ମୁଁ ଭାବିଥିଲି
ମୁଁ ଭାବିଥିଲି,
ମୋ ଅଗଣାରେ ତୁମେ
ଥରେ ପାଦ ପକାଇଲେ
ତୁମ ପାଦତଳେ ଦଳି ହୋଇଯିବ
ମୋର କିଛି ଦୁଃଖ ଓ
ନିଃସଙ୍ଗତାରୁ ମେଞ୍ଚାଏ,
ତାପରେ ମୁଁ ପରଶି
ଦେଇଥାନ୍ତିମୋ ଆତ୍ମାକୁ ନିଃସଙ୍କୋଚରେ, ନିରଳସରେ ❣️
ମୁଁ ଭାବିଥିଲି,
ତୁମେ ଥରେମୋ ଆଡେ
ହାତ ବଢ଼ାଇଲେ,
ତୁମ ପ୍ରେମମଗ୍ନ ଦିଗନ୍ତ ହୃଦୟ
ଭରିଥାନ୍ତା ମୋ ପାପୁଲିରେ
କେତେଯେ ପ୍ରୀତିର ଫଗୁଣ
ତୁମରି ଅନୁରାଗରେ. ❣️
ମୁଁ ଭାବିଥିଲି,
ତୁମେ ଥରେ ମୁଁହ ଉଠାଇ
ମୋ ଆଖିରେ ଆଖି ମିଶାଇଲେ
ସାରା ବସନ୍ତର ରଙ୍ଗ ମାଖିହୋଇ
ଯାଇଥାନ୍ତା ତୁମ ଘୁମନ୍ତ ଆଖିରେ,
ତୁମ ସବୁ ହତାଶ ଓ ନିରାଶର
କଳାମେଘ ଲୁଚିଯାଇଥାନ୍ତା
ମୋର ଏଇଦୁଇ ମୁଦ୍ରିତ ଆଖିରେ ❣️
ଶ୍ରୀମତୀ କୃଷ୍ଣା ଦାସ
ପୁରୀ
