ଖାସ ତୁମପାଇଁ
ଏଇଟା ନିରାଟ ସତ
ତୁମକୁ ଭଲ ପାଏ ବୋଲି ତ,
ମୋର ପ୍ରତିଟି ସ୍ଥିତି ଅବସ୍ଥିତି ରେ
ପ୍ରତିଟି ଅଭାବ, ସ୍ଵଭାଵ, ତୃପ୍ତି ରେ
ସାଉଁଟି ଚାଲିଛି ତୁମରି ଅସ୍ତିତ୍ୱ.🌹
ତୁମକୁ ଭଲ ପାଏ ବୋଲିତ,
ପ୍ରଥମ ଦେଖାରୁ ଏ ପର୍ଯ୍ୟନ୍ତ
ସବୁ ସ୍ମୃତି, ଅନୁଭୂତି ରେ
ସବୁ ଶୂନ୍ୟତାରେ ବା ନିଃସଙ୍ଗତାରେ
ତୁମକୁ ମନେ ପକାଇ ଲୋଡ଼େ
ତୁମ ଦ୍ରୁତ ନିଶ୍ୱାସ ର ନିବିଡ଼ ଆଶ୍ଳେଷ
ବେଳେବେଳେ ଭାବ ପ୍ରବଣତାରେ ତୁମ ସ୍ଥିତି ପରିଷପୁଟ
ମୋ ସାରା ଜଗତ. 🌹
ଖାସ ତୁମକୁ ଭଲ ପାଏ ବୋଲିତ,
ଯେବେଠାରୁ ଛନ୍ଦାୟିତ ତୁମ ସହ
ହେଲା ମୋର ସବୁ ସଜୀଵ ସପନ
ତୁମ ସଦଭାବନାର
ଶବ୍ଦଗ୍ରନ୍ଥିରେ ରଙ୍ଗୀନ ଓ
ଉଦ୍ଭାସିତ ହୋଇ ଉଠିଲା
ମୋର ଏଇ ବିବର୍ଣ ଜୀବନ,
ସେବେଠୁ ତରଙ୍ଗାୟୀତ
ଆମ ସମ୍ପର୍କ ପ୍ରୀତିପୂର୍ଣ୍ଣ
ହୃଦସ୍ପର୍ଶି, ମାଦକତା ଭରା
ମହୁଲି ବାସ୍ନାରେ ବାସ୍ନାୟିତ
ଭିଜା ଭିଜା, ଆବେଗ ଭରା
ପ୍ରତିଟି ମଞ୍ଜୁଳ ମୁହୂର୍ତ୍ତ. 🌹
ଶ୍ରୀମତୀ କୃଷ୍ଣା ଦାସ
ପୁରୀ
