# ମାନବିକତା
*********************
ଅତି ବୁଦ୍ଧିଆ ମଣିଷ ଭାବେ ସବୁ ଜନ୍ତୁଙ୍କ ଠାରୁ,
ସୁବିଧା ପାଇଁ ନିଜ ଲୋକଙ୍କୁ ଜୀବନୁ ପଛେ ମାରୁ ।
ଯାହାର ଖାଇ ମଣିଷ ହୁଏ ତାହାରି କରେ କ୍ଷତି,
ମିଛରେ ସିଏ ନାଟକ କରେ ଭାବେ ଚତୁର ଅତି।
ମଣିଷ ପରି ମଣିଷ ଟିଏ ପାଉନି କେହି ଖୋଜି,
ମଣିଷ ଦେହେ ପଶୁ ପ୍ରବୃତ୍ତି ଦେଖା ଯାଉଛି ଆଜି।
ସେବା ନାଁଆରେ ନେବା ଚାଲିଛି ପୁଲିସ ସାଜେ ଚୋର,
ରୋଗ ରେ ଯଦି ପଡ଼ିଲା କେହି ବନ୍ଧା ପଡ଼ିଲା ଘର।
କେଉଁଠି ହେଲେ ଆଜିର ନାରୀ ଭାବୁନି ସୁରକ୍ଷିତ,
ଘରେ ହେଉ କି ବାହାରେ ହେଉ ଅବା ସେ ରାଜପଥ।
ମଣିଷ ଠାରେ ମାନବିକତା ଖୋଜିଲେ ମିଳୁ ନାହିଁ,
ହୃଦୟ ତା’ର ତରଳୁ ନାହିଁ ଅନ୍ୟର ଦୁଃଖ ପାଇଁ।
ଭଲ ତ ଥିଲା ପୁରୁଣା ଦିନ ବଦଳି ଗଲା ଆଜି,
ସନ୍ଦେହ ଆଉ ପ୍ରତାରଣାରେ ସମାଜ ଗଲା ଭିଜି।
ଲୋଭ ମୋହରେ ମଣିଷ ଆଜି ଗଲାଣି ଅନ୍ଧ ହୋଇ,
ଦେଖି ପାରୁନି ଫରକ ସିଏ ସଦା ନିଶାରେ ରହି।
✍️ ଶ୍ରୀ ରମାକାନ୍ତ ମାହାଳି
(Shri Ramakanta Mahali)
୨୫, ଭାଗବତ ସନ୍ଧାନ, ଭୁବନେଶ୍ୱର-୭୫୧୦୨୫
ମୋ-୯୪୩୮୯୧୭୧୦୫