ଓଃ…ଆଜି ତମେ ବିଦାୟ ନେଉଛ !

ଦିନେ ଏ କଥା
ଶୁଣିବା କ୍ଷଣି
ନୀଳଅମ୍ବରର
ଶିରାପ୍ରଶିରା ସବୁ
ସ୍ତବ୍ଧ ପାଲଟିଥିଲା ।

ହେଲେ ଆଜି କିନ୍ତୁ
ତୁମ ଛଳନା ପ୍ରଖର ଅନଳରେ
ନୀଳଅମ୍ବରର ହୃଦୟ
ନୀସ୍ତବ୍ଧ ହୋଇସାରିଛି
ତା ଅନ୍ତରର ଅଶ୍ରୁବାରିଧି
ଶୁଖି ସାରିଛି
ମନରେ ବି ମରି ସାରିଛି
ସେ ଚାହିଁଲେବି ଜମା ଆଉ
ବରଷି ପାରୁନି ।
କାହିଁକି ଜାଣିଛ ?
ସେ ବୁଝି ପାରିଛି
ସଂମ୍ପର୍କର ମାନେ କଣ ?

ତମ ପାଇଁ
ଏମିତି କେତେ ଦିନ କେତେ ରାତି
ଅଶ୍ରୁବାରିଧି ଝରାଇ ଚାଲିଥାଏ
ତମେ ଏହାର ମାନ କଣ ବୁଝିଲ ?
ଯଦି ବୁଝିଥାନ୍ତ
ତେବେ ହତାଶଶୂନ୍ଯ
ପରିଧି ମଧ୍ଯରେ ଅକ୍ଲେଶ
ନୀଳଅମ୍ବର ଆଜି
ଯନ୍ତ୍ରଣାସିକ୍ତ ଅବସ୍ଥାରେ
ବିଚରଣ କରିନଥାନ୍ତା ।

ତମ ପ୍ରତିଶୃତି ବି କେତେ ବିସ୍ମୟକର
ଯେଉଁଠିଥିଲା କପଟତାର ବିନିଯୋଗ
କଣ ଦରକାର ଥିଲା
ଏସବୁକୁ ସାଉଁଟିବାର ।

ତମ ପ୍ରୀତିଜ୍ଯୋସ୍ନାରେ
କେତେ ସଚ୍ଚୋଟତା ଥିଲା ଯେ
ତମ ପାଇଁ ବରଷି ଯାଇଥାନ୍ତା ।
ତମେ ତ ତମ ଆତ୍ମସନ୍ତୋଷ ପାଇଁ
କିଛି ବି କରିପାର
ପରକୁ ଆପଣା ଓ ଆପଣାକୁ ପର ।

ନୀଳଅମ୍ବରକୁବି ଜ୍ଞାତ ହୋଇସାରିଛି
ତୁମେ କେତେ ଗଭୀରତାରେ
ଡାବୁକ ମାର ।

ତମେ ଯାଉଛ ଯଦି ଯାଅ
ଏବେ ନା ଝରିବ ଅଶ୍ରୁ
ନା କରିବ ପଶ୍ଚାତାପ
ନା ହେବ ମଧୁର ଆଳାପ
ନା କରିବ ଅନୁତାପ
ନା କରିବ ଅନୁତାପ ।

ରମାକାନ୍ତ ସିଂ ସାହାଣୀ
ମୋ – 9337839261

 127 total views,  1 views today

7 thoughts on “ଓଃ…ଆଜି ତମେ ବିଦାୟ ନେଉଛ ! –ରମାକାନ୍ତ ସିଂ ସାହାଣୀ”
  1. This is an example of a comment made on a post. You can either edit the comment, delete the comment or reply to the comment. Use this as a place to respond to the post or to share what you are thinking. Vittoria Bran Barthold

Leave a Reply

Your email address will not be published. Required fields are marked *