-: ଝୁଲା :-
ବର୍ଣ୍ଣ ବର୍ଣ୍ଣ ହୋଇ ଶବ୍ଦମାନ ଝୁଲା
କବିତାରେ ନିର୍ଝର ଝରଣା ,
କବି କାନ୍ଧେ ଶୋଭା କବିତାର ଝୁଲା
କବିପାଇଁ ଶବ୍ଦ ପ୍ରେରଣା……
ଶୂନ୍ୟପଥେ କାୟା ରକ୍ତ ମାଂସ ଝୁଲା
ପାପ ପୁଣ୍ୟ ହାଟ ସଉଦା ,
ମାନବଟା କ୍ରେତା ବିଧାତା ବିକ୍ରେତା
ପୁଣ୍ୟ ପଣ୍ୟ କିଣା ବେଉସା…….
ଜନନୀର ଗର୍ଭ ଝୁଲା ପ୍ରାୟ ସମ
ଯହିଁରେ ଲୁଚିଛି ନିଗୁଢ଼ ତଥ୍ୟ ,
ଜାତୀୟ ଜୀବନ ଜାତି ପାଇଁ ପ୍ରାଣ
ସମ୍ଭାବନା ଯହିଁ ଅଦ୍ୟ ରହସ୍ୟ……
ଏ ମର୍ତ୍ତ୍ୟ ମଣ୍ଡଳେ ଜନମରୁ ମୃତ୍ୟୁ
ହସ କାନ୍ଦ ବେକେ ଝୁଲୁଛି ,
ଆଜି ଯଦି ସୁଖେ ଦିନଟି କଟିଛି
ରାତ୍ରେ ଦୁଃଖ ନିଶ୍ଚେ ଆସିଛି…..
ହାଟ ବଜାରର ସଉଦା ପାଇଁ ସେ
ଭିକ୍ଷୁକର ଭିକ୍ଷା ଥଳା ,
ପିଲାମାନଙ୍କର ବହିପତ୍ର ଲାଗି
ନାଁ ଟି ତାର ଝୁଲା, ନାଁ ଟି ତାର ଝୁଲା….
ଅଙ୍କିତ୍ କୁମାର ସ୍ୱାଇଁ….
ଆପେକ୍ସ ଆବାସିକ ମହାବିଦ୍ୟାଳୟ
+୨ ବିଜ୍ଞାନ ଛାତ୍ର …
ଶାସନ୍ଦା, ବିଂଝାରପୁର , ଯାଜପୁର…
Ankit kumar swain…