ମା’ ମାଟି କାନ୍ଦୁଛି
~~~~~~~~~
ଚିରବନ୍ଦିତା ଅଭିନିନ୍ଦିତା ଏଇ ମା’ମାଟି
ଛନ୍ଦେ ଛନ୍ଦିତା ମୃଦୁ ମନ୍ଦିତା ଏଇ ମାଆ
ସାଗର ତୋ ପାଦ ବନ୍ଦେ ,ମଥା ନୁଆଁଇ
ଜନମି କେତେ ଶୁର ବୀର ତୋ କୋଳରେ
ରଖିଯାଇଛନ୍ତି ତୋର ନାଆଁ ଯୁଗେ ଯୁଗେ
ପୁଣ୍ୟ ଶରୀର ପୀନ ପୟୋଧାରା ବାରି
ଦେଇଛୁ ଢ଼ାଳି ,ସେ ପରା ଆମ ସାହା
ତୋର ଶରୀର ଆଜି ସତଧା ବିଦୀର୍ଣ୍ଣ
ଜରାଜୀର୍ଣ୍ଣ ଆଉ ତୁ ଅତ୍ୟାଚାରରେ ପୀଡିତ
ତୋ ପ୍ରକୃତିର ଦୃଶ୍ୟ ଆଜି ଛିନ୍ନଭିନ୍ନ
ତୋ ପିଠିରେ ଦୁର୍ନୀତିର କୋରଡାମାଡ଼
ଆଉ ନାଚାର ଲାଗୁଛି ଗଣତନ୍ତ୍ର
ପୁଣି ଘୁଙ୍ଗୁଡ଼ି ମାରୁଛି ଶାଶନ କଳ
ତୋ ମାଟିରେ ମାଆ ଖାଲି ହିଂସା ,ଲୁଣ୍ଠନ
ବଳାତ୍କାର,ହତ୍ୟା ସନ୍ତ୍ରାସ ,ଷଡ଼ଯନ୍ତ୍ରର
ଲୁହର ,ଲହୁର,ଲାଳସାର,ଲାଞ୍ଛନାର
ସତରେ ଲୋ ମାଟି ମାଆ ତୋ ସନ୍ତାନ
ଆଜି ମଣିଷ ମଣିଷପଣିଆର ବାଟ ହୁଡ଼ିଛି
କେତେ କ୍ଳାନ୍ତ ଓ ଅବଶ ତୁହି ଲୋ ମାଆ
ଆଜି ତୋ ଆଖିରୁ ଅବାରିତ ଲୁହ ଝରୁଛି
ତୁ ମାଆ ଟିଏ ହୋଇ ସବୁ ସହିଛୁ
ସମସ୍ତଙ୍କୁ ତୁ କୋଳେଇ ନେଇଛୁ
ଧନ୍ୟ ଲୋ ତୁ ଧନ୍ୟ ଆମ ମାଟି ମାଆ ।
ସଂଯୁକ୍ତା ସାହୁ
ରାହାମା
ଜଗତସିଂହପୁର ।
523 total views, 1 views today