ନିବିଡ଼ତା
କେତେ ଯେ ନିବିଡ଼ତା
ଆଉ ଅତ୍ମୀୟତା
କେତେ ଯେ ପୁଲକ ଭରେ
ତୁମ ଭାବନାରେ
ଶିହରଣ ଖେଳିଯାଏ
ତନୁ ରେ ମନରେ.❣️
ନାହିଁ କିଛି ଅନୁଭୂତି
ବର୍ଷା ଭିଜା ପ୍ରୀତି ଅବା
ଜୋଛନା ଗାଧୁଆ ରାତି
ଶୀତର ନିବିଡ଼ ଆଶ୍ଳେସରେ
ଏକାକାର ହେଇଯିବାର ସ୍ମୃତି
ତଥାପି ଉଲ୍ଲସିତ ପ୍ରାଣ
ବିଦ୍ୟୁତ ପ୍ରବାହ ସାରା
ଶିରା ପ୍ରଶିରାରେ. ❣️
ତୁମକଥା ଭାବିଦେଲେ
ମନରେ ସାହସ ସଞ୍ଚରେ
ସଦା ଥାଅ ପାଖେ ପାଖେ
ମୋ ହୃଦୟର ପ୍ରତିଟି କୋଣରେ
ଏକୁଟିଆ ପଣ ଅବା
ଉଦାସୀ ବେଳାରେ
ଦିଶେ ତୁମ ଭାବଦୀପ୍ତ ମୁଁହ
ମନ୍ଦ ମନ୍ଦ ହସି କୁହ
ମୁଁ ଅଛି ସାଥୀ ତୁମ ପାଶେ
ପ୍ରତି ମୁହୂର୍ତ୍ତ ରେ. ❣️
ଯଦି ଏତେ ଶୀତଲତା
ତୁମ ଅଷ୍ପର୍ଶ ପ୍ରେମରେ
ହେ ପ୍ରିୟତମ, ତୁମେ ଅନୁପମ
ତୁମେହିଁତ ମୋର ମାନସ ପ୍ରତୀମ
ଯୁଗେଯୁଗେ ଦୁଃଖିଟିଏ କର ମତେ ଆଉ କୋଳେଇନିଅ ତୁମ
ଅଦୃଶ୍ୟ ବାହୁ ବଳୟରେ
ବିଲୀନ କରିଦିଅ ସେଇ
ବିମୁଗ୍ଧ ଛନ୍ଦା ଚରଣରେ. ❣️
ଶ୍ରୀମତୀ କୃଷ୍ଣା ଦାସ
ପୁରୀ
17 total views, 1 views today