ରେ ଯେବେ ଲଢିବାକୁ ହୁଏ
ପ୍ରଥମେ ଥାଏ ସଙ୍ଗୀତ
ସେଇ ସଙ୍ଗୀତର ପରାଭବ ପାଇ
ଜିଣି ପାରେ ସେ ଜଗତ ।
କୋକିଳର କୁହୁ କୁହୁ ତାନ ଶୁଣି
ହୁଅଇ ମନ ଅଧିର
ପ୍ରକୃତି ଦେବୀର ପ୍ରତିଟି ଛନ୍ଦରେ
ରହିଅଛି ସପ୍ତସ୍ବର ।
ସଙ୍ଗୀତର ବିନା ଶୂନ୍ୟ ଏ ଜୀବନ
ଶୂନ୍ୟ ଲାଗେ ସବୁକିଛି
ନିଃସଙ୍ଗ ବେଳରେ ଫଗୁଣ ଆଣି ସେ
ଫଲ୍ଗୁ ଦେଇଥାଏ ବିଞ୍ଚି ।
ଲକ୍ଷ୍ମୀପ୍ରିୟା ସେଠୀ
ଦେଉଳି,ଯାଜପୁର
