🙏ସମାଲୋଚନା, ଆରୋପ ଏବଂ ପ୍ରତ୍ୟାରୋପ🙏

ପ୍ରତିଦିନ ଖବର କାଗଜର ପୃଷ୍ଠା ଓଲାଟାଇଲେ ସମାଲୋଚନା, ଆରୋପ ଓ ପ୍ରତ୍ୟାରୋପ ଲେଖା ଦୃଷ୍ଟି ଗୋଚର ହୋଇଥାଏ ।ମନରେ ପ୍ରଶ୍ନ ଉଠେ, ଏପରି କଣ ସବୁବେଳେ ଚାଲିଥିବ? ଏହାର ସମାଧାନ କେବେ ହେବ? ଏହାର ଉତ୍ତର ସମସ୍ତଙ୍କ ପାଖରେ ଅଛି । କିନ୍ତୁ ସହଜ ଓ ସରଳ ସମାଧାନର ବାଟ ଆମ ପାଖରେ ରହିଥିଲେ ମଧ୍ୟ ସମାଲୋଚନା, ଆରୋପ ଓ ପ୍ରତ୍ୟାରୋପକୁ ପ୍ରାୟତଃ ଅନେକ ଭଲ ପାଆନ୍ତି । ପାଠକ ମାନେ ମଧ୍ଯ ଏହାକୁ ଖୁବ୍ ମନଦେଇ ଉପଭୋଗ କରିଥାନ୍ତି ଏବଂ ଲେଖକଙ୍କୁ ୱାଟ୍ସଅପ , ଟେଲିଫୋନ ଜରିଆରେ ଧନ୍ୟବାଦ ଜଣାଇଥାନ୍ତି ।
ସମାଲୋଚନା, ଆରୋପ ଓ ପ୍ରତ୍ୟାରୋପ ଦ୍ଵାରା କୌଣସି ବିଷୟର ସମାଧାନ ହୋଇପାରେନାହିଁ ବରମ୍ ବହୁ କ୍ଷେତ୍ରରେ ଏହା ଉଗ୍ର ରୂପ ଧରିଥାଏ । ଏହା ବଦଳରେ ସମାଧାନର ବାଟ କଣ ଏବଂ କିପରି ସମାଧାନ ହୋଇପାରିବ ତାହା ନିଜର ସୁଚିନ୍ତିତ ମତାମତ ଦେଇ ଖବରକାଗଜରେ ପ୍ରକାଶିତ ହେଲେ କିମ୍ବା ଗଣମାଧ୍ୟମ ଦ୍ୱାରା ଜଣାଇଦିଆଗଲେ ଏହା ସମସ୍ତଙ୍କ ପାଇଁ ମଙ୍ଗଳ ହେବ ।
ଅନେକ କ୍ଷେତ୍ରରେ ରାଜନୈତିକ ଫାଇଦା ପାଇଁ ଏହା ବହୁଳ ଭାବରେ ଇଲକ୍ଟ୍ରୋନିକ ଗଣମାଧ୍ୟମରେ ଆୟୋଜନ କରାଯାଇଥାଏ । ସମାଧାନର ବାଟ ଅତ୍ୟନ୍ତ ସିଧାସଳଖ ଥିଲେ ମଧ୍ୟ ସମ୍ବିଧାନ ଅଥବା ଶାସନ କଳର ଅଙ୍କୁଶ ତାହାରି ଦୃଷ୍ଟିକୋଣରୁ ଏହାକୁ ତୁରନ୍ତ କାର୍ଯ୍ୟକାରୀ କରିବା ପାଇଁ ବାଧା ସୃଷ୍ଟି କରେ । ହୁଏତ ରାଜନୈତିକ ପଣ୍ଡିତମାନେ ବହୁ ଚିନ୍ତାକରି ଠିକ୍ କରିଥିବେ ।


ବର୍ତ୍ତମାନ ସମୟ ଆସିଛି, ପ୍ରତିଟି କ୍ଷେତ୍ରରେ କୌଣସି ବାଦ ବିବାଦ, ଯୁକ୍ତି ତର୍କ, ସମାଲୋଚନାର ଆବଶ୍ୟକତା ନାହିଁ । ଯାହା ବାସ୍ତବ, ସର୍ବ ଗ୍ରହଣୀୟ, ଲୋକାଭିମୁଖୀ ଏବଂ ଲୋକହିତକର ତାହାର ସମାଧାନ କିପରି ହେବ ତାହା ସାର୍ବଜନୀନ କରିବା ଉଚିତ୍ । ଫଳରେ ଲୋକଙ୍କ ଚିନ୍ତାଧାରାରେ ପରିବର୍ତ୍ତନ ହୋଇପାରିବ ।
ପ୍ରଶାନ୍ତ କୁମାର ଶତପଥୀ
ଛତ୍ରପୁର

 79 total views,  1 views today

One thought on “ସମାଲୋଚନା, ଆରୋପ ଏବଂ ପ୍ରତ୍ୟାରୋପ- ପ୍ରଶାନ୍ତ କୁମାର ଶତପଥୀ”
  1. କେବଳ ସମାଲୋଚନା,ଆରୋପ,ପ୍ରତ୍ୟାରୋପ ଦ୍ୱାରା ସମାଜ ଆଗେଇ ପାରିବ ନାହିଁ। ସମାଧାନ ର ସୂତ୍ର ହିଁ କଲ୍ୟାଣ କାରୀ । ଖୁବ୍ ସୁନ୍ଦର ଉପସ୍ଥାପନା

Leave a Reply

Your email address will not be published. Required fields are marked *