……..କୋଣାର୍କ………

ନରସିଂହ ଦେବ କରିଲେ ଆଦେଶ
ଚନ୍ଦ୍ରଭାଗା ନଦୀ ତୀରେ
ସୂର୍ଯ୍ୟ ମନ୍ଦିର କରିବ ନିର୍ମାଣ
ଶ୍ରେଷ୍ଠ ହେବ ଜଗତରେ |

ଶିବେଇ ସାନ୍ତରା ଖାଇଲା ଜାଉ
ଥାଳିର ମଝିରୁ ନେଇ
ବୁଢ଼ୀ ଠାକୁରାଣୀ ମନ୍ଦିର ତୋଳା
କଥାକୁ ଥିଲେ ବତାଇ |

ବାରଶ ବଢ଼େଇ ବାରବର୍ଷ ଖଟି
ମନ୍ଦିର କରିଲେ ଠିଆ
ଧରମା ଆସିଲା ମୁଣ୍ଡି ମାରିଦେଲା
ଇତିହାସ କହେ ଯାହା |

ପଥରେ ଶୋଭନ ଦିଶେ ରଥସମ
କାନ୍ଥେ ମୂରତି ପୂରିତ
ମଧ୍ୟେ ସିଂହାସନ ଦିଶେ ଅନୁପମ
ନାଟ୍ୟ ମଣ୍ଡପ ଶୋଭିତ |

ଚବିଶିଟି ଚକ କାଳର ସୂଚକ
ସୂର୍ଯ୍ୟଥିଲେ ଆକାଶରେ
ଦକ୍ଷିଣାୟନ ଉତ୍ତରାୟଣ ମାସେ
ସମୟ ଜଣାଇ ପାରେ |

ପୃଥ୍ଵୀରେ ଆଶ୍ଚର୍ଯ୍ୟ କଳାର ଭାସ୍କର୍ଯ୍ୟ
ଉତ୍କଳର ଯଶ ଗାଏ
ମୂକସାକ୍ଷୀ ହୋଇ ଇତିହାସ ଗାଇ
ନୀରବେ ବିରାଜୁ ଥାଏ |

ଶରତ ଚନ୍ଦ୍ର ପଣ୍ଡା, ଗ୍ରା /ପୋ -ଡ଼େଙ୍ଗାଡି, ଗଞ୍ଜାମ |
ଫୋନ ନଂ -9938693319.

Leave a Reply

Your email address will not be published. Required fields are marked *