December 07, 2021
11 11 11 AM
*PEACEFULL CLOUDSPHERE–Maid Čorbić*
*CALM CLOUDS-Prasanna Bhatta*
*CALM CLOUDS–Chinmayee Mohapatra*
*Calm Clouds–Marck Ogbac*
*CALM CLOUDS–Ramesh Chandra Pradhani*
*Calm Clouds–Hazel Domingo*
*Calm clouds–Gayatri mishra*
*ଭସାମେଘ–ମୁକ୍ତିରାଣୀ ଦେବତା*
*”ଭସା ମେଘ”-ସ୍ଵପ୍ନାରାଣୀ ପାଣିଗ୍ରାହୀ*
*ଭସା ମେଘ–ନିତ୍ୟାନନ୍ଦ ସିଂହ*
*ଭସାମେଘ–ଜାନକୀ ମହାନ୍ତ*
*ଭସା ମେଘ–ଅଞ୍ଜଳି ଗିରି*
*ଭସାମେଘ–ସନ୍ଧ୍ୟାରାଣୀ ହୋତା*
*ଭସା ମେଘ–ପ୍ରତିମା ବାରିକ*
*ଟିପେ ପୃଥିବୀର ମୋହ – ସୀମାଞ୍ଚଳ ପଣ୍ଡା*
*ମରିଚିକା – ମନୋଜ କୁମାର ଦାସ*
*ଅପେକ୍ଷା ର ମୁହୁର୍ତ୍ତ – ନିର୍ମଳ ବାରିକ*
*ତୁ ଥା ମୁଁ ଯାଉଛି ଋଷି – ମୁକ୍ତିରାଣୀ ଦେବତା*
*BEYOND LIMITS -Dr.Prasana Kumar Dalai*
*କବିଟିଏ ମୁଁ କବିଟିଏ – ଜିତେନ୍ଦ୍ର ଗିରି*
Latest Post
*PEACEFULL CLOUDSPHERE–Maid Čorbić* *CALM CLOUDS-Prasanna Bhatta* *CALM CLOUDS–Chinmayee Mohapatra* *Calm Clouds–Marck Ogbac* *CALM CLOUDS–Ramesh Chandra Pradhani* *Calm Clouds–Hazel Domingo* *Calm clouds–Gayatri mishra* *ଭସାମେଘ–ମୁକ୍ତିରାଣୀ ଦେବତା* *”ଭସା ମେଘ”-ସ୍ଵପ୍ନାରାଣୀ ପାଣିଗ୍ରାହୀ* *ଭସା ମେଘ–ନିତ୍ୟାନନ୍ଦ ସିଂହ* *ଭସାମେଘ–ଜାନକୀ ମହାନ୍ତ* *ଭସା ମେଘ–ଅଞ୍ଜଳି ଗିରି* *ଭସାମେଘ–ସନ୍ଧ୍ୟାରାଣୀ ହୋତା* *ଭସା ମେଘ–ପ୍ରତିମା ବାରିକ* *ଟିପେ ପୃଥିବୀର ମୋହ – ସୀମାଞ୍ଚଳ ପଣ୍ଡା* *ମରିଚିକା – ମନୋଜ କୁମାର ଦାସ* *ଅପେକ୍ଷା ର ମୁହୁର୍ତ୍ତ – ନିର୍ମଳ ବାରିକ* *ତୁ ଥା ମୁଁ ଯାଉଛି ଋଷି – ମୁକ୍ତିରାଣୀ ଦେବତା* *BEYOND LIMITS -Dr.Prasana Kumar Dalai* *କବିଟିଏ ମୁଁ କବିଟିଏ – ଜିତେନ୍ଦ୍ର ଗିରି*

କିଛିକଥା — ସଞ୍ଜିତା ପ୍ରଧାନ

#କିଛିକଥା

ନାରୀ ପାଇଁ ଏତେ ନିୟମ
କରିଲା କିଏ ?
ଉତ୍ତର ଆସେ ସମାଜ ,
ହେଲେ ଏ ସମାଜ ପୁଣି କିଏ ?
ଆମେ ହିଁ ତ ସମାଜ ,
ତେବେ ଆମେ ରଚିଛୁ ସବୁ କୁସଂସ୍କାର
ସବୁ କୁପ୍ରଥା , ସବୁ ଅନୀତି ,
ପୁଅକୁ ବଂଶ ରକ୍ଷକ
ଆଉ ଝିଅକୁ ଦୁହିତା ଆଖ୍ୟା ଦେଇ
ଅନ୍ୟ ଘରକୁ ବିଦା କରିବାର ରୀତି ??

ଆଉ ଗୋଟେ ଅପ୍ରିୟ ସତ୍ୟ ଶୁଣ……
ନାରୀକୁ ନାରୀ ହିଁ ବେଶି ସମାଲୋଚନା କରେ
ତା’ର ବେଶଭୁଷା , ଚାଲିଚଳଣି , କଥାବାର୍ତ୍ତା
ସବୁଥିରେ ପ୍ରଶ୍ନ ଉଠାଏ ,
କାହିଁକି ଏମିତି ହୁଏ ??
ଉତ୍ତର ଆସେ
“ତୁ ପରା ଝିଅ କାଇଁ ପୁଅ ପରି ହଉଛୁ ,
ସବୁ ପ୍ରଶ୍ନର କ’ଣ ଉତ୍ତର ଥାଏ ,
ଏଇଟା ପରା ବିଧିର ବିଧାନ ”
ଛି……
ବିଧିର ବିଧାନ ନା ଛେନା ଗୁଡ଼….
ସତରେ ସବୁବେଳେ ଏ କଥା ସବୁ ଶୁଣି ଶୁଣି
ମୁଣ୍ଡ ଟିଣ ହେଇଗଲାଣି ।।

ଝିଅକୁ ଅଠର ନ ହେଉଣୁ
ବର ଖୋଜା ଚାଲେ ,
ପାଠ ଅଧାରେ ବନ୍ଦ ହୁଏ ,
ଝିଅ ବୋଲି କ’ଣ ତା’ର ସ୍ବପ୍ନ ନାହିଁ ??
ସେ କ’ଣ ବୋଝ ସମାଜରେ ??
ସେ ମୁଣ୍ଡରେ ଓଢଣା ଦବ
ସିନ୍ଦୁର ପିନ୍ଧିବ
ସଭିଙ୍କୁ ସମ୍ମାନ ବି ଦବ
କାହା ସହିତ ହସ ଖୁସିରେ
ଉଚ୍ଚ ସ୍ୱରରେ ପଦେ କଥା କହିଲେ
ଉଗ୍ରଚଣ୍ଡୀ ବୋଲାଇବ ,
କାହିଁକି…. କାହିଁକି କହିଲ ??
ସବୁ ନିୟମ କେବଳ ଝିଅ ପାଇଁ କାହିଁକି ??
ସେ ତା’ର ସବୁ ତ୍ୟାଗ କରିବ ??
ତା’ ରୂପ , ଗୁଣ , ଆଚରଣ , ହସ ଖୁସି
ସେ କ’ଣ ତ୍ୟାଗ କରିବାର ମେସିନ ??

କହିଲେ କହିବ ନାରୀ ସର୍ବଂସହା
ହଁ ବୁଝୁଛି ସେ ସର୍ବଂସହା ,
ହେଲେ ସହିବାର ବି ତ ସୀମା ଥାଏ ନା ,
କେତେ ସହିବ ଜଣେ ??
ଭ୍ରୁଣ ସୃଷ୍ଟିରୁ ଯା’ର ଭାଗ୍ୟ ଲେଖା
ସମାଜ ହାତରେ ,
ସେ ବା କେତେ ଲଢ଼ିବ ସମାଜର
ବୃଦ୍ଧ ଜରଦଗବଙ୍କ ସହିତ ??

ଯଦି ନାରୀ ସର୍ବାଗ୍ରେ ପୂଜିତ ହୁଅନ୍ତା
ତେବେ ଏଇ ନାରୀ ଦିବସର
କ’ଣ ଦରକାର ପଡ଼ନ୍ତା ??
ଯଦି ନାରୀ ପ୍ରତି ସମ୍ମାନ ଥାଆନ୍ତା
ତେବେ କ’ଣ ଟେଲିଭିଜନ
ଖବରକାଗଜ ଖୋଳିବା କ୍ଷଣି
ବଳାତ୍କାରର ଖବରରେ
ହୃଦୟ ଥରନ୍ତା ??
ଘରକୁ ଫେରିବାରେ ଟିକିଏ
ବିଳମ୍ବ ହୋଇଗଲେ
ବାପା ମାଆଙ୍କ ନିଦ ଉଡ଼ନ୍ତା ??
ନାହିଁ ନା……।।

ଆଜି ବି ଏ କବିତା ପଢିକି
କେତେ ଜଣ କେତେ କ’ଣ ଭାବିବେ
ହେଲେ ଅଯଥା ଭାବିବା ଛାଡିକି
ଯଦି ସବୁଦିନ ନାରୀ ଦିବସ
ପାଳନ ହୁଅନ୍ତା ,
ଆଜି ଯେମିତି ନାରୀ ପାଇଁ
ସମ୍ମାନର ସୁଅ ଛୁଟୁଛି
ଯଦି ସବୁଦିନ ଏମିତି ହୁଅନ୍ତା
ପୁଅଟିଏ ପାଇଁ ପରିବାର
ଯେମିତି ଆଶା ବାନ୍ଧେ
କାଶ୍ , ଝିଅ ପାଇଁ ବି ସେ ଆଶା ରଖନ୍ତା ।।

ତେବେ ଚାଲନ୍ତୁ ନା ଆଜି ପାଇଁ
କେବଳ ନୁହେଁ
ସବୁଦିନ ପାଇଁ ପାଳିବା
ନାରୀ ଦିବସ
ସବୁଦିନ ତାକୁ ସମ୍ମାନ ଦେବା
ସ୍ନେହ ଦେବା ଆଉ ତା’ର ଅଧୁରା ସ୍ବପ୍ନକୁ
ସାକାର କରିବାରେ ତା’ର ସାଥି ହେବା ,
କିଛି ନାରୀ ପାଇଁ
କାହିଁକି ସମଗ୍ର ନାରୀ ସମାଜକୁ ଲାଂଛିତ କରିବା
ସବୁଦିନ ଆମେ ନାରୀ ଦିବସ ମାନିବା
ସବୁଦିନ ନାରୀ ଦିବସ ମାନିବା …..।।

©️®️ସଞ୍ଜିତା ପ୍ରଧାନ ( ଶିକ୍ଷୟିତ୍ରୀ )
ଜୟରାମ ସରକାରୀ ଉଚ୍ଚ ବିଦ୍ୟାଳୟ , ଲେଫ୍ରିପଡ଼ା ,
ସୁନ୍ଦରଗଡ଼

 185 total views,  1 views today

5 thoughts on “କିଛିକଥା — ସଞ୍ଜିତା ପ୍ରଧାନ

Leave a Reply

Your email address will not be published. Required fields are marked *