“ପାହନ୍ତି ସପନ”–(ଜୟ କୁମାର ମିଶ୍ର )

“ପାହନ୍ତି ସପନ”

ବରଷ ଶେଷରେ ଶୀତୁଆ ରାତିରେ
ପାହାନ୍ତି ସପନ ହେଲା,
ମନର ଭାବନା ସ୍ୱପନେ ଫଳିଲା
କେତେ ଉଚ୍ଚାଟିଆ ଥିଲା ll(1)
ଗୋପନ ଭାବନା ବାସ୍ତବ ହୋଇଲା
ଦେଲାସେ ପ୍ରୀତି ପାଉଣା,
ହୋଇବ ଅଭୁଲା, ସାଇତାସେ ହେଲା
ବସନ୍ତ ବାସନ୍ତି ଜିଣା ll(2)
ମୋ ମନ ମାନସୀ, ମଥାକୁ ଆଉଁସି
କରିଲା ଆଦର କେତେ,
ପ୍ରୀତି ଅନୁରାଗେ
ଭେଟି ଦେଇଦେଲା
ଗଣ୍ଡରେ ଚୁମ୍ବନ କେତେ ll(3)
ମୋପ୍ରୀତି ନାୟିକା
ହୋଇଥିଲା ଦେଖା
ଏକା ଏକା,ଆସି ସେତ
ବୀଣା ଜିଣା ସ୍ଵନେ ଆଳାପ ପ୍ରଳାପ
ଅନ୍ୟ ସବୁ ତାର ସlଥେ ll(4)
ମୋ ରସ ରଙ୍ଗିନୀ , ସପନ ସଙ୍ଗିନୀ
ହୃଦୟେ ଘେନିସେ ସ୍ଥାନ,
କରପରେ କର ଥୋଇ ସେତ ମୋର
କରୁଥିଲା ବହୁ ରାଣ ll(5)
ଆଦ୍ୟ ତାରୁଣ୍ୟର କାମନା ବିଭୋର
ନବ ଯଉବନ ବେଳ,
ଲଘା,ପଘା ଛାଡି, ଯାଉଥିଲା ଉଡି
ମନପକ୍ଷୀ ଏଡି କୁଳ ll(6)
କାଳ,କlଳହୋଇ ମାରି ଥୋଇଦେଲା
ଦାରୁଣ ବେଦନା ଦେଇ,
ଦୁହିଁଙ୍କ ଇଚ୍ଛାଟି ଇଚ୍ଛାରେ ରହିଲା
ଜୀବନ୍ୟାସ ହେଲା ନାହିଁ ll(7)
ତଥାପି କାହିଁକି, ଅବୁଝା ମନଟି
ଝୁରୁଥାଏ ଏକାନ୍ତରେ,
ମୃଗତୃଷ୍ଣାର ପିପାସା ଖୋଜୁଛି
ତା ସୁଧାଟିକୁ ଆଶା କରେ ll(8)
ପ୍ରଭାତ ସାଥିରେ ସାଥି ହୋଇ ଆସି
କୁଆ କାଆ, କାଆ କରି,
ମାଧୁର ସପନ କରିଲା ଗୋପନ
ନିଦ୍ରା ଗଲା ଡରି ମରି ll(9)
*************************
ଜୟ କୁମାର ମିଶ୍ର, ଗ୍ରାମ-ବୁଦୁରା
ଡାକ-ଗୋରିବନ୍ଧା ମାଧ୍ୟମ-କାଶୀନଗର, ଜିଲ୍ଲା-ଗଜପତି
ଓଡିଶା, 761206, ଯୋଗାଯୋଗ
6372127449

 282 total views,  1 views today