କନ୍ୟାରତନ
**********
ସ୍ଵର୍ଗ ଅପସରା ପରି ସଜାଇ ଲ
ହୃଦୟ ସଙ୍ଖାଳି ତୁମ
ପର ଗୋତ୍ରି କରି ନିକଟରୁ ଦୂର
ସାରି ଦେଲ ତୁମ କାମ।

ମୁଣ୍ଡରେ ଓଢ଼ଣା ହାତେ ଶଙ୍ଖା ଚୁଡି
ମଥାରେ ପିନ୍ଧି ସିନ୍ଦୂର
ସ୍ଵାଧୀନ ରୁ ପୁଣି ପରାଧୀନ ହୋଇ
ଆପଣା ହୋଇଲେ ପର।

ସୁନା ପଞ୍ଜୁରୀ ର ବନ୍ଦୀ ଶାରି ଟିଏ
କଥାରେ ହୁଁ କୁ ବୋଲି
ପାଦେ ପାଦେ ଯାହା କଣ୍ଟା ଫୁଟି ଯାଏ
ପାରେ ନାହିଁ ଭଲ ଚାଲି।

ନଣନ୍ଦ କୁ ଶାଶୁ ସ୍ୱାମୀକୁ ବସାଇ
ଆକଟ କରିବା କଥା
ବୋହୁ ନୁହେଁ ଅବା ଶତ୍ରୁ ପଶି ଅଛି
ଦେଖି ଘୁରିଯାଏ ମଥା।

ଯୌତୁକ ମାଗିବା ବଡ଼ ଅପରାଧ
ଶଶୁର ମୋ କହୁଥିଲେ
ସବୁ ଜିନିଷର କ୍ୱାଲି ଟି ଖରାପ
କେତେ ନାକ ଟେକୁ ଥିଲେ।

ହାଲ୍ ମାର୍କା ସୁନା ସବୁତ ନ ଥିଲା
ଗହଣା ନାହିଁ ମୂଲ୍ୟ
ସବୁ ଜିନିଷର ବଛା ବଛି ଚାଲେ
ନଣନ୍ଦ କରେ ତାଶ୍ଚଲ୍ୟ।

କନ୍ୟାକୁ ରତନ ବୋଲୁ ଥିବା ବାପା
ଦାନ ଦେଇ ପର କଲ
ଦକ୍ଷିଣା ଭାବରେ ଯୌତୁକ ଦେଇ
କି ଭୁଲ୍ କରିଦେଲ।

Sandhya Rani dash
Assistant teacher
Makundapur UPS
Jagatsinghpur
9861540207

 68 total views,  1 views today

One thought on “କନ୍ୟାରତନ— ସନ୍ଧ୍ୟାରାଣୀ ଦାଶ”

Leave a Reply

Your email address will not be published. Required fields are marked *