ମିଠା କାହାଣୀ
ସବୁ କାହାଣୀ ମିଠା କାହାଣୀ ନୁହେଁ,
ସବୁ ଚାହାଣୀ ବାଙ୍କ ଚାହାଣୀ ନୁହେଁ,
ସବୁ ଚଳଣୀ ଆମ ଚଳଣୀ ନୁହେଁ,
ସବୁ ବାଣୀ ମନ ମୋହିନୀ ନୁହେଁ ।
ସବୁ କାଠେ ନାହିଁ ଚନ୍ଦନ ବାସ,
ସବୁ ଫୁଲେ ନାହିଁ ଗୋଲାପ ରସ,
ସବୁଠି ମିଳେନି ରଙ୍ଗ ପଳାସ,
ସବୁଠି ମିଳେନି ଆତ୍ମୀୟ ହସ ।
ସବୁଠାରୁ ପ୍ରିୟ କଥା ଦିପଦ,
ସବୁଠାରୁ ମିଠା ହସର ସ୍ୱାଦ,
ସବୁଠାରୁ ମଜା ସହାସ୍ୟ ମୁଖ,
ସବୁଠାରୁ ବଡ଼ ଶ୍ରୀଜଗନ୍ନାଥ ।
ସବୁଠି ଆଦର ସ୍ମିତ ହସର,
ସବୁଠି ଆଦର ମିଠା କଥାର,
ପର ଉପକାର ପରମ ବ୍ରତ,
ସବୁଠି ପୂଜିତ ଶ୍ରୀଜଗନ୍ନାଥ ।
ମିଥ୍ୟା ଠାରୁ ନାହିଁ ବଳିକି ପାପ,
ସତ୍ୟ ଠାରୁ ନାହିଁ ପୁଣ୍ୟ ସଂଳାପ,
କି କହିବି ଆଉ ମିଠା କାହାଣୀ,
ପ୍ରେମ ସୁଧାମୟ ଏହି ଧରଣୀ ।
**************
ସହକାରୀ ଶିକ୍ଷକ,
ସରକାରୀ ବାଳିକା ଉଚ୍ଚ ବିଦ୍ୟାଳୟ, ଗୁମ୍ମା(ବୈପାରିଗୁଡା)-୭୬୪୦୪୩
କୋରାପୁଟ ଜିଲ୍ଲା(ଓଡ଼ିଶା)
ଯୋଗାଯୋଗ -9777592002
