🙏ମୋ ଭାଷା ଓଡ଼ିଆ ଆଜି… 🙏
ଚକ୍ରବ୍ୟୁହ ମଧ୍ୟେ ଫସି ଯାଇଅଛି
ଓଡ଼ିଆ ଭାଷାଟି ଆଜି,
ବିଦେଶୀ ଭାଷାର ଖଣ୍ଡି ପ୍ରଭାବରେ
ବାବୁ ସାହେବକୁ ସାଜି ।
ଡାଡି ମମି ଠାରୁ ଆରମ୍ଭ ହୋଇଣ
ଗୁଡ୍ ନାଇଟ୍ ପର୍ଯ୍ୟନ୍ତ,
ଏଥିରେ ସାମିଲ୍ ହେବାପାଇଁ କିମ୍ପା
ନେଇଥାଆନ୍ତି ସିଦ୍ଧାନ୍ତ ।
ଓଡ଼ିଆ ବୋଲିଣ ଗର୍ବ କରୁଥାଉ
ଲୋକ ଦେଖାଣିଆ ଏହା,
ଶଗଡ଼ ଗତିରେ ଓଡ଼ିଶାର ଭାଷା
ରାଜକାର୍ଯ୍ୟ ମଧ୍ୟେ ଯାହା ।
କେତେ ଅଭିମନ୍ୟୁ ଫସି ରହିଗଲେ
ଚକ୍ରବ୍ୟୁହର ଭିତରେ,
ଅର୍ଜୁନଙ୍କ ଭଳି ବୀରଦର୍ପେ ଆଜି
ଉଦ୍ଧାର କର ସତରେ ।
ଓଡ଼ିଆ ସଂସ୍କୃତି ଓଡ଼ିଆଙ୍କ କୃତୀ
ସାରା ବିଶ୍ୱ ଅଛି ଜାଣି
କାଗଜ ପତ୍ରରେ ସୀମିତ ନରଖି
ବାସ୍ତବକୁ ଆଣ ଟାଣି ।
ପ୍ରଶାନ୍ତ କୁମାର ଶତପଥୀ
ଛତ୍ରପୁର, ଗଞ୍ଜାମ
301 total views, 1 views today